Prokuroria ka dy rrugë, ta akuzojë Jakup Krasniqin për krime luftë, ose ta tërheq akuzën kundër tij, Sylejman Selimit, Ismet Haxhës, Nexhat Qubrelit dhe Shefki Hysenit.

Paralajmërimin se mund të ketë një aktakuzë nga prokurori Maurizio Salustro, e ka marrë avokati i Krasniqit Mexhid Syla, i cili vazhdon të jetë i bindur se nuk ka asnjë provë për një veprim të tillë.

Syla për më shumë këtë proces e sheh si të dyshimtë, shkruan Koha Ditore.

Këtë e bazon në faktin se pse Krasniqi nuk është ftuar për intervistë, ani pse shumë moti motrat nga Mitrovica e kanë deponuar dëshminë në prokurori.

“Prokurori atë ditë na ka thënë se do të reagojë shumë shpejt, ose do t’i pushojë hetimet apo të kundërtën, ta ngrit një aktakuzë”, ka thënë Syla.

Krasniqi të premten është intervistuar nga EULEX nën dyshimin për krime lufte. Dyshimet bazohen në dëshminë e dy motrave nga Mitrovica të cilat e kanë implikuar Krasniqin si pjesëmarrës në dhunimin e integritetit trupor gjatë luftës së fundit në Kosovë.

Qytetarët që duan të udhëtojnë me dokumentacion të Kosovës përmes Serbisë për në vendet e treta dhe anasjelltas, duhet të përgatiten paraprakisht se do të ballafaqohen me policët kufitarë serbë. Autoritetet e këtij shteti po u kërkojnë para kosovarëve vetëm për t’ua dhënë fletën e cila ua lejon qarkullimin nëpër Serbi. Dokumenti i vetëm që një qytetar i Kosovës mund ta paraqesë para autoriteteve serbe kur udhëtojnë në Serbi apo përmes Serbisë në ndonjë shtet tjetër, është letërnjoftimi si dokument identifikimi.

Sipas Marrëveshjes për lëvizje të lirë që është arritur në Bruksel mes Kosovës dhe Serbisë, kosovarët kur duan të hyjnë në Serbi, duhet të paraqesin letërnjoftimin e tyre të cilin Policia e Serbisë e njeh si dokument ku i merr të dhënat personale dhe i vendos në një fletë të bardhë të formatit A4,shkruan Tribuna.

Këtë fletë qytetari i Kosovës mund ta përdorë pastaj si dokument që ia lejon qëndrimin dhe qarkullimin nëpër Serbi. Dokumenti në fjalë vlen vetëm brenda territorit të Serbisë, pasi autoritetet kufitare ia marrin përdoruesit atë sapo qytetari të dalë nga shteti serb

Shumë luftëra u bënë me kallashnikov. Kreatori i tij, Mikhail Kallshnikov, vdiq sot. Me këtë armë luftoi edhe UÇK. Rrustem Mustafa dhe Rexhep Selimi thonë se “kallashi” ishte arma më e përhapur që u kishte rënë në dorë, e jo pse e kishin zgjedhur vetë atë.

Ndoshta Mikhail Kalashnikov, që vdiq sot në Rusi në moshën 94 vjeçare, mund të ketë qenë i sinqertë kur ka thënë se në vend të armës së njohur të zbuluar prej tij, do të kishte dëshiruar ta krijonte një vegël më të dobishme për njeriun, për shembull – një kosë të barit.

“Do të kisha preferuar ta krijoja një makinë të cilën do ta përdornin njerëzit dhe e cila do të mund t’i ndihmonte bujqit në punë e tyre- për shembull një kosë të barit”, kishte thënë ai.

Por, ja që ai krijoi një armë me të cilën u bënë shumë luftëra dhe statistikat tregojnë se kjo armë ka vrarë më së shumti njerëz në planet ndër të gjitha armët tjera.

Shumë luftëra, frontale e guerile, janë bërë me këtë armë.

Një nga to është edhe lufta e drejtuar nga Ushtria Çlirimtare e Kosovës (UÇK).

Pas lajmit për vdekjen e rusit të njohur, dy ndër figurat më të njohura të luftës së Ushtrisë Çlirimtare të Kosovës, Rrustem Mustafa-Remi dhe Rexhep Selimi rrëfejnë për lajmi.net ndjenjat ndaj kësaj arme.

Ish Komandanti i Zonës Operative të Llapit, Rrustem Mustafa-Remi, thotë se AK-47 ka qenë arma e cila u ka rënë më së shpeshti në dorë ushtarëve të UÇK’së.

Por, ai nuk duket shumë i lidhur me këtë.

Remi: Ndjenja ime është të mos dëgjoj kurrë më për AK-47.Remi: Ndjenja ime është të mos dëgjoj kurrë më për AK-47.

“Me vdekjen e ideatorit, dëshiroj që të vdesë edhe arma AK- 47”.

“AK 47 ishte arma më e afërt që na ka rënë në dorë neve si ushtarë të UÇK’së, e jo që e kemi dashur”.

“Po flas për ndjenjën time … Dhe ndjenja ime është që unë të mos dëgjoj më asnjëherë për këtë armë”, thotë Komandant Remi për lajmi.net.

Drejtuesi tjetër i UÇK’së, Rexhep Selimi, thotë se asnjëherë nuk do t’i thotë “Falemnderit” Mikhail Kalashnikovit.

“Nuk dua t’i them ‘falemnderit’ personit që e ka zbuluar kallashnikovin, për shkak se UÇK’në nuk e ka armatosur ky person.”

“Vetëm Republikës së Shqipërisë duhet t’i themi ‘falemnderit’ për këto armë, pasi që ka prodhuar kallashnikovë për ne”.

Rexhep Selimi: Vetëm Republikës së Shqipërisë duhet t’i themi faleminderit për këto armë.Rexhep Selimi: Vetëm Republikës së Shqipërisë duhet t’i themi faleminderit për këto armë.

“Ka qenë arma më e përhapur, jo pse ne e kemi zgjedhur, por sepse kjo armë është prodhuar në Poliqan të Shqipërisë. Për këtë arsye, kjo armë ka qenë më popullore në Shqipëri, e si rrjedhojë kjo armë është përdorur edhe nga UÇK”.

“UÇK nuk e ka zgjedhur kallashnikovin por Poliqanin, që ka qenë prodhuesi ndër më të mëdhenjtë në rajon të kësaj arme”.

“Sikur Shqipëria do të kishte mundësi të prodhonte ndonjë armë tjetër, edhe UÇK do të përdorte atë”.

“Por, unë personalisht nuk e kam përdorur këtë armë gjithmonë, por e kam përdorur një markë zvicerane”, ka thënë Rexhep Selimi për lajmi.net.

“Duke parë e duke bërë”, kështu është përgjigjur veprimtari i PDK-së nga Vitia, Xhevat Bislimi, i cili tani sa kohë është i pakënaqur me PDK-në, i pyetur nëse do t’i bashkohet partisë së re e cila është paralajmëruar se do të themelohet së shpejti nga Fatmir Limaj dhe Jakup Krasniqi.

Bashkëpunëtorë të Fatmir Limajt dhe Jakup Krasniqit, tashmë po hulumtojnë “të pakënaqurit” në radhët e PDK-së nëpër komunat e Kosovës, që do të mund tu bashkoheshin në subjektin e ri politik nëse do ta formojnë një ditë.

Në grupin që po bën hulumtimin e anëtarësisë për partinë e re nëpër komuna, sipas burimeve të publiku.net, është edhe aktivisti i PDK-së Xhevat Bislimi. Por, Bislimi i pyetur për këtë, ka mohuar se është pjesë e atij grupi, ndërsa ka shtuar se: “nuk ka nevojë të mblidhet anëtarësi për partinë e z. Limaj pasi ka boll të tillë, sepse numri i të pakënaqurve brenda PDK-së është mjaft i madh.”

“Nuk është e vërtetë që jam angazhuar me grupin që përmendni ju dhe në momentin që do të angazhohem, ajo do të bëhet publike, por pres që PDK të ulet dhe të mbledhë veten, për të shoshitur përgjegjësinë e secilit”, ka thënë ai, teksa ka shtuar se: “PDK ka nevojë për një riorganizim, ose një Kongres të jashtëzakonshëm. Po presim nga kryetari i PDK-së, se a do të ndërmerr masa, apo dëshiron të vazhdojë në këtë anarki dhe kaos që është krijuar”.

Bislimi, veçanërisht ka shprehu pakënaqësinë e tij me “prurjet e reja” në PDK.

“Do të shohim, në qoftë se nuk bëhet një organizim i mirëfilltë, nuk kthehen të gjitha ato forca të shëndosha të PDK-së, nëpër degë, të gjithë ata që pa dëshirën e tyre janë detyruar të largohen. Pra, nëse nuk tërhiqen këto ‘prurjet e reja’ që e kanë bërë lëmsh partinë, atëherë do të shohim”. Bislimi nuk e ka përjashtuar mundësinë që ai pas viti të ri, t’i bashkohet zotit Limaj dhe subjekti të tij “Iniciativa Qytetare për Kosovën”.

“Do ta shohim pas vitit të ri bashkërisht edhe me degën e PDK-së në Viti dhe qendrës në Prishtinë dhe me të gjithë ata që nuk mund të vazhdojnë me këtë politikë aktuale të PDK-së”, ka thënë veprimtari Xhevat Bislimi

Kryesia e Degës së PDK-së në Viti në koordinim me organet qendrore të partisë, kishte propozuar fillmisht ish deputetin e Kuvendit të Kosovë Xhevat Bislimi për kandidat për Komunën e Vitisë për zgjedhjet e fundit komunale, po më pas emri tij ishte fshirë. Që nga ajo ditë, Bislimi është i zemëruar shumë, sidomos me kreun e PDK-së dhe nuk lë rast pa kritikuar atë.