Gjykata Kushtetuese është dorëzuar përballë anëtarit të saj, Kadri Kryeziu. Asnjë masë nuk ka ndërmarrë ndaj këtij gjyqtari, ndonëse është verifikuar pjesëmarrja e tij në aktivitete partiake të subjektit që drejton kryeministri Hashim Thaçi, PDK.

Tri javë më parë Kryeziu ka marrë pjesë në një aktivitet të PDK-së, gjatë të cilit Thaçi ka promovuar platformën e tij qeverisëse për mandatin e ardhshëm qeveritar.

Pas raportimit në media për këtë aktivitet të Kryeziut, në adresë të tij është nisur një e-mail nga kreu i Kushtetueses, Enver Hasani. Një kopje e e-mailit është protokolluar në arkivin e Gjykatës Kushtetuese, si shkresë zyrtare e saj. E me përmbajtjen janë informuar edhe gjyqtarët e tjerë./koha ditore/

Brukseli pret nga Kosova të dëshmojë përkushtim të njëjtë ndaj dialogut me Serbinë, pavarësisht asaj se kush do të udhëheqë Qeverinë e ardhshme.

Në kuadër të diskutimeve për krijimin e Qeverisë së ardhshme, nga partitë të cilat janë bashkuar rreth një koalicioni paszgjedhor, pjesë është bërë edhe dialogu me Serbinë.

Në këmbim të votës për qeverinë Haradinaj, njëri prej kushteve të lëvizjes “Vetëvendosje” është pezullimi i negociatave me Serbinë. Edhe analistët thonë se ka ardhur koha që të vendosen disa parime bazë si të vazhdohet tutje dhe të mos dialogohet me Serbinë pa u vënë një pozicion i barabartë sa u përket çështjeve ndërshtetërore.

Bashkimi Evropian është duke përcjellë zhvillimet e fundit në Kosovë pas zgjedhjeve të 8 qershorit dhe modaliteteve rreth krijimit të Qeverisë së ardhshme, nga e cila presin ta vazhdojë dialogun me Serbinë, aty ku ka mbetur…/koha ditore/

I ndjeri Elvis Pista po kujtohet edhe njëherë nga studentët e Rahovecit në Prishtinë. Dhjetra qirinj kanë mbuluar shkallët e Teatrit Kombëtar në sheshin “Skenderbeu” në Prishtinë, për të përkujtuar biznesmenin dhe ish-kandidatin për deputet nga radhët e PDK-së, raporton lajmi.net.

Ky organizim i studentëve të Rahovecit, sipas tyre, vjen pas dhimbjes së madhe dhe plagës së thellë që ka pësuar vendi i tyre – pasi kandidati për deputet i cili arriti të futej në parlament, Elvis Pista, u vra në mënyrë qyqare dhe tinëzare prapa shpine e në prani të bashkëshortes.

Policia e Kosovës ka bërë publike shpërblimin prej 10,000 eurove për ata që ofrojnë të dhëna lidhur me këtë vrasje.

Si deklaroi sot zëdhënësi i PK-së, Brahim, Sadriu, policia është duke i vazhduar hetimet për kapjen e autorit të krimit dhe është duke hetuar disa pista të mundshme që mund të çojnë në zbardhjen e vrasjes së Elvis Pistës.

Zgjedhjet e 8 qershorit mund të prodhojnë një krizë të rëndë institucionale, politike e kushtetuese. Madje, edhe organizimi i suksesshëm i zgjedhjeve të reja, sipas tyre, tani do të jetë shumë më i vështirë. Opozita arrin marrëveshje, PDK e quan anti-kushtetuese, kurse VV ka kushte e veta.

Interpretimi i Gjykatës Kushtetuese pritet të jetë përcaktues nëse Kosova do të shkojë sërish në zgjedhje të parakohshme apo jo.

Marrëveshja e arritur nga tri parti politike LDK, AAK dhe Nisma për krijimin e qeverisë së ardhshme duke e anashkaluar partinë fituese të zgjedhjeve PDK-në, sipas të gjitha gjasave do ta detyrojë presidenten Atifete Jahjaga të kërkojë interpretimin e Kushtetueses.

Tri partitë, LDK , AAK dhe Nisma që sipas rezultatit të zgjedhjeve do të mund të quheshin edhe opozitare, me marrëveshjen e tyre pretendojnë që pas konstituimit të Kuvendit t’i procedojnë presidentes Jahjaga emrin e të propozuarit për mandatarin e krijimit të qeverisë, e që është Ramush Haradinaj.

Në atë rast, presidentja pritet që para se të dërgojë emrin e Haradinajt në Kuvend për prezantimin e qeverisë së opozitës, të kërkojë fillimisht interpretim in e Kushtetueses.

Nga ai interpretim më pas do të varet nëse opozita ka të drejtë Kushtetuese apo jo që të formojë qeveri.

Ndërkohë që siç po rrjedhin gjërat, PDK si fituese e zgjedhjeve nuk do të ketë parti partnere për të bërë qeverinë.

Sidoqoftë, para se të nisen procedurat e konstituimit të institucioneve të reja, fillimisht pritet certifikimi i rezultatit përfundimtar të zgjedhjeve.

Zëdhënësi i Komisionit Qendror të Zgjedhjeve, Valmir Elezi ka thënë se në Qendrën e Numërimit të Rezultateve (QNR) është duke u bërë një punë jashtëzakonisht e mirë.

Sipas tij, qysh të martën do të fillohet me numërimin e votave me kusht, votave përmes postës dhe votave të personave me nevoja të veçanta.

Andaj, sipas kësaj dinamike edhe pritet që procedurat e numërimit të përmbyllen mjaftë shpejt.

“Pas përfundimit të numërimit të votave me kusht, votave përmes postës dhe votave të personave me nevoja të veçanta, rinumërimeve eventuale, si dhe pas përfundimit të gjitha procedurave të tjera në QNR – KQZ do të shpallë rezultatet përfundimtare. Pas shpalljes së Rezultatit Përfundimtar, subjektet politike dhe kandidatët mund të bëjmë ankesa lidhur me këtë rezultat në institucionet përkatëse. KQZ duhet të pres vendimet e këtyre institucioneve dhe pastaj të procedohet më tutje”, ka thënë Elezi.

Sipas procedurave, me certifikimin e rezultatit dhe skadimin e afatit pesë ditësh për ankesa, brenda një muaji do të mblidhej fillimisht Kuvendi i Kosovës.

Seancën e parë e thërret presidentja Atifete Jahjaga, në konsultim me partitë parlamentare.

Mirëpo, siç qëndrojnë aktualisht punët, gjërat mund të komplikohen qysh në seancën e parë në pikën e zgjedhjes së kryetarit të Kuvendit.

Edhe në këtë pikë, PDK si fituese e zgjedhjeve pretendon se ka të drejtën Kushtetuese ta ketë postin e kryetarit të Kuvendit, përderisa edhe blloku LDK, AAK dhe Nisma tashmë kanë nominuar për këtë post liderin opozitar Isa Mustafa.

Andaj, edhe në këtë pikë, mund të ngjajë që të kërkohet interpretimi i Gjykatës Kushtetuese.

Kështu që, interpretimi që do të jap Kushtetuesja, mbase në çdo rast do të jetë vendimtar nëse Kosova do të shkojë në zgjedhje të reja apo jo. /REL/

Prizreni nga zgjedhjet e tetë qershorit do të  përfaqësohet  në Parlamentin e Kosovës më shumë se asnjëherë më parë. Nga rezultatet preliminare të publikuara del se Prizrenin në Parlamentin e Kosovës do të mund ta përfaqësojnë 8 anëtarë të Kuvendit nga partitë politike shqiptare.

Nga rezultatet preliminare të cilat nuk janë përfundimtare në Parlemtnin e Kosovës nga Prizrenit do të hyjnë: Nezir Çoçaj, Nait Hasani Lulejta Veselaj, Edita Tahiri, nga Partia Demokratike e Kosovës, Hatim Baxhaku e Anton Çuni nga Lidhja Demokratike e Kosovës dhe Zafir Berisha dhe Albulena Balaj, nga Nisma për Kosovën.

 Më pak të votuarit në këto zgjedhje janë kandidatët nga Prizreni të AAK-së ndërsa më i votuari nga kandidatët e Prizrenit është Nezir Çoçaj, i cili  ka marrë 8,408 vota, pas tij më I votuari është  Nait Hasanin, i cili ka marrë 7,290. Më I votuari nga rradhët e LDK-së është kandidati Hatim Baxhaku me  7,179 vota, kurse i katërti renditet kandidati nga VV-ja Mytaher Kaskuka me 5,993 vota. Zafir Berisha I Nsimës ka marrë 3652 ndërsa Albulena  Balaj 2595 vota./TV Opinion/

Forumi Transparenca ka organizuar sot debatin e dytë ballafaqim mes zyrtarëve komunal në njërën anë dhe shoqërisë civile, mediave dhe ekspertëve në anën tjetër.

Tema e debatit të dytë ka qenë “Trajtimi i ndërtimeve pa leje në Qendrën Historike të Prizrenit”.
Në fillim të fjalës së tij, drejtori i Drejtorisë së Urbanizmit Nijazi Kryeziu tha se në Drejtorinë e Urbanizmit është bërë një punë profesionale, “por defekti kryesor në terren është mos repsketimi i lejeve”.

Drejtori i inspektorateve, i cili me veprimet ne periudhën e deritashme si Drejtor i Inspektorateve është dëshmuar me përkushtimin për të vënë rregull në fsuhën e ndërtimeve në Prizren në fillim të fjalës së tij e veçoi koston e lartë të realizimit të rrënimit të objekteve pa leje.

Bytyqi ka kërkuar nga Gjykatat reagim më të ashpër kundër atyre që shkelin ligjin në ndërtim.

Një problem tjetër për Drejtorin e Inspektorateve është ndërmarrja që do të realizojë rrënimet. AI tha se në tenderin e Kuvendit Komunal kanë konkurruar dy ndërmarrje me çmime shumë të larta. Ai ka kërkuar bashkëpunimin e të gjithë faktorëve në Prizren në kthimin e gjendjes në ndërtim në Prizren në normale, ndërsa ka premtuar se do të jetë i pa kompromis në mbrojtje të ligjshmërisë, duke premtuar se në mbrojtje të qëndrimit të tij do të jap dorëheqje.

Pjesëmarrësit në këtë debat ballafaqim, duke i shprehur shqetësimet për gjendjen aktuale kanë kërkuar edhe nga drejtori i Urbanizmit edhe ai i inspektorateve që ndaj objekteve që janë ndërtuar pa leje të mos ketë asnjë mirëkuptim, pavarësisht nga kush janë ndërtuar ato, ndërsa nga të dy drejtorët është marr përgjigja se shumë shpejt do të fillohet reagimi edhe në qendër të qytetit të Prizrenit./TV Opinion/