Kandidatët e të gjitha partive politike për kryetar të Prizrenit, kanë votuar në qendrat e tyre të votimit. Ata pas votimit, iu  kanë bërë thirrje të gjithë qytetarëve që të dalin në votim.

Kandidatët për kryetar të Prizrenit, po ashtu kanë kërkuar që procesi zgjedhor të shkojë në mënyrë të rregullt dhe pa asnjë incident. /PrizrenPress.com/

Rreth 90 persona të dënuar dhe të paraburgosur në Prizren, ende nuk e kanë shfrytëzuar të drejtën e votës. Koordinatori i KMDLNJ-së, Bashkim Kajdomcaj tha se kjo qendër ende është në pritje të ardhjes së zyrtarëve të KKZ-së.

“Gjatë tre vizitave të realizuara nga Qendra Rajonale e KMDLNJ-së në ora 8:45,10:35 dhe 11:30, menaxhmenti i Qendrës së Paraburgimit ka njoftuar se ende janë në pritje të ardhjes së zyrtarëve të caktuar nga KKZ-ja. Poashtu, sipas menaxhmentit të kësaj qendre nuk ka ndonjë informacion se kur pritet të vijë komisioni që do të drejtoj punën lidhur me votimin”, tha Kajdomcaj./PrizrenPress.com/

Dy perona janë arrestuar në fshatin Senik të Malishevës. Drejtori i Policisë, Nexhmi Krasniqi tha se personat e arrstuar janë përfshirë në rrahje para qendrës së vendvotimit.

“Në fshtain Senik të Malishevës dy persona para Qendrës së vendovotimit kanë pasur një konflikt verbal, më pas policia i ka arrestuar dhe i ka dërguar në stacionin policorë në Malishevë. Të dy personat pas intervistimit po mbahnen në arres”, tha Krasniqi. Të arrestuarit janë anëtar të PDK-së dhe IQPM-së/PrizrenPress.com/

Kryetari i Lëvizjes Vetëvendosje!, Albin Kurti, ka votuar në Qendrën e Votimit 1913E, në Fakultetin Juridik në Prishtinë. Me këtë rast Kurti tha se sot është ditë e rëndesishme për shtetndërtimin në Kosovë.

“Sot jo vetëm që është ditë e rëndësishme për qytetarët dhe komunat e Kosovës, jo vetëm për lirinë e demokracinë, por edhe për shtetndërtimin në Kosovë”, tha Kurti.

Ai uroi që zgjedhjet të jenë të lira dhe të ndershme, që në mandatin e ardhshëm të qeverisemi nga njerëz të lire dhe të ndershëm, që kanë legjitimitet demokratik. /PrizrenPress.com/

Dega e PDK-së në Malishevë ka parashtruar ankesë në PZAP kundër Iniciativës Qytetare të Malishevës, me të cilën kërkohet marrja e masave kundër IQM , pasi, siç thuhet në ankesë, aktivisti i saj Musli Zulfaj ka sulmuar fizikisht aktivistin ne detyrë të Degës se PDK-së Blerim Zulfajn në afërsi të pikës së votimit në Senik.

Sipas PDK-së, rasti ka ndodhur në qendrën e votimit në fshatin Senik të Malishevës, ku Musli Zulfaj, militant i IQM-së, në prani të policisë e ka sulmuar Blerim Zulfaj, i cili në ato momente ishte duke kryer shërbimet e ofrimit të ushqimit për komisionerët dhe vëzhguesit e PDK-së, d.m.th, ka qenë i angazhuar për këtë shërbim nga Dega e PDK-së, në Malishevë.

Rasti ka ndodhur në ora 10:30 të ditës së zgjedhjeve me datë 03.11.2013.

Për detajet tjera mund ta kërkoni raportin e Policisë së Kosovës për rastin në fjalë, të cilin mund ta kërkoni në Stacionin e Policisë në Malishevë kurse me rastin është marrë edhe Prokurori i Shtetit, thuhet në ankesën e PDK-së.

Kërkojmë nga PZAP-ja, që të ndërmarr të gjitha masat ligjore, si ndaj personit në fjalë po ashtu edhe ndaj subjektit të tij./PrizrenPress.com/

Lidhja Demokratike e Kosovës po e ndjek me kujdes të madh procesin zgjedhor në mbarë vendin që nga minuta e hapjes së vendvotimeve.

LDK-ja thekson se procesi deri më tani në përgjithësi ka qenë i rregullt. Ndërsa, janë evidentuar edhe parregullësi në Prizren e Malishevë, të cilat po i theksojmë më poshtë.

Në Prizren: Në Shkollën Teknike, Qendra e Votimit nr. 2042a, është evidentuar një tentativë për ta nxjerrë jashtë një fletëvotim, nga ana personit të quajtur Gëzim Rrozniqi.

– Ora 09:45H, në Qendrën e Votimit në Atmaxhë, 2039a, truproja e Ramadan Mujës, kandidat i PDK-së, i cili është nga i njëjti fshat nuk po largohet nga aty dhe po u bën presion qytetarëve.

– Ora 09:52H, në fshatin Skorobisht, Qenda e Votimit 2038a, mungojnë 68 fletëvotime. Votues të regjistruar janë 1168, fletëvotime të dorëzuara 1100.

– Ora 10:01H, në Qendrën e Votimit 2003a, Ortakoll, Njiazi Kryeziu, kandidat i PDK-së dhe Sekretar i Degës së PDK-së, kryesues i KK Prizren, është brenda qendrës së votimit duke bërë presion.

– Ora 10:00H, në Shkollën fillore “Lekë Dukagjini”, vendvotimi 2007a, kemi siguruar një video, në të shihet një qytetar duke i dhënë një zarf një qytetari tjetër, dyshohet për shpërndarje të të hollave. Shih videon bashkëngjitur!

Ndërsa në Malishevë: Ora 8:39H, Avni Thaçi, i caktuar nga PDK-ja në fshatin Mirushë, është bërë Menaxher i Qendtrës së Votimit, edhe pse ndodhet nën hetime për munipulime (vjedhje të votave në zgjedhjet e kaluara) në zgjedhjet e kaluara.

Kryeministri i Qeverisë së Republikës së Kosovës, Hashim Thaçi, ka votuar sot në qendrën e votimit në shkollën “Faik Konica”. Gjatë votimit kryeministri ishte i shoqëruar edhe nga bashkëshortja e tij, Lumnije Thaçi, transmeton Koha. Pas votimit kryeministri Thaçi u deklarua për medie, me ç’ rast theksoi rëndësinë e këtyre zgjedhjeve të cilat po mbahen për herë të parë në tërë territorin e Republikës së Kosovës.

“Këto janë zgjedhjet e para të lira që po organizohen në gjithë territorin e Republikës së Kosovës, dhe janë historike për shtetin tonë të ri. Kaluam një vit të përmbylljes së mbikëqyrjes së pavarësisë me sukses ta plotë. Tani kemi hapur rrugën e sigurt për integrime evropiane, procesin e stabilizim asociimit dhe procesin e liberalizimit të vizave.

Këto zgjedhje janë test evropian për Republikën e Kosovës. Unë edhe njëherë sot dëshiroj t’i falënderoj të gjithë qytetarët e Republikës së Kosovës për pjesëmarrjen e tyre në fushatë, falënderoj të gjithë spektrin politik për një fushatë korrekte, të qetë, të konkurrencës së lirë. Edhe sot kam besim të plotë se shteti ynë Kosova dhe qytetarët e Kosovës do të kalojnë testin evropian për të ardhmen e tyre, për të dëshmuar rendin demokratik, për të dëshmuar rolin aktiv të demokracisë dhe perspektivë të sigurt evropiane. Pra, sot të gjithë jemi të angazhuar për Kosovën evropiane”, ka thënë Thaçi.