Home Blog Page 806

Dragashi dhe Kukësi shqyrtojnë praktikat efektive kundër dhunës me bazë gjinore

admin
-
0
Dragashi dhe Kukësi shqyrtojnë praktikat efektive kundër dhunës me bazë gjinore

Komuna e Dragashit dhe Bashkia e Kukësit gjatë një takimi të lehtësuar nga OSBE-ja kanë shkëmbyer përvojat lidhur me reagimin efektiv ndaj rasteve të dhunës në familje.

Në këtë takim është vënë në pah nevoja për thellimin e bashkëpunimit ndërinstitucional me qëllim të trajtimit të duhur të këtyre rasteve.

Misioni i OSBE-së në Kosovë ka njoftuar se bashkë me Praninë e OSBE-së në Shqipëri, në kuadër të fushatës 16 Ditët e Aktivizmit Kundër Dhunës me Bazë Gjinore është organizuar takimi ndërmjet Komunës së Dragashit dhe Bashkisë së Kukësit, për të nxitur shkëmbimin e informatave dhe të përvojave mbi reagimet ndaj dhunës në familje brenda strukturave komunale, raporton Telegrafi.

Në takim, sipas njoftimit, kanë marrë pjesë Ushtruesja e detyrës së Shefes së Misionit të OSBE-së në Kosovë, Cornelia Taylor, Shefi i Pranisë në Shqipëri, ambasadori Michel Tarran dhe nënkryetarja e Bashkisë së Kukësit, Eglita Bilali, sikurse edhe përfaqësues komunalë, institucionet ligjzbatuese, punonjësit socialë, OJQ-të dhe agjencitë ndërkombëtare.

“Qëllimi i aktivitetit ishte forcimi i bashkëpunimit ndërmjet strukturave komunale dhe shkëmbimi i strategjive dhe praktikave efektive për t’iu përgjigjur dhunës në familje, duke kontribuar përfundimisht në misionin tonë të përbashkët për të ndërmarrë veprime kundër dhunës në familje”, thuhet në njoftimin e Misionit të OSBE-së në Kosovë.

 

Tutje shtohet se “gjatë takimit është theksuar edhe nevoja për një angazhim më të madh për trajtimin e dhunës me bazë gjinore përmes bashkëpunimit ndërinstitucional”.

“Vetëm përmes bashkëpunimit dhe angazhimit të përbashkët mund të ndërtojmë komunitete më të sigurta, më gjithëpërfshirëse për të gjithë. Misioni mbetet i përkushtuar për të mbështetur përpjekjet e vazhdueshme për të garantuar siguri gjithëpërfshirëse për të gjithë”, përfundon njoftimi.

83-vjetori i formimit të Qeverisë së Mustafa Krujës

admin
-
0
83-vjetori i formimit të Qeverisë së Mustafa Krujës
Më 3 dhjetor të vitit 1941 ishte krijuar qeveria shqiptare me kryeministër dhe ministër të Punëve të Brendshme, Mustafa Krujën.

 

Qeverisja e tij kishte zgjatur deri më 4 janar të vitit 1943.

Në përbërje të kabinetit ishin, Jup Kazazi-Ministër i Partisë Fashiste Shqiptare, Hasan Dosti-Ministër i Drejtësisë, Shuk Gurakuqi-Ministër i Financave, Iljaz Agushi-Ministër i Punëve Botore, Dhimitër Berati-Ministër i Kulturës Popullore, Fuat Dibra-Ministër i Ekonomisë kombëtare dhe Dr. Tahir Shtylla-Ministër i tokave të çliruara.

Qeveria e Mustafa Krujës me ndihmesën e dhënë nga Musolini ishte përpjekur për t’i dhënë shqiptarëve një reagim më liberal dhe më autonom. Kështu shqiptarëve u ishte kthyer flamuri i mëparshëm, duke u hequr atij kurorën e Savojës dhe Fashiot e liktorit; ishin liruar nga internimi e burgu një numër i madh antifashistësh; ishte shpallur amnisti për çetat që vepronin kundër italianëve, ishte ripërtërirë xhandarmëria shqiptare, ishin vendosur lidhje me disa nga udhëheqësit e çetave, shumë prej të cilëve ai kishte pasur marrëdhënie me ta që në vitet e para të veprimtarisë antizogiste.

Ai kishte mundur që t’i bëjë për vete të paktën përkohësisht disa nga udhëheqësit e çetave, përfshi këtu dhe Myslim Pezën, i cili kishte pranuar një amnisti të plotë dhe të drejtën për të lëvizur lirisht. Megjithatë, Myslim Peza nuk kishte pranuar të shkojë në Tiranë për të marrë ndihmën e premtuar në të holla, për shkak të mosbesimit që kishte ndaj autoriteteve italianë.

Këto suksese të qeverisë së Krujës kishin qenë të përkohshme, shumë prej premtimeve të tij kishin mbetur në mes të rrugës, kështu shumë antifashistë që ishin liruar nga internimet në Itali, ishin bashkuar me grupet e rezistencës, kishin dalë në mal, gjendja në vend ishte keqësuar më tej etj. Por, megjithatë deri në fund të vitit 1941 në Shqipëri nuk ishte zhvilluar një lëvizje me të vërtetë mbarëkombëtare dhe kjo kishte nisur të zhvillohej më në fund nga përpjekjet e lëvizjes komuniste e përafërt me lëvizjen e qëndresës kombëtare.

Në fjalën e mbajtur në Pejë, më 29 qershor 1942, Mustafa Kruja kishte përshkruar brengat shpirtërore të atyre viteve të gjata e rrëfehet para kosovarëve për bindjet e tij politike.

“Si shqiptar do të kishem fluturue këtu qysh ditën e parë qi ora e pavdekshme e fisit arbnuer deshti me ia kthye tekembramja këto vise të bekueme prej të Madhit Zot atij qi i përkasin: Kombit shqiptar. Si Mustafa Kruja, qi s’ka bâ punë të madhe për tokën e shênjtë e për popullin vigan të kësaj Kosove, por në mos tjetër i ka kjajtë në zêmër të vet me lot gjakut për 30 vjet rrjesht robnín e saj, mundimet e salvimet e përgjakshme të bijve të saj.

Ndonese larg, kam rrnue shpirtnisht me ju, ndërmjet jush. Ka pasun shqiptarë, shokë të mij sërbofila, qi më kanë ngjitun vulën e zezë të tradhtís sepse kam diftue sympathí për Italín, bashkë me Hasan Prishtinën, Bajram Currin, me Dervish Mitrovicën e sa e sa kosovarë tjerë. Po! Nuk e mohoj. Krejt sympathija e eme, mâ e sinqerta, ka qênë për Italín, ka qênë për Romën sikurse vijon me qênë edhe sod. Sepse ka qênë e âsht nji sympathí qi i ka rrânjët në dashunín t’eme pa kufì për Kosovën shqiptare, për Kosovën kreshnike, për Kosovën e martirizueme. Nuk mujshem e nuk mundem me dashtun sërbín, Beligradin, xhelatët e vllazënve të mij kosovarë. Qe pse jam kenë, jam e do të des italofil. Italofil jo për interesë personale, por për nji ideal, italofil pa pallate e pa çifliqe.

E sod qi Kosova âsht bâ shqiptare, sod qi Kosova s’âsht ma ‘juzhna Srbija’ as ‘Metohija’, por quhet Prefektura e Prishtinës, Prefektura e Prizrenit, Prefektura e Pejës e Mbretnìs Shqiptare, bash në saje të bashkimit të shtetit t’onë me italín fashiste, sod un krenohem për italofilín t’eme, edhe në qoftë se nuk kuqen ndopak ata qi këtë italofilí e kanë vulosun për tradhtí. Për nji njeri qi s’ka tjetër ambicje posë realizimit të nji ideali, s’ka kënaqësì mâ të madhe se me e pà kët ideal të vërtetuem”.

Është, ndoshta, pjesa më e bukur e fjalimeve që Kruja, si kryeministër i Shqipërisë kishte mbajtur në Kosovë gjatë vizitës së tij./kp

Prizren: Një person tenton t’i jap fund jetës me armë zjarri – vëllai e shpëton mrekullisht

admin
-
0
Prizren: Një person tenton t’i jap fund jetës me armë zjarri – vëllai e shpëton mrekullisht

Një person  në Prizren ka tentuar  t’i jap fund jetës, por fatmirësisht vëllai i tij arriti që ta ndalojë.

Ai  nën ndikimin e alkoolit e kishte marrë një armë zjarri dhe ka tentuar që të bëjë vetëvrasje.

Posa vëllai i tij e ka kuptuar që diçka nuk është në rregull, i ka shkuar nga pas 44-vjeçarit dhe ka arritur që në momentin kur ai kishte nxjerrë armën, t’ia largojë nga duart.

 

 

Sipas burimeve të Sinjalit, si pasojë e tentativës së vëllait të viktimës për ta parandaluar këtë akt, arma ka shkrepur në dhomë, por askush nuk është lënduar.

Si rezultat i denoncimit të rastit, njësitë policore kanë dalë në vendin e ngjarjes për të marrë informacionet e para dhe kanë kryer ekzaminimet e nevojshme.

Me urdhër të Prokurorit të Shtetit, hetimi është iniciuar si ‘Vetëvrasje në tentativë’.

Marketing

Përjetoni pushime të paharruar dhe dasma magjike në Hotel “Albes Residence”

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes


https://prizrenpress.com/adi-plast-ne-prizren-nje-emer-i-njohur-ne-tregun-e-kosoves-dhe-nderkombetar-per-vendosjen-e-dyerve-dhe-dritareve/

Teatri “Bekim Fehmiu” publikon programin e shfaqjeve për muajin dhjetor

admin
-
0
Teatri “Bekim Fehmiu” publikon programin e shfaqjeve për muajin dhjetor
Teatri “Bekim Fehmiu” në Prizren ka publikuar programin e shfaqjeve për muajin dhjetor.

Në këtë itinerar krahas shfaqjeve të realizuara nga teatri i qytetit, figurojnë edhe dramat e teatrove mysafire, sikurse edhe vizita e kësaj trupe në Mitrovicë.

“Në dhjetor, ju ftojmë të shijoni një repertor të pasur me shfaqje nga zhanre të ndryshme, të përshtatura për të gjitha shijet e publikut tonë”, thuhet në njoftimin e Teatrit “Bekim Fehmiu”, raporton Telegrafi.

Programi i muajit dhjetor parashihet të hapet me 6 dhjetor me shfaqjen “Të gjashtët kundër Turqisë”, të autorit Jeton Neziraj dhe në regji të Blerta Neziraj, nga Qendra Multimedia.

Ndërsa programi mbyllet me 25 dhjetor me shfaqjen “Audienca”, të autorit Vaclav Havel dhe në regji të Bashkim Ramadanit, të realizuar nga Teatri i qytetit “Bekim Fehmiu.

Marketing

Përjetoni pushime të paharruar dhe dasma magjike në Hotel “Albes Residence”

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes


https://prizrenpress.com/adi-plast-ne-prizren-nje-emer-i-njohur-ne-tregun-e-kosoves-dhe-nderkombetar-per-vendosjen-e-dyerve-dhe-dritareve/

Moti sot i vranët e me diell

admin
-
0
Moti sot i vranët e me diell
Sot do të mbajë moti kryesisht i vranët dhe me intervale me diell.

Temperaturat minimale do të lëvizin ndërmjet -3 deri 0 gradë Celsius, ndërsa maksimalet e ditës parashihen të lëvizin ndërmjet 4-7 gradë,njoftojnë nga Instituti Hidrometeorologjik i Kosovës.

Iu ndalua kënga në stadiumin “Air Albania”, Shkurte Fejza: Nuk ka asgjë nacionaliste

admin
-
0
Iu ndalua kënga në stadiumin “Air Albania”, Shkurte Fejza: Nuk ka asgjë nacionaliste

Kënga e njohur “Mora fjalë” është ndaluar në stadiumin “Air Albania” që të dëgjohet, gjë e cila ka shkaktuar mjaft reagime.

E ftuar në emisionin “People” në Euronews Albania, Shkurte Fejza tregon për ndjesitë e saj nga një veprim i tillë.

“Ishte e pabesueshme për mua. Unë jam mësuar të më ndalohen këngët nga Serbia, por kur ndodhi me këngën “Mora fjalë”, ishte e dhimbshme sepse ne shqiptarët e Kosovës kemi jetuar me motivimin: Liria jonë dhe Shqipëria. Duke ndodhur këto gjëra duken absurde”, tha këngëtarja Fejza.

Ndër të tjera ajo shprehet se një këngë e tillë, pa motive nacionaliste, ka sjellë vetëm një frymë të mirë bashkimi mes shqiptarëve.

“Një këngë e cila i këndohet heroit tonë, i këndohet krenarisë kombëtarë e cila nuk ka asgjë nacionaliste. Është një art i bukur që i bën shqiptarët bashkë, ne vuajmë për të pasur një frymë të mirë e cila na bashkon. Kam qenë artistja më e lumtur që kam përjetuar ndikimin e këngës në Shqipëri. Të gjthë e kanë dashur dhe kam qenë mirënjohëse ndaj tifozëve që i dhanë krahë kësaj kënge”, shtoi Shkurte Fejza.

Nata e përjetësisë mbi Gorozhub

admin
-
0
Nata e përjetësisë mbi Gorozhub

Festim Hoti

Ishte 4 dhjetor 1998. Një natë kur qielli ishte i rëndë, sikur të ndjente peshën e barrës që ata mbanin. Bora kishte mbuluar çdo gjurmë, duke shtrirë bardhësinë e saj mbi tokën e Kosovës, ndërsa mjegulla e dendur ia fshihte rrugët gjithkujt që përpiqej të përshkonte atë natë të errët. Në mes të kësaj errësire, në majat e larta mbi Gorozhub, një grup burrash të mëdhenj, të ngarkuar me më shumë se 30 kilogramë armë, bartnin më shumë se thjesht një peshë fizike.

Ata mbanin në krahët e tyre shpresën e një kombi, lirinë që digjte në shpirtin e çdo shqiptari të robëruar.

Ata ishin Muhamet Malsori, Skënder Hameli, Hysni Duraku, Sedat Hoti, Sinan Hoti, Isak Hoti, Ismet Hoti dhe Hida Hoti. Një trupë e vogël, por me zemra të mëdha sa malet që i rrethonin. Në atë natë të akullt, nuk kishte frikë në hapin e tyre, as luhatje në qëllimin e tyre. Rrugëtimi i tyre nuk ishte thjesht një mision; ishte një betim për lirinë. Armët që mbanin ishin për të ushqyer luftën që po ndizte dritën e shpresës në Kosovë, luftën që kërkonte të thyente zinxhirët e robërisë shekullore.

Por nata kishte tjetër plan. Prita i priste në heshtje, e ftohtë dhe e pamëshirshme. Diku mbi Gorozhub, ku as yjet nuk guxonin të depërtonin mjegullën, ata ranë në pritën që iu ngrit. Armiku, i etur për gjak, ia vuri pengesën e fundit këtyre burrave të paepur. Nuk pati kthim mbrapa. Asnjë prej tyre nuk kërkoi rrugë shpëtimi, sepse shpirti i tyre nuk ishte mësuar të dorëzohej.

Ata qëndruan dhe luftuan, të vetëdijshëm se kjo natë mund të ishte e fundit.

Dhe ashtu ndodhi.

Burrat ranë njëri pas tjetrit, duke shtrirë gjakun e tyre mbi borën e bardhë, duke ngjyrosur atë tokë që e kishin dashur më shumë se jetën e tyre.
Në atë natë të errët, ata u shndërruan në yje të shndritshëm të përjetësisë, në dëshmorë të lirisë.

Kanë kaluar 26 vjet,më shumë se një çerek shekulli, por kujtimi për ta nuk është shuar dhe harrohet kurrë.

Emrat e tyre jehojnë ende në zemrat e atyre që e dinë çfarë do të thotë sakrifica, çfarë do të thotë të japësh gjithçka për një ëndërr.


Për ata burra, Kosova nuk ishte thjesht një vend; ishte një ideal, një tokë që meritonte çdo pikë gjaku dhe çdo frymë të fundit.

Ata nuk ishin thjesht luftëtarë. Ata ishin simboli i kurajos, i dashurisë për vendin, i sakrificës që i kapërcen kufijtë e tokës dhe të kohës.
Çdo flakë që ndizet në zemrën e një shqiptari sot është një pasqyrim i asaj flake që ata bartën atë natë. Çdo hap i lirë që shkel mbi tokën e Kosovës është një dëshmi e asaj që ata dhanë.

Në këtë përvjetor të 26-të të rënies së tyre, ndërsa bora mbulon përsëri majat dhe mjegulla i fsheh rrugët, ne ndalemi dhe kujtojmë dëshmorët e parë te Pashtrikut.
Ata, që ranë mbi Gorozhub, nuk u kthyen mbrapa, por e shtynë një komb të tërë drejt përpara. Dhe sot, në një Kosovë të lirë, shpirtrat e tyre enden mbi këtë tokë, duke na kujtuar se liria vjen me një çmim të shenjtë.

Kujtimi i tyre është i pavdekshëm, ashtu si idealet që ata përqafuan. Dhe ne, që ecim mbi dheun që ata e lanë me gjak, e ne duhet ta dimë e kurrë mos të harrojmë se jemi borxhli ndaj tyre dhe gjithë dëshmorëve të rënë për Liri,
Ata ranë që ne të ngriheshim.
Ata dhanë gjithçka që ne të kishim gjithçka.
Dhe për këtë, kurrë nuk do të harrohen.

Lavdi e përjetshme!

dhjetor 2024

Xhemshit Krasniqi: Të jesh kandidat për deputet i PDK-së është mision atdhetar

admin
-
0
Xhemshit Krasniqi: Të jesh kandidat për deputet i PDK-së është mision atdhetar

Ish-ushtaraku i UÇK-së, veprimtari, Xhemshit Rizan Krasniqi, nga Prizreni ka bërë të ditur se do të jetë pjesë e listës zgjedhore të PDK-së për deputet në zgjedhjet parlamentare që do të mbahen me 9 shkurt 2025.

“Me vullnetin dhe dëshirën time në momentet që më gërshëtojnë mua popullin e Kosovës dhe orientimin tonë drejt të ardhmes, jam propozuar për të qenë në listën e kandidatëve për deputet nga dega e PDK-së, në Prizren dhe kam hasur në përkrahjen e nivelit qendror”, ka shkruar në njoftimin e tij Krasniqi.

Krasniqi ka falënderuar kryetarin e PDK-së, Memli Krasniqi dhe bartësin e listës dhe të nominuarin për kryeministër nga PDK z. Bedri Hamza, për këtë mundësi.

Krasniqi ka thë se të jesh në listën kandiduese të PDK-së, është mision atdhetar.

“Të jam në listën kandiduese të PDK-së, për zgjedhjet e 9 Shkurtit 2025 është mision atdhetar.”, ka shkruar ndër tjera, Xhemshit Krasniqi.

Njoftimi i plotë:

Zonja e zoterinjë,

Të nderuar miq e shokë,

Bashkëluftetarë, ish të burgosur politikë,

Familje të dëshmorëve e invalidë të luftës

Të dashur demokrate e demokratë anë e mbanë Kosovës dhe kudo që jeni në botë.

Sot, po nisi një rrugëtim të ri, për të përmbledhur rrugëtimin tonë jetësor.

Me vullnetin dhe dëshirën time në momentet që më gërshëtojnë mua popullin e Kosovës dhe orientimin tonë drejt të ardhmes, jam propozuar për të qenë në listën e kandidatëve për deputet nga dega e PDK-së, në Prizren dhe kam hasur në përkrahjen e nivelit qendror.

Dua të falenderoj kryetarin e PDK-së, Memli Krasniqi dhe bartësin e listës dhe të nominuarin për kryeministër nga PDK z.Bedri Hamza.

Të jam në listën kandiduese të PDK-së, për zgjedhjet e 9 Shkurtit 2025 është mision atdhetar.

Do të bëjmë hapa të vegjël së bashku për të bashkëbiseduar e debatuar me ju qytetarë të nderuar që të ndërtojmë shtigje të sigurta të rrugëtimit të Kosovës sonë drejt zhvillimit, forcimit, konsilidimit dhe kompletimit të shtetit tonë.

Kemi shumë punë për të bërë që të dëshmojmë se me dekada u angazhuam e punuam për një Kosovë demokratike qytetare dhe orientuar drejt vlerave moderne demokratike.

Ju zotohem që përkrahjen tuaj do ta ushtroj për të përfaqësuar diversitetin tonë në bindje e mendim në Kuvendin e Kosovës që edhe si Prizren të kemi një zë përfaqësues në organin vendimmarrës.

Mbi të gjitha përfaqësimin e Prizrenit e kemi detyrë për qytetarët tonë dhe obligim ndaj dy miqëve e bashkëluftetarëve të mi

ish Presidentit Hashim Thaçi dhe ish kryeparlamentarit Kadri Veseli.

Me respekt i juaji,

Xhemshit Rizan Krasniqi

 

Përjetoni pushime të paharruar dhe dasma magjike në Hotel “Albes Residence”

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve

Prokuroria e Prizrenit ndalon një person dhe ngrit tetë aktakuza për vepra të ndryshme penale

admin
-
0
Prokuroria e Prizrenit ndalon një person dhe ngrit tetë aktakuza për vepra të ndryshme penale

Prokuroria Themelore në Prizren ka ndaluar një person të dyshuar për shkak të veprës penale “Rrezikimi i trafikut publik” dhe ka ngritur tetë aktakuza kundër tetë personave për vepra të ndryshme penale, duke përfshirë uzurpimin e pronës, vjedhjen e shërbimeve dhe posedimin e paautorizuar të armëve dhe narkotikëve.

“Prokuroria Themelore në Prizren, Departamenti i Përgjithshëm, njoftoi sot se, me urdhër të prokurorit, është ndaluar një (1) person i dyshuar për veprën penale “Rrezikimi i trafikut publik” sipas Kodit Penal të Republikës së Kosovës (KPRK). Ky veprim erdhi pas një hetimi të zhvilluar nga autoritetet kompetente, dhe ndalimi i personit ka si qëllim sigurimin e mëtejshëm të hetimeve dhe zbatimin e ligjit”, thuhet nw njoftim.

Po ashtu, Prokuroria ka ngritur gjithsej tetë (8) aktakuza kundër tetë (8) personave për veprat penale si më poshtë:

Dy (2) aktakuza kundër dy (2) personave për “Uzurpimin e paligjshëm të pronës së paluajtshme”;
Dy (2) aktakuza kundër dy (2) personave për “Vjedhjen e shërbimeve”;
Një (1) aktakuzë kundër një (1) personi për “Kanosjen”;
Një (1) aktakuzë kundër një (1) personi për “Mbajtjen në pronësi, kontroll ose posedim të paautorizuar të armëve”;
Një (1) aktakuzë kundër një (1) personi për “Ngacmimin”;
Një (1) aktakuzë kundër një (1) personi për “Posedimin e paautorizuar të narkotikëve, substancave psikotrope apo analoge”./PP/

Marketing

Përjetoni pushime të paharruar dhe dasma magjike në Hotel “Albes Residence”

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve

“Handikos” në Prizren thekson rëndësinë e mbështetjes për familjet e fëmijëve me aftësi të kufizuara

admin
-
0
“Handikos” në Prizren thekson rëndësinë e mbështetjes për familjet e fëmijëve me aftësi të kufizuara

Dega e “Handikosit” në Prizren, të hënën, ka realizuar një takim me nënat e fëmijëve me aftësi të kufizuara, në kuadër të aktiviteteve për shënimin e 3 dhjetorit – Ditës Ndërkombëtare të Personave me Aftësi të Kufizuara.

Me këtë rast janë diskutuar sfidat me të cilat përballen këto familje, duke theksuar edhe rëndësinë e mbështetjes dhe fuqizimit të tyre.

“Gjatë kësaj tryeze, diskutuam për sfidat dhe shqetësimet që po përjetojnë këto familje dhe ndamë ide për të adresuar nevojat e tyre më urgjente”, thuhet në njoftimin e “Handikosit” në Prizren.

Kjo organizatë ka bërë të ditur se ky takim është realizuar falë mbështetjes së “Save the Children Kosovo” që ka treguar përkushtim për fuqizimin e komunitetit të personave me aftësi të kufizuara.

Paraprakisht, Handikos në Prizren me rastin e Ditës Ndërkombëtare të Personave me Aftësi të Kufizuara ka përkujtuar se sfidat, hallet dhe nënçmimet me të cilat përballen personat me aftësi të kufizuara nuk janë dobësi, por shtytje për forcë dhe dinjite.

Marketing

Përjetoni pushime të paharruar dhe dasma magjike në Hotel “Albes Residence”

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve

1...805806807...9 239Page 806 of 9 239