Kryetari LDK’së, Isa Mustafa, në një intervistë për RTK’në thotë së vendi nuk ka nevojë për zgjedhje të jashtëzakonshme.

Ai thotë se LDK-AAK dhe NISMA i ka të gjithë numrat në Kuvend për t’i formuar institucionet e reja.

“Zgjedhjet janë një alternativë demokratike mirëpo ne duhet të bëjmë përpjekje maksimale që këtë kontribut që ka dhënë qytetari në këto zgjedhje, këtë mund që e kanë bërë ata ta shfrytëzojmë dhe që vendin të mos ta qojmë shpejt në zgjedhje dhe për këtë arsye ne të gjithë mundohemi të jemi racional. Mirëpo racionaliteti nuk nënkupton në asnjë rast që ne tash do të bëjmë kompromise, do të lëshojmë pe”, tha Mustafa.

Zëdhënësi i Policisë së Kosovës në Prizren, Hazir Berisha,ka demantuar lajmin se në fshatin Zojz ka humbur jetën një person gjatë dijegies së shtëpisë.

“Është e vërtetë se ka pasur një shpërthim të zjarrit në Zojz,por djegie të lehta ka pësuar vetëm një femër dhe gjendja e saj është jashtë rrezikut për jetë”, ka thënë Berisha për TVPZ.

Kryetari i Këshillit Kombëtar të NISMA për Kosovën Jakup Krasniqi i është përgjigjur PDK’së.

Thotë se Kushtetuesja nuk mund t’ua siguroj numrat në Kuvend. Krasniqi pret që vendimi i Gjykatës Kushtetuese të jetë profesional.

“Në seancën konstituive është parë se kush i ka numrat dhe kush si ka numrat dhe jam i bindur që Gjykata Kushtetuese si një institucion që interpreton Kushtetutën dhe është si të themi institucioni suprem që interpreton Kushtetutën nuk mundet me ja bërë asnjë subjekti politik numrat në Kuvendin e Kosovës. Kështu që, unë pres që vendimi i Gjykatës Kushtetuese të jetë profesional dhe mbi bazën e përgjegjësive dhe kompetencave që ka”, tha Krasniqi për RTV21.

Ai thotë se pati parrgullsi në seancën konstituive por se atë e shkaktoi vetë Kryesuesja që vjen nga PDK’ja.

“Seanca nuk është dashtë të ndërpritet ashtu dhe edhe veprimi i kthimit të deputetëve shumicë mendoj që ka qenë krejt në rregull. Ata nuk kanë dashtë të konfrontohen edhe pse drejtuesja edhe një herë po them, e seancës e ka pasur mocionin me 40 nënshkrime dhe nuk ka dashur ta qet në rend të ditës dhe deutetët pasi e dhanë betimin e tyre nëse ata përbëjnë shumicën e deputetëve në sallë ata kanë të drejtë për të marrë vendime”, tha Krasniqi.

Partia Demokratike e Kosovës dorëzoi dje në Kushtetuese kërkesën që të pezullohet procedura e zgjedhjes së Isa Mustafës si Kryetar i Kuvendit.

(E plotësuar) Ministri i Jashtëm i Kosovës, Enver Hoxhaj ka shprehur keqardhje për aksidentin e autobusit të linjës Salzburg-Prishtinë, ku në aksident pësuan 49 persona, nga Kosova.

Në një njoftim nga MPJ thuhet se tre prej të lënduarve në gjendje më të rëndë do të transportohen gjatë mbrëmjes në Kosovë.

Personat e lënduar do të bartën përmes makinave të ndihmës së shpejt të cilat janë nisur nga Prishtina drejt spitaleve në Nish dhe Prekuple, ku do jenë të shoqëruar edhe nga diplomatët kosovarë në Beograd.

Hoxhaj, u ka uruar shërim sa më të shpejt të lënduarve të mbetur të cilët sipas tij brenda 24 orësh do të bashkohen me familjet e tyre në Kosovë. Ai është shprehur se falë bashkëpunimit të mirë dhe intervenimit të shpejt, të gjithë bashkëqytetarëve tanë u është ofruar ndihma e nevojshme mjekësore.

“Pas informacioneve të para për aksidentin, kam udhëzuar menjëherë Zyrën Ndërlidhëse të Kosovës në Beograd që të vendos kontakt dhe të del në vend të ngjarjes për tu njohur me situatën. Falë bashkëpunimit të mirë dhe intervenimit të shpejt, të gjithë bashkëqytetarëve tanë u është ofruar ndihma e nevojshme mjekësore. Rreth 49 të lënduar kanë kërkuar ndihmën mjekësore. Më pas, kemi organizuar edhe kthimin e tyre për në Kosovë ndërsa vetëm njëri do të mbetet më gjatë në trajtim mjekësor. Uroj në shërim sa më të shpejt dhe bashkim me familjet e tyre në Kosovë”, ka thënë Hoxhaj.

Kurse edhe në Prishtinë, Ministria e Punëve të Jashtme, ka ngritur një shtab të emergjencës për të koordinuar dhe monitoruar të gjithë situatën duke vendosur në dispozicion edhe një numër telefoni 038 200 111 07 për të ofruar informatat më të fundit për familjarët.

Autobusi i linjës Salzburg-Prishtinë del nga rruga në Rudarë, 32 udhëtarë të lënduar

Të paktën 32 udhëtarë janë lënduar si pasojë e një aksidenti të komunikacionit ku një autobus nga Podujeva i cili udhëtonte në relacionin Salzburg-Prishtinë, ka dalë nga rruga afër Rudarës.

Televizioni publik serb raporton se fatkeqësia ka ndodhur rreth orës shtatë të mëngjesit, transmeton koha.net.

Në vendin e ngjarjes kanë dalë ekipet e ndihmës së shpejt nga Prokuplja, kurse në ndihmë ju kanë ardhur edhe kolegët nga Kurshumlija dhe Nishi.

Drejtoresha e spitalit në Kurshumli, Uranija Petroviq, i ka thënë agjencisë së lajmeve “Beta” se 10 prej të lënduarve janë në gjendje të rëndë.

“Pasagjerët kanë pësuar ndrydhje në kokë, në gjoks, në krehë, këmbë, por ka pacientë me fraktura të cilët janë referuar për trajtim të mëtejmë në Qendrën Klinike të Nishit”, ka thënë ajo.

Rritja e numrit të të prekurve me sëmundjen e kancerit, ka bërë që në komunën e Suharekës të themelohet Fondacioni “Arbër Ramadani”, i cili do të mbledh mjete financiare për t’i ndihmuar të gjithë ata që janë të prekur nga kjo sëmundje vdekjeprurëse.
Në publikimin e fondit u tha se diagnostifikimi i hershëm mund të ketë sukses me shërimin e kësaj sëmundje.

Aktualisht në Kosovë janë të prekur 12 mijë e 500 të prekur nga sëmundja e kancerit, ndërsa vetëm për vitin kanë qenë 736 raste të reja të prekura nga kanceri.

Drejtori i Fondacionit “Arbër Ramadani” (FAR), Ibish Ahmeti tha se themelimi i këtij fondacioni ka ardhur si nevojë, duke e parë se numri i të sëmurëve nga kjo sëmundje po rritet në vazhdimësi.

“Në kohën kur numri i të sëmurëve nga kanceri është në rritje dhe paraqitja e kësaj sëmundje vdekjeprurëse në moshat e reja është gjithnjë e më e shpeshtë, në kohën kur papunësia në Kosovë është në shkallë të lartë dhe kriza ekonomike gjithnjë e më se thellë, kur ende nuk ekziston një fond i sigurimeve shëndetësore dhe mundësitë e shteti për t’i ndihmuar këto raste janë të kufizuara, e pamë të udhës që të themelomë këtë fondacion që sado pak do t’i ndihmoj këto raste”, tha Ahmeti.

Ai tha se vetëm ata që kanë pasur dhe kanë fatin e Arbërit dhe familjes së tij e dinë se sa e vështirë është të luftosh një sëmundje si kanceri edhe shpirtërisht edhe materialisht.

Ahmeti bëri thirrje që ndihmohet ky fondacion, duke thënë se një kafe me pak, një pije me pak, një dalje me pak me shoqëri, askujt nuk do t’ia dëmtoj shëndetin askujt, por një ndihmë simbolike me 10, 100, 1000 apo 100 000 mund të shpëtoj jetën dikujt.

Ndërsa, për të folur rreth rasteve dhe mjekimit të kësaj sëmundje, doktor i onkologjisë Destan Azemi nga Instituti Onkologjik i Prishtinës, tha se kanceri është një sëmundje mjaftë e rënd, ku sipas tij, qytetarët e Kosovës shkojnë në kontroll ose vizita mjekësore tek pasi të avancohet shumë, apo kur shkon në stadet e avancuara.

Ai tha se populli duhet vazhdimisht t’i ndihmoj këta të sëmurë sepse trajtimi është i shtrenjtë, barnat janë shumë të shtrenjta, dhe shumë herë brenda Institutit të Onkologjisë nuk ka barna të mjaftueshme për këta pacientë. /Telegrafi/