Largimi i Fatmir Limajt dhe Jakup Krasniqit, nga Partia Demokratike e Kosovës, thuhet se i ka shkaktuar një dëm kolateral partisë në pushtet, të pakten kështu konsiderojnë njohës të çështjeve politike.
Nga ana tjetër, anëtar të PDK-së, konsiderojnë se largimi i tyre nuk është instrument që e dëmtojnë partinë e Hashim Thaçit.

Analisti politik, Halil Matoshi, thotë se “Nisma” objektivisht synon që ta dëmtojë PDK-në duke i dhënë vetes mundësinë që të akomodohet në Kuvendin e Kosovës.

“PDK edhe zyrtarisht është e ndarë në dy fraksione, i udhehequr nga Limaj dhe Krasniqi, që objektivisht synon që ta dëmtojë PDK-në duke i dhënë mundësi vetvetes për tu akomoduar në Kuvendin e ardshëm”, ka thënë Matoshi për Indeksonline.

Sipas tij, nëse jo nismë e kalon pragun, lidershipi i saj do të jetë i kënaqur.
“Një dëm kolateral ta quaj, i ka shkaktuar me vet faktin që e ka marrë Malishevën me tendencë për tu zgjedhur edhe në zona tjera të vendit, por nuk i ka shkaktuar dëme në përmasa që do të ishin fatale për PDK-në”, ka shtuar Matoshi.

Nga ana tjetër, anëtari i PDK-së, Rrustem Mustafa, konsideron se largimi i Limajt dhe Krasniqit nuk janë, instrument që e dëmtojnë PDK-në.
“Jo, largimi i Famir Limajt dhe Jakup Krasniqit, nuk janë instrument që e dëmtojnë Partinë Demokratike të Kosovës”, ka thënë Mustafa për Indeksonline.
Mustafa, thotë se nuk i dinë arsyet e largimit të këtyre liderëve nga PDK.
“Arsyet e largimit të tyre, nuk janë të njohura për mu, nuk i di”, ka shtuar Mustafa.
Ndërkohë që drejtues të “Nisma”, shprehen optimisit për të ardhmen e kësaj partie, duke thënë se pavarësisht se ka një kohë të shkurtër që është themeluar, janë të gatshëm për zgjedhjet parlamentare.

Blerim Kuçi, sekretari organizativ i AAK-së, nuk ka mohuar ekzistimin e Forcave të Armatosura të Republikës së Kosovës, ndërkaq pranon se Ligji për Veteranët ka mangësi.
Megjithatë ai beson se ky ligj me kohë do të përmirësohet. “Ligji për Veteranët është i mirë, por ai ka mangësi pasi në të nuk u futën edhe propozimet e LDK-së”, u shpreh Kuçi.

I pyetur për ekzistimin e FARK-ut, ai nuk ka mohuar një gjë të tillë, por tha se derisa flitet për ekzistimin e tij, atëherë do të thotë se ka ekzistuar FARK-u.

Këto deklarata Kuçi i bëri të dielën në një konferencë për media, në të cilën ka folur për zhvillimet organizative në AAK.

Duke folur ndërkaq për themelimin e Tribunalit, Kuçi tha se krijimi i tij në Kosovë nuk është i drejtë, por se tani institucionet janë para një akti të kryer.

Ai tha se për themelimin e këtij tribuinali nuk kanë qenë të njoftuar, ndërkaq themelimin e tij e sheh si pasojë të një menaxhimi të keq të qeverisjes së Thaçit./express/

Kryeministri i Kosovës, Hashim Thaçi, i është gëzuar tej mase vendimit të Asamblesë Parlamentare të NATO-s, e cila vendosi që Kosova të ketë statusin e vendit vëzhgues në AP të NATO-s.

Në një postim të tijin në Facebook, Thaçi thotë se vendimi do të bëhet i plotfuqishëm në fund të majit.

“Lajm i mrekullueshëm nga Asambleja Parlamentare e NATO. Komiteti i Përgjithshëm votoi dje pozitivisht mbi kërkesën e Kosovës për status të vëzhguesit në NATO AP. Në fund të majit në Takimin e Vilniusit përfundojnë formalitetet dhe Kuvendi i Republikës së Kosovës do të ketë statusin zyrtar të vëzhguesit në NATO AP. Hap i rëndësishëm dhe thelbësor në integrimin e shtetit tonë në Aleancën më të madhe të sigurisë në botë”, ka shkruar Thaçi.

Ndryshe, ditën e djeshme, Asambleja Parlamentare e NATO-s ka vendosur që Kosovës t’i jepet statusi i vendit vëzhgues në AP të NATO-s, ndërkaq në të njëjtën kohë është përjashtuar Rusia nga ky organ.

Procesi i verifikimit të veteranëve të UÇK-së pritet të përfundojë deri më 15 qershor. Kështu ka thënë kryeministri, Hashim Thaçi. E, Agim Çeku, që drejton komisionin për verifikimin e statusit të veteranëve, ka thënë se janë duke punuar maksimalisht për ta përmbyllur këtë proces.

“Është një lajmërim prej 60 mijë vetave që kanë konkurruar dhe tash duhet të bëhet verifikimi i të gjithëve. Lista do të bëhet edhe publike që të kemi një listë vërtetë të sakët dhe të pranueshme. Ne mendojmë deri kah 15 qershori të kemi finalizimin dhe pastaj do të bëhet publike dhe natyrisht do të kemi edhe opinionet e të tjerëve. Por shpresoj se më së largu deri në fillim të korrikut do të përmbyllet”, ka thënë Thaçi.

Edhe kryetari i Komisionit Qeveritar për njohjen dhe verifikimin e statusit të veteranëve, invalidëve, pjesëtarëve dhe të internuarve të Ushtrisë Çlirimtare të Kosovës (UÇK), Agim Çeku ka bërë të ditur për “Epokën e re” se janë duke punuar maksimalisht që të përfundojë sa më shpejt ky proces.

“Të gjitha komisionet dhe nënkomisionet janë duke punuar ditë e natë dhe ne do të tentojmë që në një përudhë sa më të shkurtër të përfundojë procesi i verifikimit të veteranëve. Të gjitha nënkomisionet janë duke punuar si dhe të gjithë zinxhirët komandues të zonave operative janë duke e bërë verifikimin”, është shprehur Çeku.

Ish-presidenti i Shqipërisë Bamir Topi, nuk mendon se përkatësia kombëtare e popullatës shumicë ka bërë që Kosova dhe Shqipëria të jenë vendet e vetme në rajon që kanë ngelur shumë mbrapa anëtarësimit në Bashkimin Evropian. Ai mendon se politikanët në Kosovë dhe ata në Shqipëri kanë shumë ngjashmëri mes vete.

Në një intervistë për gazetën Tribuna, ish-presidenti që tash ka bërë subjektin e tij politik në Shqipëri, Frymën e Re Demokratike, ka thënë se rruga e integrimit të Kosovës në BE është më e vështirë për shkak të specifikave politike, derisa ajo e Shqipërisë, sipas tij, do të duhej të ishte më e lehtë.

“Nëse në rastin tuaj ka edhe elemente të tjera, në Shqipëri fajtori i vetëm që vendi nuk është kandidat për anëtarësim në BE, janë politikanët shqiptarë. Nëse do të demonstronim një politikë më të matur dhe më të kujdesshme, standardet do të ishin realizuar më shpejt. Duhet ndarë sa i përket integrimit ndonëse fizionomia e politikanëve është deri diku e ngjashme”, ka thënë Topi.

Ngjashmëria e politikanëve në Kosovë e Shqipëri, sipas tij, ka të bëjë me përpjekjen e secilit për të tërhequr gjithçka kah “parcela e tij politike”, shpesh edhe duke harruar se janë disa çështje të interesit kombëtar, që janë më të rëndësishme se këto parcela.

“Në përgjithësi shoh shumë ngjashmëri. Ka dhe elementë pozitivë por ka edhe shumë negativë, thënë të drejtën. Me sa duket, kemi huazuar shumë ndaj njëri-tjetrit kulturën e të bërit politikë dhe të prezantimit të saj në institucione”, ka thënë Topi.

Ai ka folur me rezerva për suksesin e qeverisë Rama dhe nuk ka kursyer kritikat për qeverisjen e kaluar të Sali Berishës.

Procesi i themelimit të një Gjykate Speciale ku do të gjykoheshin pretendimet e raportit të Dick Martyt, ka hyrë në fazën përfundimtare apo më mirë të thuhet në pjesën më të vështirë. I tërë ky proces pritet të finalizohet me një votim në Kuvendin e Kosovës, ndërsa qysh tash kanë nisur telashet në këtë drejtim.

Shumë deputetë të partisë në pushtet – PDK, hezitojnë të votojnë për këtë çështje, pasi të njëjtën kanë qenë vetë të angazhuar në luftë dhe këtë proces e shohin si goditje ndaj luftës.

Një zyrtar i lartë në PDK i ka thënë gazetës Tribuna, se kreu i saj Hashim Thaçi, po përballet me presion të madh dhe telashe brenda partisë së tij, pasi deputetët e kësaj partie nuk po e presin mirë idenë se duhet votuar për këtë dokument.

“Është shumë vështirë të binden këta deputetë dhe këtë në drejtim kreu i partisë është duke punuar, por ka hezitime të mëdha. Do të presim dhe të shohim se si do rrjedhin gjërat në këtë drejtim”, ka thënë ky burim.

Gazeta ka provuar gjatë tërë ditës së shtunë që të kontaktojë me shefin e Grupit Parlamentar të PDK-së, Adem Grabovci, por kontakti me të ka qenë i pamundur. /Tribuna/