Ministri i Punëve të Jashtme i Kosovës, Enver Hoxhaj duket se nuk e kupton fjalën ligj, e lërë më kuptimin e vetë ligjit. Kryediplomati kosovar, Enver Hoxhaj me vendimin e marrë për emërimin e Burim Gashit në postin e ushtruesit të detyrës, ka bërë shkelje të dyfishtë.

Kështu kanë bërë të ditur burime të Gazetës Blic brenda Ministrisë së Punëve të Jashtme. Sipas këtyre burimeve, Burim Gashi pos që është ushtrues detyre për më shumë se një vjet, ai ushtron dy pozita në të njëjtën kohë.

“Burim Gashi pos që është ushtrues i detyrës së Zyrtarit të Personelit, ai është ushtrues edhe i detyrës së sekretarit të përgjithshëm. Me këtë vendim ministri Hoxhaj ka bërë shkelje të rëndë të ligjit”, ka thënë ky zyrtar në kushte anonimiteti, nga rreziku që mund t’i hakmerret ministri Hoxhaj.
“Burim Gashi thuajse që dy vjet është ushtrues i udhëheqësit të Divizionit të Personelit duke e shkelur Rregulloren për Emërime të Larta e cila e parasheh se sa kohë një mund të jetë një ushtrues detyre në krye të një departamenti”, ka thënë ky burim.

“Këto shkelje nuk kanë mjaftuar për Minsitrin, por tash i ka dhënë edhe përgjegjësitë e UD të Sekretarit të Përgjithshëm të MPJ, duke i anashkaluar disa drejtore të cilët kane mundur të ushtrojnë këtë detyrë, bazuar në Rregullorën për emërime të larta. Rregullorja ia ndalon me u bo UD dikushë që është UD me një pozitë tjetër!”, ka thënë ky burim.

Mirëpo, nga Ministria e Punëve të Jashtme nuk kanë dhënë përgjigje për këtë skandal të ministrit Hoxhaj. Gazeta Blic dy ditë rresht ka pritur përgjigje, mirëpo nga MPJ s’ka kthyer askush.
Sipas burimeve të Gazetës Blic, Burim Gashi konsiderohet si dora e djathtë e ministrit Hoxhaj.
Mirëpo, kjo nuk është shkelja e vetme që ministri Hoxhaj e ka bërë. Para disa ditësh mediet kanë raportuar se si ministri Hoxhaj në mënyrë të kundërligjshme e ka avancuar edhe ish- futbollistin e Prishtinës, Uliks Emra. Nuk është vetëm Uliks Emra dhe Burim Gashi që janë avancuar jashtëligjshëm. Në vazhdimësi ka pasur raportime se si janë graduar zyrtarë të ndryshëm në MPJ pa kurrfarë kriteri. Dhe më skandalozja ka qenë konkursi për staf konsullor, ku para më shumë se dy vjetësh patën aplikuar mbi 700 persona, por që kurrë nuk është bërë publike se kush sa pikë ka marrë. Sipas burimeve të Gazetës Blic të gjithë të punësuarit ministri Hoxhaj i ka bërë ashtu siç ka dashur vetë.

Për më tepër po u sjellim të plotë Nenin 16 të Rregullorës për Emërime të Larta, që ministri Hoxhaj e ka shkelur me të dy këmbët.
Neni 16

Ushtrimi i detyrës
1. Përveç në raste të mungesës së mbajtësit të postit për shkaqe shëndetësore, asnjë pozitë e lartë drejtuese nuk duhet të plotësohet me ushtrues detyre për më shumë se tre (3) muaj.
2. Titullarët e institucioneve duhet të emërojne si ushtrues detyre të ndonjë pozite të lartë drejtuese, vartesin e pare me te ulët, apo kur ka disa vartës të rangut të njëjtë, atëherë zyrtarin i cili zakonisht zëvendëson zyrtarin në pozitë të lartë drejtuese gjatë mungesave të shkurtra.
3. Titullari i institucionit nuk ka te drejte të emëroj si ushtrues detyre te sekretarit të përgjithshëm apo kryeshefit ekzekutiv, një nëpunes i cili është ushtrues detyre në pozitën më të ulët.
4. Ne rast te mbetjes së një pozite të lirë në shërbimin civil, ushtruesi i detyrës nuk mund te emërohet me gjate se tre (3) muaj.

Drejtori për Gjeodezi dhe Kadastër, Fadil Shala, ka prit sot në zyrën e tij, përfaqësuesin e kompanisë “EMI GRUP”,Fatmir Ademi, me të cilin ka biseduar për fillimin e procesit të rindërtimit të kadastrit në Malishevë, përkatësisht në gjashtë vendbanime, në Malishevë, Banjë, Drenovc, Bellanicë, Damanek dhe Kijevë.

Sipas tyre, fillimisht, kompania “EMI GRUP”, e cila do të implemtoi projektin e rindërtimit të kadastrit, do të organizoj takime njoftuese me banorët e këtyre vendbanimeve, me qëllim të njoftimit me rindërtimin informacioneve kadastrale, pasi sipas Agjencionit Kadastral të Kosovës, për shkak të mospërputhjes së të dhënave grafike me ato tekstuale, si pasojë e mosmirëmbajtjes së rregullt të kadastrit dhe marrjes së dokumenteve nga ana e Serbisë, është e domosdoshme kryerja e këtij procesi të rindërtimit të kadastrit.

Orari i takimeve me banorët e këtyre gjashtë vendbanimeve do të jetë, si vijon: me datën 27 tetor 2014, takimi do të mbahet me banorët e fshatit Bellanicë nga ora 17:00 dhe me banorët e Banjës në ora 18:30, pastaj me datën 28 tetor do të mbajnë takim informues me banorët e Damanekut në ora 17:00 dhe me banorët e Malishevës në ora 18:30 dhe me datën 29 tetor, do të mbahen takimet me banorët e Drenovcit në ora 17:00 dhe me banorët e Kijevës në ora 18:30. Takimet do të mbahen në shkollat e këtyre vendbanimeve./PrizrenPress.com/

Analisti i njohur, Halil Matoshi, ka reaguar pas deklaratave të deputetit të “Vetëvendosjes”, Rexhep Selimi, dhe ndaj nënkryetarit të PDK-së, Rrustem Mustafa-Remi, me ç’rast këta dy të fundit e kanë kritikuar Matoshin lidhur me një deklaratë të tij në “Top-Channel”.

Deputeti Selimi ka propozuar që analisti Matoshi të mos të flasë në emër të shqiptarëve të Kosovës, kurse Remi ka thënë se shqiptarët nuk kanë pasur asnjëherë një projekt për “Shqipëri të Madhe”.

Lidhur me këto, analisti Halil Matoshi në një prononcim për “Zërin” ka thënë se nuk i merr seriozisht ato çka kanë thënë Selimi dhe Remi.

Matoshi u ka sugjeruar Selimit dhe Remit që ta dinë edhe luftën që e kanë bërë,”besojë ta kenë bërë për ta respektuar mendimin e lirë”.

“Unë, dorën në zemër, nuk i marr shumë seriozisht mendimet e këtyre zotërinjve në fjalë. Unë e them fjalën time publikisht e jo fshehurazi. Unë u kisha thënë që të dyve që luftën që e kanë bërë ta kenë bërë për të respektuar mendimin e lirë dhe ndryshe. Unë i kisha apeluar që të dytë që ta dinë edhe luftën që e kanë bërë”.

Matoshi ka thënë se angazhohet për një shoqëri të hapur dhe të mirëqenë ku sundon ligji. Ai e konsideron veten patriot kushtetues dhe ligjor, kurse patriotizmi i Selimit dhe Remit i takon shekullit XIX.

Presidentja e Kosovës, Atifete Jahjaga u ka kthyer deputetëve të komuniteteve pakicë përgjigjen në lidhje me kërkesën e tyre për sqarime shtesë rreth pikës 127 të Gjykatës Kushtetuese.

Në përgjigjen që e ka siguruar RTK thuhet se “duke marrë parasysh Kushtetutën e Republikës së Kosovës dhe dy vendimet e mëhershme të Gjykatës Kushtetuese dhe duke marrë parasysh rolin e Presidentes si faktor i unitetit të popullit, e vlerësoj kërkesën, por konsideroj se zgjidhja duhet të gjendet brenda kuadrit kushtetues”.

Përgjigjia e plotë:

Të nderuar,

Kam pranuar kërkesën tuaj me numër protokolli 792 të dorëzuar në Zyrën e Presidentes më 20 tetor 2014, me të cilën kërkoni që t’i drejtohem Gjykatës Kushtetuese për sqarim të pikës 127 të vendimit të Gjykatës KO119/14.

Duke marrë parasysh Kushtetutën e Republikës së Kosovës dhe dy vendimet e mëhershme të Gjykatës Kushtetuese dhe duke marrë parasysh rolin e Presidentes si faktor i unitetit të popullit, e vlerësoj kërkesën tuaj, por konsideroj se zgjidhja duhet të gjendet brenda kuadrit kushtetues.
Roli i Presidentit të Republikës së Kosovës bazohet në garantimin e funksionimit demokratik të institucioneve, duke ruajtur gjithnjë parimin e ndarjes së pushteteve dhe mbi të gjitha duke ruajtur paanësinë në raport me partitë politike.

Zgjidhja për nyjën institucionale është përgjegjësi e deputetëve të zgjedhur me votën e qytetarëve të Kosovës dhe gjithashtu edhe e partive politike të përfaqësuara në Kuvend, përmes zbatimit të vendimeve të Gjykatës Kushtetuese dhe në respektim të Kushtetutës së Kosovës. Ndërtimi i institucioneve të vendit bazohet mbi parimet kushtetuese dhe gjithëpërfshirja, në këtë rast e komuniteteve të Kosovës, është e garantuar me Kushtetutë dhe me ligje.

Në kohën kur po e testojmë demokracinë tonë të brendshme dhe gjithashtu edhe pjekurinë tonë politike, duke mos dashur që të sfidojmë procedurat e mëtejme ligjore, që do të mund të zvarrisin gjithë procesin e ndërtimit të institucioneve dhe të thellojnë ndasitë e krizat, është përgjegjësi dhe obligim i deputetëve të Kuvendit që me mirëbesim, mirëkuptim, me kompromis si pjesë e kulturës së dialogut, të gjejnë zgjidhjen e cila do të ndihmojë në ndërtimin e institucioneve të qëndrueshme, të përgjegjshme dhe gjithëpërfshirëse.

Pesë persona janë arrestuar brenda 24 orësh në regjionin e Prizrenit. Policia e Kosovës njofton se arrestimi i tyre është bërë me urdhër të gjykatës, pasi që nuk kanë kryer obligimet e tyre financiare.

Raporti i plotë i Policisë së Kosovës

Rr. “Rexhep Kabashi”, Prizren-20.10.2014-05:00. Në bazë të urdhëresës së lëshuar nga gjykata është arrestuar i dyshuari mashkull K/Shqiptar dhe i njëjti dërgohet në mbajtje.

Fshati Bellacerk, Rahovec-20.10.2014-12:00. Në bazë të urdhëresës së lëshuar nga gjykata është arrestuar i dyshuari mashkull K/Shqiptar dhe i njëjti pasi ka kryer obligimet e përcaktuara nga gjykata lirohet.

Fshati Bellacerk, Rahovec-20.10.2014-12:00. Në bazë të urdhëresës së lëshuar nga gjykata është arrestuar i dyshuari mashkull K/Shqiptar dhe i njëjti pasi ka kryer obligimet e përcaktuara nga gjykata lirohet.

Fshati Bellacerk, Rahovec-20.10.2014-12:00. Në bazë të urdhëresës së lëshuar nga gjykata është arrestuar i dyshuari mashkull K/Shqiptar dhe i njëjti pasi ka kryer obligimet e përcaktuara nga gjykata lirohet.

Fshati Landovicë, Malishevë-20.10.2014-13:55. Në bazë të urdhëresës së lëshuar nga gjykata është arrestuar i dyshuari mashkull K/Shqiptar dhe i njëjti dërgohet në mbajtje.

Fshati Bellacerk, Rahovec-20.10.2014-12:00. Në bazë të urdhëresës së lëshuar nga gjykata është arrestuar i dyshuari mashkull K/Shqiptar dhe i njëjti pasi ka kryer obligimet e përcaktuara nga gjykata lirohet.

Dy borxhlinj kanë grushtuar një person në fshatin Kievë të Malishevës. Deri të grushtimi ka ardhur pasi që dy të dyshuarit nuk kanë ia kanë paguar borxhin viktimës.

“Janë arrestuar dy të dyshuar meshkuj K-Shqiptarë, pasi që të njëjtit pas një mosmarrëveshje – mospagesë të një borxhi ndaj viktimës, të njëjtin e kanë sulmuar me mjete të forta”, njofton Policia e Kosovës.
“Viktima ka pësuar lëndime trupore dhe është dërguar për tretman mjekësor në spitalin e Prizrenit. Me urdhër të prokurorit të dyshuarit dërgohen në mbajtje”/PrizrenPress.com/

Anëtari i Këshillit të Përgjithshëm të LDK-së, njëherit deputet i kësaj partie, Arben Gashi, ka thënë se blloku duhet të veprojë shpejtë dhe se ridizajnimi i koalicionit është zgjidhja e duhur.

Ai në një postim në Facebook, ka shkruar se koalicioni LAN dhe Vetëvendosje duhet të veprojë shpejtë.

Gashi ka propozuar edhe një kompromis të përgjithshëm sa i përket Kryetarit të Kuvendit.

“Tani është fundi i bllokadës. LVAN duhet të bëhet fleksibil dhe të veprojë shpejtë”.

“Ridizajnimi i koalicionit është zgjidhja e duhur, gjithmonë pa e rrezikuar koalicionin LVAN”.

“Pozita e Kryetarit të Kuvendit duhet të bëhet kompromis i përgjithshëm në Kuvend, përderisa sipas GJK nuk na takon”, ka shkruar Gashi.