Në një organizim të Komisionit Qendror të Zgjedhjeve, përfaqësues të subjekteve politike kanë tërhequr numrat me të cilët do të radhiten në fletëvotime.
Në garë ishin 18 parti politike, 7 iniciativa qytetare, një kandidatë i pavarur dhe 4 koalicione. Komisioni Qendror i Zgjedhjeve organizoi tërheqjen e shortit për radhitjen e subjekteve politike në fletëvotime. Në hapje të kësaj ceremonie në emër të KQZ-së, Betim Gjoshi ka shpjeguar përgatitjet që po bëhen nga KQZ për organizimin e zgjedhjeve të parakohshme.

Pas kësaj punonjës të Administratës kanë tërhequr plikot e subjekteve politike, pastaj janë ftuar përfaqësuesit e tyre për të tërhequr numrin. Sipas shortit LDK është radhitur në numrin 54 të fletëvotim, Nisma Për Kosovën 59, Aleanca Kosova e Re 40, pastaj, Aleanca për Ardhmërinë e Kosovës me numër 44, Lëvizja Vetëvendosje 35, Partia Demokratike e Kosovës me numër 58, Lista Serbska 38, Partia e Ashkalive të Kosovës me 49, etj . Numrat të cilët i kanë tërhequr përfaqësuesit e subjekteve politike kanë nisur nga numri 32
Ja numrat e partive

Lëvizja VETËVENDOSJE – Nr. 35

Aleanca Kosova e Re – Nr. 40

Aleanca për Ardhmërinë e Kosovës – Nr. 44

Lidhja Demokratike e Kosovës – Nr. 54

Partia Demokratike e Kosovës – Nr 58

NISMA për Kosovën – Nr. 59

Partia Rome e Kosovës 34

Partia Turk 57

Stranska Demokracija 50

Koalicia Za Gora 48

Lista Srpska 38

Social Demokratija 41

Nova Demokracia Stranka 46

Bosnjacka Stranka Demoratske Akcije Kosova 53

Albulena Balaj dhe Skënder Susuri kandidatë për deputet të Parlamentit të Kosovës nga lista e subjekti politik Nisma për Kosovën në Prizren, janë larguar nga detyra e drejtorit të shkollës.

Kryetari i Prizrenit, Ramadan Muja vendet e tyre i ka zëvendësuar me militant të PDK-së.

Nisma në Prizren, ka akuzuar pushtetin lokal të Ramadan Mujës se emërimi i drejtorëve të rinj të shkollave është bërë në kundërshtim me Udhëzimin Administrativ të MASHT-së.
“Se këto emërime janë politike dëshmon edhe rasti i dy kandidatëve për deputet të Kuvendit të Republikës së Kosovës nga lista e Nismës, Albulena Balaj dhe Skënder Susuri të cilët janë shkarkuar nga pozitat e tyre të drejtorëve”, thuhet në reagimin e Nismës në Prizren.

“ Përveç shkeljeve të procedurave këto shkarkime dhe diferencime nuk mund t’ì kuptojmë ndryshe përveç se politike,prandaj, ne edhe njëherë i bëjmë thirrje partisë, e cila udhëheq Qeverinë në largim dhe pushtetin komunal që të ndalojë shantazhet dhe diferencimet politike”.

“ Ne e kuptojmë panikun që është krijuar në taborin e tyre në prag të zgjedhjeve nacionale, por do të kundërshtojmë me forcë shkeljen e ligjit dhe procedurave ligjore kudo që ndodhin ato”.
“Shkeljet të cilat ndodhen ne i kemi paralajmëruar edhe në reagimin tonë të mëhershëm”.

Nisma në Prizren vlerëson se qytetarët e Prizrenit tashmë janë dëshmitar të të shkeljeve të shumta ligjore të bëra nga zyrtarët e pushtetit komunal të Prizrenit.

“Emërimi i disa drejtorëve të shkollave është bërë në mënyrë të jashtëligjshme dhe në kundërshtim të hapur me Udhëzimin Administrativ të MASHT-së numër 08/2014 për procedurat e zgjedhjes së drejtorëve dhe zv. drejtorëve në institucionet edukativo-arsimore”

“ Përveç shkeljeve të shumta të proceduarve këto emërime po marrin më shumë ngjyrime politike mu në prag të zgjedhjeve nacionale”.

“Ne si Lëvizje qytetare dhe subjekt politik dënojmë ashpër mënyrën dhe kohën e përzgjedhjes së këtyre drejtorëve dhe ftojmë organet e drejtësisë që të kryejnë punën e tyre dhe të bëjnë një hetim të hollësishëm të kësaj çështje për të cilën i obligon ligji dhe Kushtetuta e Kosovës. Qytetarët e Prizrenit kanë nevojë për sqarim ligjor të kësaj çështje”/PrizrenPress.com/
.

Kryetari i AAK-së, Lulëzim Kabashi vlerëson se nga AAK-ja dje u larguan argatët e PDK-së. Sipas tij, të gjithë aderuesit më shumë kanë punuar për PDK-në se sa për AAK-në.

“ Ata i kanë shërbyer më shumë PDK-së se sa AAK-së”, ka thënë Kabashi, transmeton RTK.

Disa anëtarë të AAK-së kanë aderuar në Degën e PDK-së në Prizren. Ata janë mirëpritur nga nënkryetari i PDK-së, Enver Hoxhaj.

Kryetari i AAK-së, Lulëzim Kabashi thotë ndërkaq, se largimi i tyre nuk e dëmton AAK-në në Prizren.
“Largimi i tyre nuk e dëmton AAK-në,sepse argatin ia kanë bërë PDK-së edhe më herët”,ka thënë Kabashi./PrizrenPress.com/

Nën patronatin e Ministrisë së Punëve të Jashtme të Republikës së Kosovës, sot në Prizren nis ”Java e Tolerancës dhe Pajtimit”, platformë kjo ndërkombëtare që organizohet për herë të dytë në Kosovë, e që do të mbahet nga 23 deri më 30 maj.

Në këtë konferencë ndërkombëtare pritet të marrin pjesë rreth 150 personalitete fetare si dhe studiues të cilët do të diskutojnë raportet ndërmjet fesë dhe politikës si dhe avancimin e dialogut ndër fetar. Po ashtu do të organizohen edhe aktivitete të ndryshme në nivel të Kosovës, si Konferenca Ndërkombëtare Ndërfetare “Feja dhe Politika” në Prizren, ligjërata dhe aktivitete të tjera.