Nënkryetari i AAK’së, Ahmet Isufi ka thënë se në Kosovë nuk ka nevojë për zgjedhje të jashtëzakonshme parlamentare, duke e vlerësuar të rëndësishme që këtë herë nëpërmjet koalicionit LDK-AAK dhe Nisma të instalohet qeveria Haradinaj.

Isufi ka thënë për Epokë e Re se koalicioni LDK-AAK e Nisma, përfshirë edhe partitë e minoriteteve, përbën qeverinë gjithëpërfshirëse, siç është duke propozuar PDK’ja.

Ai ka bërë me dije se koalicioni ndërmjet tri partive i ka votat edhe për ta ndryshuar Kushtetutën në raport me Gjykatën Speciale për Krime Lufte.

E duke folur për vendimet e fundit të Qeverisë në largim, Isufi ka thënë se këto vendime janë antiligjore dhe kanë për qëllim të fusin në borxhe Qeverinë e ardhshme.

Që nga mbajtja e zgjedhjeve të fundit nacionale në vend, në Kosovë është krijuar një ngërç politik dhe nuk po dihet askush çfarë funksioni ka. Deri më tani është zgjedhur Kryetari i Kuvendit në seancën konstituive dhe dy nënkryetar, mirëpo nuk vonoj të pezullohet ky vendim me kërkesën e PDK-së, drejtë Gjykatës Kushtetuese.

Kjo e pamundëson edhe krijimin e Qeverisë, ani pse numrat janë krijuar për Kuvend e Qeveri. Megjithatë Gjykata Kushtetuese po vonon të jap një vendim, madje mund të shtyjë këtë çështje deri në vjeshtë. Ndonëse nuk ka Qeveria, ajo në ikje po merr vendime sikurse para shpërbërjes së Kuvendit dhe nuk po i ‘bëhet vonë’.
Andaj Qeveria në ikje po ‘kujdeset’ që të mos shkaktohet bllokim institucional dhe të marr vendime vetëm me pëlqimin e tyre.

Vakum institucional

Profesori i çështjeve juridike Mazllum Baraliu thotë se nuk është krijuar një bllokim institucional mirëpo më tepër një vakum tek institucionet. Ai i bën apel Gjykatës Kushtetuese që sa më parë të tejkalojë këtë gjendje.

“Mendoj se është krijuar një vakum institucional pikërisht me vendimin paraprak, apo me masën paraprake apo të përkohshme të Gjykatës Kushtetuese që është imponuar me vetë aktin e parashtresës së deputetëve të PDK-së, drejtë Gjykatës Kushtetuese. Pra kemi një vakum institucionale i cili do të duhej shumë më shpejtë të tejkalohej dhe kjo do të thotë se Gjykata Kushtetuese të veprojë shpejt, dhe në kuadër të kësaj të veprohet, mirëpo edhe të shpejtohet dhe duhet të veprojë më shpejtë në mënyrë që të debllokohet kjo gjendje dhe të tejkalohet ky vakum institucional”, thotë Baraliu për “Bota sot”.

Partia Demokratike e Kosovës nuk garanton se Enver Hoxhaj do të jetë sërish ministër i Punëve të Jashtme, nëse ky subjekt politik arrin të formojë qeverinë e re.

Por PDK e vlerëson punën e tij të deritashme.

Ngjashëm me PDK-në, edhe në koalicionin LDK-AAK-Nisma, thonë që se postin e Ministrit të Jashtëm duhet ta ushtrojë një person i pastër dhe me integritet, shkruan sot Koha Ditore.

Nevojën që diplomacinë ta drejtojë një autoritet i pranueshëm ndërkombëtar e mbështesin njohësit e politikës në vend. Kjo, meqë sipas tyre Kosova duhet të përballet me imazhim e dëmtuar pas publikimit të raportit të kryeprokurorit Clint Williamson, i cili drejton hetimet e supozuara në periudhën e luftës dhe pasluftës.

I dyshuari për vrasjen e Ruzhdi Shaqirir, Gani Geci, ka folur për portalin ‘Rugova Press’ nga arratia.

Ai ka shpjeguar ngjarjen në versionin e tij.

“Ditën kur Ruzhdi Shaqiri e ka kërcënuar redaksinë e gazetës ‘Bota Sot’, atë ditë me ka sha, më ka thënë kam me ta ** nanën, kam me ta ba ma zi se atyre, pyteni gazetarin N. Të “Bota Sot”, nga ajo ditë nuk e kam pa më, e sot ai ish ardhë në Skënderaj, unë kur kam hy në atë kafe (Qosh Bar) ai nuk ka qenë aty dhe duke dalë e kam pa, më ka sha, e ka çu dorën në allti edhe unë e kam nxjerrë shpejt krejt 5 sekonda kanë qenë në pyetje”, ka rrëfyer Geci ngjarjen për ‘Rugova Press’.

“Kërkoj prej Policisë së Kosovës dhe të EULEX-it ta pyesin N. Edhe Idriz Morinën. Unë kam mendu se u ardhë me m’vra edhe prej frike që po më vret pas shpine kam shti. Edhe rasti ka ndodhë në afekt as nuk e kam ditë që u ardhë as se kam pa, ai ka ardhë pas meje në atë kafe. Më vjen keq që ka ndodhë por ky është realiteti. Merreni numrin tim 044633335, vërtetoni SMS-të që m’i ka shkru dhe vërtetone. Pyeteni N, atij ia ka marrë telefonin dhe më ka e më ka kërcënu atë ditë që e ka kërcënu ‘Bota Sot’, ai ka qenë një person i varur nga droga edhe jam friku që po më vret. Edhe une do ti përgjigjem drejtësisë në çdo kohë por do pres derisa prokuroria e EULEX-it t’i merr hetimet dhe ta merr rastin në dorë”.

“Ai ka qenë një vrasës me pagesë, Brahim Qorri më ka thënë se ka qenë pjesëmarrës në vrasjen e Smajl Hajdarit e Tahir Zemës e në vrasjen e Haxhi Imerit dhe të Xhemajl Mustafës dhe i ka plagosur nëntë persona në Prishtinë edhe ka qenë normale me u friku dhe masi e ka çu dorën në prezë, kam shti”, ka thënë Geci për ‘Rugova Press’.

Sipas analistëve, tentimi për t’i bërë numrat e nevojshëm në Kuvend për formimin e Qeverisë, përmes minoriteteve, është i gabuar. Sipas tyre, kjo nuk prodhon stabilitet për vendin, e aq më pak qeveri stabile.

Fisnik Korenica, nga Grupi për Studime Juridike Politike, thotë se në rast se krijohet Qeveria pa Lëvizjen Vetëvendosje e me minoritete, kjo qeveri do të dirigjohet nga urdhrat e Listës Srpska që diktohet nga Beogradi, transmeton Rrokum.

Sipas tij, kjo qeveri do ta ketë të vështirë t’i shtyjë para çështjet e rëndësishme për vendin.

Televizioni Rrokum ka provuar gjatë tanë ditës të marrë qëndrimin e Partisë Demokratike për këtë çështje. Por, zyrtarët e PDK kanë hezituar të flasin para kamerës.

Nënkryetari i kësaj partie, Memli Krasniqi, nuk e ka mohuar mundësinë që nëse PDK e krijon Qeverinë, këtë nuk e synon me deputetët e pakicave.

Ndërsa, Ahmet Isufi, nënkryetar i Aleancës për Ardhmëninë e Kosovës, ka deklaruar se koalicioni LDK-AAK-NISMA synon qeveri të shumicës shqiptare.

Përfshirja e minoriteteve në Qeverinë e vendit, është garanci e dhënë me Kushtetutën e Kosovës. Por, kjo garanci ka sjellë jo rrallë telashe.