Ministri i Forcës së Sigurisë së Kosovës, Agim Çeku, një ditë pas marrjes së vendimit për shndërrimin e FSK-së në Forcën e Armatosur të Kosovës, thotë se nga 5 mijëpjesëtarë që do të ketë kjo Forcë, do të jenë edhe 2 mijë e 500 vende të reja pune.

3 mijëpjesëtarë do të jenë rezervë, të quajtura si Garda Kombëtare, e cila si mision të parë ka sigurinë e brendshme, por nuk do të ketë shërbim të obligueshëm ushtarak.

Në një intervistë për RTK1, Çeku thotë se trajnimet intensive për pjesëtarët vullnetarë do të zgjasin tre muaj, dhe kjo Gardë do të ketë shtrirje në çdo komunë në pesë qendra rajonale.

Ai thotë se do të angazhohen për të caktuar njerëzit e duhur në pozita të caktuara deri në fillimin zyrtarë edhe të FAK-ut dhe Ministrisë së Mbrojtjes, dhe ndryshimet kushtetuese pritet të zgjasin deri në vitin 2016.

Ekzistojnë kapacitetet fillestare për ushtri deklaron ministri Çeku,duke shtuar se prej Trupave Mbrojtëse të Kosovës janë bërë përgatitjet, dhe janë forcuar me FSK-në.

LDK-ja e PDK-ja janë pajtuar që deputetët ta shkarkojnë vetveten në prill.Për të shkuar në zgjedhje jashtë kalendarit të rregullt zgjedhor, Kushtetuta kërkon të plotësohet njëra nga këto dy kërkesa: Për shpërndarje të Kuvendit të votojnë dy të tretat e të gjithë deputetëve, e ku shpërndarja bëhet me dekret të Presidentit; ose të ketë votim të suksesshëm të mosbesimit të Qeverisë, pas të cilit akt Kuvendi mund të shpërndahet nga Presidenti.

Kryeministri Thaçi dhe kryeopozitari Mustafa janë përcaktuar për opsionin e parë. Javën e ardhshme do ta hartojnë edhe agjendën e veprimeve deri në zgjedhje,shkruan Koha Ditore

Deputeti Arben Gashi, që është anëtar i Kryesisë së LDK-së, ia ka konfirmuar gazetës informatën e dhënë nga Kuçi.

Ishte ditë e premte, e fundit e javës dhe e fundit e muajit shkurt, kur Fatmir Limaj dhe Jakup Krasniqi po bëheshin gati për të zyrtarizuar fundin e një të kaluare politike dhe fillimin e një të reje.

Me bashkëpunëtorët e tyre, ishin mbledhur në zyrat e reja në lagjen “Peyton” në Prishtinë, ku po i jepnin dorën finale fjalimeve, të cilat do t’i lexonin para qindra simpatizuesve në Sallën e Kuqe në Prishtinë. Aty do të zyrtarizohej nisma e tyre të re, partia politike NISMA për Kosovën. /reporteri/

Kryetari i Malishevës, Ragip Begaj, i shoqëruar nga drejtori për shëndetësi, Hajdin Berisha dhe drejtori i QKMF-së, Besim Zogaj, gjatë ditës së sotme kanë zhvilluar takime me dy institucionet kryesore të shëndetësisë të vendit, përkatësisht me ministrin e Shëndetësisë, Ferid Agani dhe drejtorin e IKSHP-së,Naser Ramadani, me të cilët ka biseduar për përgatitjet dhe masat mbrojtëse që po bëhen, kundër ethet hemorragjike.

Kryetari Begaj i ka njoftuar përgjegjësit e institucioneve shëndetësore, në nivel vendi me përgatitjet që po bën Komuna e Malishevës, në harmoni me strategjinë nacionale, për luftimin e etheve hemorragjike, për fushatat e vetëdijesimit të cilat po bëhen në të shkollat, pastaj takimet e drejtpërdrejt me qytetar që po zhvillohen nëpër fshatrat e Komunës së Malishevës, si dhe reklamat mediale përmes radios.

Nga ana tjetër, ministri Agani bëri thirrje për vetëdijesim të qytetarëve si hap të rëndësishëm në mbrojtjen e shëndetit të tyre, ndërkohë që ka siguruar se Këshilli Ndërministror për parandalimin dhe luftimin e EHKK, të cilin e kryeson ai, ka bërë përgatitje për të dhënë një përgjigje sa më të mirë preventive dhe për të mbrojtur popullatën e zonave të prekura nga kjo sëmundje.

Edhe drejtori i IKSHP-së, z.Naser Ramadani, bëri thirrje për vetëdijesim të qytetarëve, për masat vetëmbrojtëse, si masa më e mirë për tu ruajtur nga thumbimi i rriqrave dhe shfaqi gatishmërinë e Institutit Kombëtar të Shëndetit Publik (IKSHP), për angazhim maksimal gjatë tërë sezonit.

Ramadani, u shpreh i kënaqur edhe me angazhimin e komunës, për masat e para që janë ndërmarr, përmes fushatave të vetëdijesimit dhe gatishmërisë së komunës për mbrojtjen e shëndetit dhe jetës së qytetarëve të Malishevës. /PrizrenPress.com/