Bëhet me dija se pak çaste më parë në Kosovë janë futur dhjetëra autobusë të mbushur me serbë, të cilët janë drejtuar për në Mitrovicë dhe për në Zveçan, për të votuar.

Autobusët me votues serbë janë futur në Kosovë nëpërmjet pikëkalimit kufitar Jarinje, transmeton KTV.

Votimi ka filluar me kohë në Prizren. Të gjitha qendrat e votimit janë hapur në ora 7:00 të mëngjesit. Përfaqësuesi i KQZ-së, Nysrat Bytyçi ka konfirmuar se nuk ka pasur probleme në fillimin e procesit të votimit. “ Të gjitha qendrat e votimit janë hapur. Nuk ka pasur probleme”, tha Bytyçi.

Në Prizren janë të hapura 71 qendra të votimit dhe 209 vendvotime. Të drejtë vote kanë 155 mijë qytetarë.Prej tyre 13 mijë votojnë për herë të parë.

Në këto zgjedhje për 41 vende të Asanblesë Komunale në Prizren, garojnë 900 kandidatë nga gjitha pratitë politike. Për herë të parë , ndërkaq garojnë edhe tri subjekte serbe.

Procesi zgjedhor në Prizren po sigurohet nga policia. Drejtori i Policisë, Nexhmi Krasniqi tha se në rajonin e Prizrenit janë angazhur rrteh 600 policë. “Në çdo qendër të votimit janë vendosur edhe policët”, tha Krasniqi./PrizrenPress.com/

Eksperti amerikan për Ballkanin, Daniel Serwer, vlerësoi se deri në vitin 2020 të gjitha vendet e Ballkanit do të jenë anëtare të NATO-s. Sipas tij, Mali i Zi dhe Maqedonia tashmë i kanë plotësuar kushtet për anëtarësim në NATO, derisa Kosova sapo të fitojë forcat e saja të sigurisë do të dëshironte që sa më shpejt të hyjë në aleancën veriatlantike, transmeton telegrafi.

Serwer, që është edhe profesor në Universitetin John Hopkins, ka ndarë mendimin e njëjtë edhe për Bosnjë Hercegovinën.

“Kjo do të ishte fundi i rrëfimit për luftërat që kanë nisur para 30 viteve”, ka nënvizuar ai në një shkrim të tij në portalin Peacefare.net.

Serwer ka vlerësuar se edhe Serbia gjatë viteve të ardhshme mund të ndryshojë qëndrimin ndaj NATO-s, sidomos nëse Kosova bën ndryshime në këtë rrugë.

Kryetarja e Komisionit Qendror Zgjedhor, Valdete Daka ka bërë hapjen e vendvotimeve për zgjedhjet lokale ku edhe votoi vet.
Ajo bëri thirrje tek të gjithë që të dalin në zgjedhje që të kryejnë obligimin e tyre kushtetues.

“Shpresoj që me votën time të fitojë më i mirë. Uroj ditë të mbarë dhe le të fitojë Kosova”, ka thënë Daka me rastin e votimit.

E pyetur se kur mund të dalin rezultatet e para preliminare ,ajo tha se kjo mund të bëhet dy ose tri orë pas mbylljes së vendvotimeve.

Me hapjen e vendvotimeve nga Daka në gjithë Kosovën është bërë hapje e 2 mijë e 366 qendrave të votimit,, sa janë të parapara në gjithë vendin tonë.

Në këto zgjedhje kanë të drejtë vote afër 1.8 milionë kosovarë për 38 komuna ku do të zgjedhin përfaqësuesin e tyre për katër vitet e ardhshme.

Numri i kosovarëve që tashmë kanë shprehur dëshirën për të votuar e që gjenden jashtë vendit është 8383, e të cilët mund të votojnë përmes postës.

Gjatë ditës për të votuar do të përdoren listat e hapura.

Në zgjedhjet për Kuvende Komunale, votuesi voton për një subjekt politik të certifikuar dhe mund të votojë për një kandidat nga lista e kandidatëve të këtij subjekti politik

Prokuroria  dhe  Policia në Prizren, i kanë bërë të  gjitha përgatitjet për zgjedhjet  e 3 nëntorit. Kryeprokurori  Sylë Hoxhaj dhe drejtori i Policisë, Nexhmi Krasniqi, i kanë  garantuar qytetarët se gjatë  votimit do të ketë siguri të shtuar. “Ne e kemi nënshkruar një marrëveshje të bashkëpunimit për ditën e zgjedhjeve me policinë. Besoj se kjo marrëveshje do të realizohet me sukses dhe qytetarët do të mund të votojnë të lirë”, tha Hoxhaj.

Ai ka ftuar  qytetarët, që të dalin në votime. “I ftoj qytetaërt që pa frikë të dalin në votime dhe të votojnë për atë që mendon që i përfaqëson më së miri”.

Drejtori i Drejtorisë së Policisë në Prizren, Nexhmi  Krasniqi,  tha ndërkaq se për ditën e zgjedhjeve janë angazhur afër 600 policë në Prizren.”Secila qendër e votimit do të sigurohet nga policia”, tregoi Krasniqi. Ai tha se bashkëpunimi me Prokurorinë do t’ia lehtësojë punën edhe Policisë.” Është hera e parë që për ditën e zgjedhjeve Prokuroria dhe Policia i koordinon  veprimet”, tha Krasniqi. /PrizrenPress.com/