Pas Anxhela Martinit edhe Afërdita Dreshaj ka realizuar një foto, teksa ndodhet në shtrat me prezantuesin Turjan Hyska.
Më herët, gjatë emisionit, modelja Anxhela Martini realizoi disa foto me Turin, ndërsa nuk munguan edhe momentet pikante ku ajo u ndal në jetën e saj personale.
Duket se e njëjta gjë është përsëritur edhe me Afërdita Dreshaj, e cila është bërë gati për gjumë.
Këngëtarja Eli Fara, nuk harron asnjëherë te përcjellë një mesazh në rrjetet sociale, e ndërsa më herët ka treguar miqësinë e ngushtë me kolegen Aurela Gaçe. Në Instagram, ajo ka postuar dy foto me miken e saj më të shtrenjtë.
“Kafe mëngjesi me miken time të përjetshme.. Tanci.. Valltare e ansamblit Skënderbeu.. Kujtime të pafundme, përjetime të të këqijave dhe të mirave që nuk mbarojnë… Fat të kesh miq të vërtetë..”, thotë Eli Fara.
Aktorja amerikane Courteney Cox, ka hedhur një hap tjetër pas ndarjes me David Arquette, me të cilin ka edhe një vajzë 10 vjeçare. 50-vjeçarja ka bërë me dije përmes Twiter-it se është fejuar dhe se i dashuri i saj është plot 13 vjet më i ri se ajo. Ajo ka çuar një hap përpara lidhjen e saj me muzikantin Johnny McDaid.
“Më propozoi”, ka shkruar aktorja në Twitter, duke publikuar një selfie të përbashkët me partnerin e saj, i cili po ashtu ka shkruar: “U fejova me të”.
McDaid është 37-vjeç, ndërsa miqtë e aktores thonë se ajo është shumë e lumtur me të.
(E plotësuar) Lideri i Nismës, Fatmir Limaj dhe i nominuari për formimin e Qeverisë së re, Ramush Haradinaj, kanë thënë se takimi i sotëm ka pasur për qëllim përcaktimin e prioriteteve të qeverisë së re.
Me këtë rast, Limaj ka thënë se kanë folur se çka duhet të bëjë Qeveria LDK-AAK-Nisma.
“Do të vazhdojmë listimin e prioriteteve të Qeverisë së ardhshme”, ka thënë Limaj pas takimit, shkruan Express.
Edhe Haradinaj ka thënë se po presin etapat ligjore deri te konstituimi i parlamentit.
Haradinaj nuk ka treguar nëse është folur se cila është përgjigja e tyre për Lëvizjen Vetëvendosje, e cila ka kërkuar plotësimin e disa kushteve për të përkrahur Qeverinë e opozitës.
Haradinaj ka thënë se shpejt do të ketë një takim edhe me Liderin e VV’së, Albin Kurti.
“Do ta kemi edhe një takim të ardhshëm mes nesh dhe Kuritit, së shpejti”, ka thënë ai.
Ndërkohë, në emër të LDK’së, ka folur Lutfi Haziri. Ai ka thënë se Kosova nuk duron asnjë Qeveri teknike dhe se do të vazhdohet me krijimin e Qeverisë së opozitës.
Nis takimi Mustafa- Haradinaj- Limaj
Ka nisur takimi ndërmjet liderit të LDK-së, Isa Mustafa, atij të AAK-së, Ramush Haradinaj dhe atij të Nismës për Kosovën, Fatmir Limaj. Në këtë takim do të diskutohet për koalicionin e arritur ndërmjet tre partive dhe për kushtet e Vetëvendosjes.
Mustafa, Haradinaj dhe Limaj pritet që të takohen sot
Një ditë pas shpalljes zyrtare të rezultateve nga ana e KQZ-së, liderët e partive opozitare, Isa Mustafa, Ramush Haradinaj si dhe Fatmir Limaj pritet të takohen sot gjatë ditës për të diskutuar rreth formimin e Qeverisë së re.
Një zyrtar i AAK-së, i cili nuk deshi që ti përmendet emri, ka konfirmuar për Indeksonline se takimi do të ndodhë gjatë ditës.
“Normalisht liderët e partive politike takohen për me i pa veprimet e mëtutjeshme rreth krijimit të Qeverisë së ardhme”, ka shtuar ai. /Indeksonline/
Eqrem Kryeziu ka dhënë dorëheqje nga të gjitha funksionet në Lidhjen Demokratike të Kosovës (LDK), pas rezultatit të zgjedhjeve, pasi nuk ka arritur të bëhet deputet në zgjedhjet e 8 qershorit.
Postimi i plotë i Eqrem Kryeziut në rrjetin social Facebook:
Kryetarit të Lidhjes Demokratike të Kosovës
Isa Mustafa
Zotni Kryetar,
Nga rezultatet zyrtare të shpallura sot prej KQZ del se nuk kam marrë mbështetje të mjaftueshme për të vazhduar të jem edhe më tej përfaqësues i anëtarësisë si kryetar i Degës dhe si anëtar i Kryesisë së Lidhjes Demokratike të Kosovës. Së këndejmi, me këtë rast jap dorëheqje nga ato funksione.
Jam i kënaqur, përkundër ndarjes nga një çerek shekulli veprimtarie brenda LDK-së, sepse nuk më ka shkuar asnjëherë as në mendje të përkrah njerëzit e dhunshëm (“Kush e ndihmon dhunuesin, dhunuesi do ta sundojë”).
Nga ana tjetër, shpresoj se edhe Ju jeni të kënaqur, jo se qëndrimi Juaj ishte si imi, por sepse ishte zgjedhja që keni bërë vetë.
Uroj të takohemi në rrethana më të dinjitetshme.
Eqrem Kryeziu.
Sërish e nisa rrugëtimin kah ti
anise larg anise vonë
kjo kohë nuk shahet
pak mund duhet më shumë
ta dua të mirën më të mirën
të kam parë si tjerr ditën tënde
vetmuar bregut të kërkimit
sërish po të them eja e nisim
kemi edhe një copë udhë
hapur është qielli dhe dita e re
shtegëtimin e nisa me hare
pritmë po vi mos rri hundë e buzë
kam veshur po të njejtën bluzë
nga era mund t’më njohish larg
anise vitet shkuan varg
për ty e ndërtova këtë kullë
Skender Berisha
Kryetari i Bashkimi Demokratik (BD), që ka selinë në Prizren, Zafir Berisha, ka mohuar çfarëdo mundësie për ndonjë koalicion eventual me PDK-në, qoftë për pushtetin lokal në Prizren apo atë qendror në Prishtinë, pasi ai tashmë është deputet në përbërjen e re të Parlamentit.
“Do të trishtohesha sikur të shihja në ëndërr një koalicion me PDK-në. Kjo është një luftë speciale që bëhet ndaj nesh”, tha ai për “Zërin”, derisa demantoi shkrimet e fundit, të cilat kanë paralajmëruar një përafrim të BD-së në opozitë me PDK-në që mban pushtetin në Prizren.
BD është pjesë e koalicionit Nisma për Kosovë në nivel qendror. Berisha tha se në asnjë formë nuk do të ketë koalicion me PDK-në as në qendër dhe për këtë sapo ka biseduar me partnerët e nga Nisma, Fatmir Limajn e Jakup Krasniqin.
“Përcaktimi ynë është që projekti i koalicionit opozitar të realizohet në Prishtinë, ndryshe mund të jemi opozitë”, tha ai.
Duke komentuar shkrimet në disa portale për gjoja një marrëveshje për koalicion lokal në Prizren, të cilat siç është thënë kanë ardhur pas mundësisë për dalje të AAK-së nga bashkëqeverisja me PDK-në, Berisha ka përjashtuar çdo mundësi të tillë, me arsyetimin se është shumë i vendosur që, siç tha, garniturën e korruptuar qeverisëse ta dërgojë në shtëpi, pasi ajo ka ndikuar negativisht në perspektivën e vendit tonë.
“Përderisa në krye të komunës së Prizrenit është një njeri i dënuar, si Ramadan Muja, ne edhe ëndërr po ta shinim një koalicion me ta do të ishte ofendim, e lerë më që edhe të ketë bashkëqeverisje me ta”, tha ai.
Kreu i BD-së tha se prizrenasit meritojnë një kryetar i cili punon në interes të qytetarëve e jo të grupeve parapolitike, të cilat veprojnë në Prizren, andaj po pret vendim e shkallës së dytë të gjykatës, duke qenë shumë i bindur se më së largu në tetor këtu do të ketë zgjedhje të reja për kryetar komune, ku BD bashkë me Nismën pretendojnë ngadhënjim në garën eventuale për postin e të parit të Prizrenit.
Shkrimtari i njohur Ismail Kadare ka qenë i ftuar në programin 3 të radios publike polake. Drejtuesi i emisionit radiofonik, është shprehur se ka në studio, shkrimtarin, për të cilin prej pothuaj 20 vjetësh flitet se pret Nobelin letrar, siç thuhet gjithashtu se pakkush si ai e meriton vërtet këtë çmim. Ismail Kadare i dha një intervistë Michal Nogas-it në apartamentin e tij në Tiranë.
Shkrimtari tashmë 78-vjeçar pjesën më të madhe të jetës së vet e ka kaluar në vendin e qeverisur nga diktatori komunist Enver Hoxha. Sesi jetohej në një shtet totalitar, krejtësisht të izoluar nga bota, në një shtet ku udhëheqësi i frikësohej kujtdo që guxonte të mendonte ndryshe- Kadare e përshkruan në veprat e veta.
Tek “Nëpunësi i pallatit të ëndrrave” përshkruan funksionimin e strukturave më të larta që me porosi të sundimtarit kontrollonin dhe interpretonin ëndrrat e vasalëve. Në librin “Trashëgimtari” tregon mbi vdekjen e politikanit që po bëhej i padëshirueshëm për njëshin, edhe pse- zyrtarisht- figuronte bashkëpunëtori i tij më i afërt dhe pasues i fronit. Tek “Vajza e Agamemnonit” rrëfen mbi një dashuri që në shtetin totalitar nuk kishte shanse të përmbushej. Ngaqë i ati i vajzës trembej se humbte pozitën dhe privilegjet.
Në intervistën që Ismail Kadare i dha Michal Nogas-it në Tiranë, shkrimtari veç të tjerash flet për diktaturën, diktatorin, letërsinë dhe Shqipërinë.
Interesimit mbi mendimin e tij për diktaturën dhe diktatorin shkrimtari i është përgjigjur në këtë mënyrë: “Tirani, despoti, sundimtari, ai që është në krye të cilitdo regjim, cilitdo sistem, për mendimin tim, është, ose së paku duhet të jetë, i vetëdijshëm- që një ditë do të ballafaqohet me opinionin dhe figurën e shkrimtarit të njohur dhe të respektuar. Shi për këtë i duhet njëfarësoj të kujdeset për shkrimtarin, ta mbrojë…Kështu ka qenë qysh nga kohërat e Neronit.
Tirani i trembet famës së shkrimtarit, fuqisë së tij vepruese, i trembet asaj që në kushte të tjera shkrimtari atë mund ta ndëshkojë”. Ndërsa, për letërsinë Kadare është shprehur: “Unë bëj pjesë ndër ata që kanë besim të pakufi, besim të mbinatyrshëm ndaj letërsisë… Letërsia gjykohet nga majat, jo nga mesatarja, baza. Në momentin që botohet një vepër letrare nuk i përket më vetëm autorit, vendit ku kjo vepër lindi, vendit të origjinës së autorit. Ajo tanimë i përket botës mbarë. Për më tepër vepra letrare jeton më gjatë se populli prej nga vjen autori i saj. Do të thosha madje se vepra letrare është më e fuqishme dhe më jetëgjatë se vetë gjuha…”.
Sipas shkrimtarit, ne, shqiptarët, kemi ashpërsinë evropiane. Jo atë orientale, të Lindjes së Mesme, apo turke, por, e theksoj, atë evropiane. Me këtë, ai thotë se donte të theksonte se kemi rrënjë, i përkasim traditës evropiane. E megjithëkëtë në shumë aspekte dallojmë thelbësisht prej saj…”.
Si jetohej në Shqipërinë e Hoxhës? Ç’ëndërronte një shkrimtar? Gjakmarrja, si fenomen shoqëror, dëshmon vallë, në një farë mënyre, për përkatësinë evropiane të Shqipërisë? Edhe këtyre pyetjeve, Ismail Kadare iu ka dhënë përgjigje në intervistën për Michal Nogas në apartamentin e tij në Tiranë. (Përktheu: Astrit Beqiri)
Krerët e partive politike në Kosovë janë liderë të zgjedhur në mënyrë demokratike, jo kriminelë. Ushtria Çlirimtare e Kosovës ishte në mesin e ushtrive më të suksesshme guerile në historinë bashkëkohore të Evropës dhe si ish-udhëheqës politik i UÇK-së, jam shumë krenar që fituam lirinë pas luftës kundër regjimit famëkeq të Slobodan Millosheviçit, tha për “Danas” Hashim Thaçi, kryeministër i Kosovës.
Thaçi theksoi se lufta mbrojtëse e Kosovës përfundimisht e ndihmoi Serbinë që ta hiqte qafe atë diktator.
Danas: Si po vijojnë bisedimet e partisë tuaj rreth formimit të një qeverie të re dhe me kë po bisedoni së këndejmi? A ekziston mundësia për krijimin e të ashtuquajturit “koalicion të madh” të Partisë Demokratike të Kosovës, Lidhjes Demokratike të Kosovës dhe Aleancës për Ardhmërinë e Kosovës?
Thaçi: Më lejoni që fillimisht të them se këto ishin zgjedhje krejtësisht demokratike, të organizuara për herë të parë në mbarë territorin e republikës, duke përfshirë edhe veriun. Të gjitha partitë i pranuan rezultatet, kurse PDK-ja fitoj zgjedhjet me një diferencë shumë të rehatshme.
Ne madje e kemi rritur numrin e deputetëve tanë, gjë që shënon një arritje të pëlqyeshme për mandatin e tretë. Tani ne po presim konfirmimin përfundimtar të mandateve dhe formimin zyrtar të parlamentit të Kosovës.
Pas marrjes së të gjithë hapave të nevojshëm ligjor, presim që presidentja të na japë mandatin për bisedime mbi formimin e koalicionit dhe të qeverisë së re.
Ne jemi të hapur për diskutime më të gjitha partitë që dëshirojnë vazhdimin e jetësimit të programit ekonomik, krijimit të vendeve të reja të punës dhe integrimet evropiane.
Danas: Në rast se nuk do të jeni pjesë e qeverisë, a do të ndryshojë qëndrimi ndaj negociatave me Serbinë?
Thaçi:Si fitues të qartë të zgjedhjeve, presim ta drejtojmë qeverinë në katër vitet e ardhshme. Çështja e mandatarit tani është në duart e Gjykatës Kushtetuese dhe ne do ta respektojnë çdo vendim të gjykatës.
Pavarësisht nga formati i qeverisë, dialogu me fqinjët tanë është një kusht thelbësor për integrimin evropian.
Kosova ka arritur të krijojë kufirin e qartë me Serbinë dhe nuk ka asnjë dyshim se Serbia është dashur të pranojë kornizën kushtetuese dhe ligjore të Kosovës si ligjvënësen e vetme në veri të Kosovës.
Kjo është rrugë njëkahëshe, e cila do të vijojë si shtyllë e vendosjes së marrëdhënieve normale në Ballkan.
Unë si kryeministër, por edhe çdo kryeministër i ardhshëm në vitet që vijnë do të ndjekim rrugën evropiane, e cila është e kushtëzuar me vazhdimin e dialogut me fqinjët.
Danas: Cilët resorë do të mund t’u takojnë serbëve në qeverinë e re të Kosovës?
Thaçi:Pakica serbe ka vende të garantuara në Qeverinë e Republikës së Kosovës. Rreth pjesëmarrjes së saktë të pjesëmarrjes së tyre në qeverinë e ardhshme do të bisedohet pas konfirmimit të rezultateve dhe fillimit të negociatave për formimin e një qeverie të re.
Danas: Cilat do të jenë qëllimet kryesore të qeverisë së re të Kosovës nëse do ta merrni sërish postin e kryeministrit?
Thaçi: Fokusi kryesor i qeverisë sime do të jenë vendet e reja të punës, vendet e reja të punës dhe vendet e reja të punës. Çdo gjë tjetër rrjedh nga plani ynë për nisjen e Misionit të Ri të zhvillimit ekonomik.
Misioni ynë i parë ishte që ta largonim regjimin famëkeq serb. Misioni ynë i dytë ishte të shpallnim pavarësinë dhe të siguronim një pozicion të njohur ndërkombëtarisht, kurse misioni i ri do të jetë zhvillimi i hovshëm ekonomik i mbështetur në rezultatet e qarta të punës sonë në vitet e fundit. Ne kemi ndërtuar 1500 kilometra rrugë dhe autostrada në shtatë vitet e fundit, kemi ndërtuar 140 shkolla dhe kemi pasur një rritje mesatare të bruto prodhimit vendor prej 4.5 për qind në gjashtë vitet e fundit.
Kjo është një pikënisje shumë e mirë për vazhdimin e reformave tona dhe për përpjekjet tona për të krijuar vende të reja pune.
Danas: Si do të punojë qeveria juaj në përmirësimin e sigurisë së komunitetit serb dhe për kthimin e serbëve?
Thaçi:Komuniteti serb është i sigurt në Kosovën e re dhe të pavarur. Statistikisht, më e sigurt është të shëtitni nëpër Prishtinë se në Beograd.
Duhet të sigurojmë jetësimin e rezultateve të dialogut për të normalizuar gjendjen.
Njerëzit kanë nevojë për normalitet për t’u ndjerë të sigurt dhe kanë nevojë për normalitet për të vazhduar jetën e tyre.
Ne do të punojmë së bashku për të krijuar besimin në vendin tonë, por ne nuk duhet të harrojmë se Kosova është përballur me kërcënimin e gjenocidit vetëm 15 vjet më parë.
Ne ende gërmojmë trupat e viktimave të fshehura në varreza masive nëpër Serbi dhe duhet gjithsesi t’i mbyllim kapitujt e dhimbshëm për të lëvizur drejt normalizimit të plotë të marrëdhënieve ku përfitues do të jenë shqiptarët, serbët, turqit, boshnjakët, romët dhe të gjithë kosovarët e tjerë.
Danas: Cilat janë pritjet tuaja për fazën e ardhshme të negociatave në Bruksel?
Thaçi: Në fund të të gjit hë procesit do të kemi shumë njohje të realitetit, duke përfshirë edhe pavarësinë e Kosovës, si një pjesë thelbësore të arkitekturës së Ballkanit. Nuk kam asnjë dyshim se ne po shkojmë në atë drejtim.
Danas: A mendoni se deklarata juaj se “vendosja e “Parkut të Paqes“ ishte një akt i turpshëm i krijimit të një barrikade të re“ i ka kontribuar trazirave të mëvonshme në Mitrovicë?
Thaçi: Po e përsëris edhe një herë, ngritja e barrikadës së re në mes të urës është një akt i turpshëm. Ky veprim nuk do të pranohet nga Bashkimi Evropian, nuk do të pranohet nga asnjë qytetarë i Mitrovicës, si në jug ashtu edhe në veri, sepse njerëzit janë ngopur me ndarje, ata duan një ekonomi të mirë dhe bashkëpunim.
Pres që barrikadat, edhe nëse disa i quajnë “parqe të paqes”, të hiqen në mënyrë që njerëzit të mund të lëvizin lirisht. U bëj thirrje udhëheqësve të komuniteteve komunale që të reflektojnë se si do t’i zgjidhin problemet e tyre lokale dhe jo t’i rrisin problemet.
Ne duket të jemi të vendosur. Asnjë park, fushë sportive apo kopsht nuk mund të ngritën në mes të rrugëve apo urave, qoftë në Prishtinë, Beograd, Nju Jork apo Mitrovicë.
Ky i ashtuquajturi park i paqes është një tallje ndaj përpjekjeve për paqe. Por, ne nuk guxojmë të biem pre e provokimeve të atyre që orvaten që ta shtyjnë zbatimin e marrëveshjes së Brukselit. Edhe më e rëndësishme është që të përqendrohemi në krijimin e një gjykate të Kosovës në veri dhe të mundësojmë integrimin e plotë të kësaj pjese në sistemin tonë ligjor.
Danas: A prisni që gjendja në Mitrovicë të stabilizohet?
Thaçi: Ndonjëherë, skenat që mund t’i shohim në televizion mund të na duken dramatike. Megjithatë, jeta e qytetarëve të zakonshëm është më pak dramatike dhe është e përqendruar në sigurimin e pages, luftën kundër korrupsionit, në lëvizjen e lirë. Mitrovica po rrugëton drejt zgjidhjes së problemeve të saj.
Serbët në Mitrovicë tani kanë përfaqësues ligjor në vend të strukturave paralele të Serbisë. Në kuadër të kontekstit demokratik do të forcojmë edhe më tej përparimin e shënuar vitin e shkuar. Duhet të jemi të qetë dhe të vazhdojmë ta përmirësojmë jetën e njerëzve të zakonshëm.
Deputeti i Vetëvendosjes nga Prizreni, Mytaher Haskuka, ka falënderuar votuesit për besimin që ia kanë dhënë për t’i përfaqësuar në Parlamentin e Kosovës.
“Falënderoj të gjithë për besimin e dhënë!“, shkruan Haskuka në rrjetin e tij social Facebook.
“Ju siguroj që të gjithë deputetët e Lëvizja VETËVENDOSJE! në Kuvendin e Republikës së Kosovë do të jenë përfaqësues më të denjë të interesave të popullit, ashtu si kanë qenë edhe në legjislaturën e kaluar”.
“Tash së bashku do të punojmë për të bërë shtetin funksional, për të bërë shtetin e së drejtës, shtetin zhvillimor dhe shtetin social”. /PrizrenPress.com/