Kryetari i Malishevës,Ragip Begaj, ka takuar banorët e fshatrave të Damanekut, Bublit dhe Qupevës. Ai gjatë këtyre takimeve është njohur drejtpërdrejt me hallet dhe problemet që kanë banorët e Komunës së Malishevës.

Ai po ashtu ka kërkuar sensibilizim për problemin e etheve hemorragjike dhe për largimin mbeturinave nga ambienti.

“Unë jam në shërbimin tuaj dhe dua që së bashku të ecim përpara. Dua të punojmë së bashku, si një familje”.
Drejtori i Shëndetësisë, Hajdin Berisha, i ka njoftuar banorët për masat parandaluese që janë duke marrë institucionet vendore dhe komuna, për zvogëlimin e rrezikut nga thumbimi i rriqrave dhe ethet hemorragjike.

“Humbja e jetës së vetëm një personi, është shumë, andaj, edhe ne duhet të bëjmë kujdes ët shtuar, qoftë gjatë punës sonë në fushë, ashtu të bëjmë kujdes për fëmijët tanë. Edhe nëse thumboheni nga rriqrat, mos i largoni vet, por kërkoni ndihmë nga qendrat shëndetësore, sepse vetëm kështu mund të mbrohemi nga ethet hemorragjike”.

Nga ana tjetër, banorët e Damanekut, kanë paraqitur si nevojë emergjente për këtë fshat, pastrimin e përroskës në fshat, pasi është shumë e ndotur, pastaj rregullimin e një pjese të kanalizimit të fshatit dhe trotuarin përgjatë rrugës kryesore, deri në shkollë. Trotuari ishte nevojë edhe për banorët e Bublit dhe Qupevës, sikur edhe rregullimi i kanalizimit në disa lagje, pastaj rregullimi i disa rrugëve në lagjet e Bublit. Për këto nevoja të këtyre fshatrave, kryetari Begaj, premtoi angazhim maksimal të qeverisë komunale, për zgjidhjen e tyre./PrizrenPress.com/

Kreu i Kuvendit të Kosovës, Jakup Krasniqi, ka deklaruar se kryeministrit Hashim Thaçi i mungon vullneti politik për një qeverisje të mirë dhe se këtu e kanë burimin të gjitha gabimet e tij, e që janë të shumta.
Në një intervistë për KosovaInfo, Krasniqi ka thënë se me formimin e partisë së re politike, synojnë të formojnë një subjekt politik, i cili do të dalloj si në formë e po ashtu edhe në përmbajtje nga subjektet e tjera politike që i ngjajnë si pikat e vesës njëra tjetrës.

Ai tha se vendi kërkon një idealizëm të ri politik.

I pyetur pse e ndien veten ndryshe nga Thaçi, Krasniqi tha se kjo çështje për çdo medie do të duhej të ishte e njohur.

“Konsideroj që kam kaq shumë aktivitet politik pas qershorit të vitit 1999, pa shkuar më tej, sa që kjo çështje për çdo medie do të duhej të ishte e njohur. Dallimi qëndron në atë se unë politikës i jam qasur me idealizëm e jo për interes, i jam qasur për qeverisje e jo për sundim të të gjithë hapësirës publike në Kosovë”, u shpreh Krasniqi.

Janë bërë afro tre vjet që prej se Haxhi Morina pret që Gjykata Themelore në Prizren të shqyrtojë padinë civile , lidhur me një rast  të lëndimit trupor  të djelit të tij  nga i mituri G.C.
Padia e tij, për kompenzim  të dëmit  në vlerë  prej 7 mijë e 500 eurosh  është lënë pezull prej vitesh nga Gjykata Themelore në Prizren.

“E tëra që kam kërkuar është që drejtësia të tregon  fjalën e vet  për rastin e fëmijës tim“, ka thënë Morina për “Koha Ditore“.

Zëdhënësja e Gjykatës Themelore në Prizren, Afërdita Kicaj  ka konfirmuar  se kjo lëndë nuk është shqyrtuar meqë rastet e kësaj natyre nuk trajtohen si prioritet.
Avokati Pjetër Përgjoka ka thekësuar ndërkaq  se zvarritja e lëndëve në gjyqësor krijon telashe edhe me mbrojtjen ligjore./PrizrenPress.com/

Asnjë nga deputetët aktual shqiptar në Kuvendin e Kosovës, nuk ka lidhje me shërbimet inteligjente të Serbisë.

Me këtë konfirmim që ka marrë drejtori i Agjencisë Kosovare të Inteligjencës, Bashkim Smakaj, Komisioni Parlamentar që mbikëqyr punën e AKI’së, konstaton që është zgjedhur përfundimisht dilema e ngritur kohët e fundit, veçmas pas deklaratave të disa individëve se pjesëtar të UDB’së ende veprojnë në Kosovë, madje të tillë ka edhe në Kuvendin e Kosovës, shkruan Tribuna.

Smakaj ka sqaruar këtë çështje gjatë raportimit që ka pasur të mërkurën para mbikëqyrësve parlamentar.

Partia Demokratike e Kosovës mëton të përmirësojë imazhin para se të hyjë në zgjedhjet nacionale, nëpërmjet një kriteri që do të vërë në procesin e përzgjedhjes së kandidatëve për deputetë të legjislativit të ardhshëm.

Në listë nuk do t;i përfshijë zyrtarët mbi të cilët rëndojnë akuza.

Një nënkryetar i këtij subjekti politik, që ka folur në kushte anonimiteti për :Koha Ditore”, ka thënë se imazhi është lënduar nga numri i madh i zyrtarëve partiakë që kanë probleme me ligjin.

Kryetar komunash, deputetë e anëtarë të ekzekutivit, janë përballur me drejtësinë në vitet e fundit.

Me 28 shkurt do të zyrtarizohet partia e Fatmir Limajt dhe Jakup Krasniqit. Ajo do të quhet Iniciativa Qytetare, të cilës do t’i bashkohen dega e Malishevës, Drenasit dhe Lipjanit.

Aktakuza e re kundër Fatmir Limajt nuk do ta ndal atë që të formojë subjektin e ri politik. Tashmë është vendosur që vet Limaj të jetë kryetar i kësaj partie që do të quhet Iniciativa Qytetare.

Zyrtarizimi i këtij subjekti pritet të bëhet me 28 shkurt në orën 117:00 në një ceremoni solemne që do të mbahet në sallën e kuqe të Pallatit të Rinisë në Prishtinë. Këtë e ka konfirmuar për gazetën “Zëri”, burime të afërta me udhëheqësin e kësaj partie.