Kandidati i LDK-së për kryetar të Prizrenit, Eqrem Kryeziu në kuadër të fushatës zgjedhore,  është  takuar me elektoratin e lagjes “Jeta e re” dhe fshatit Arbanas.

Në të dy tubimet, Kryeziu është pritur nga shumë simpatizantë. Kryeziu tha se LDK-ja me 3 nëntor do të dalë fituese.“ Kemi qene në pushtet 7 vjet dhe pa buxhet dhe pa kompetenca kemi bërë mrekullira. Sot buxheti është shtatfish më i madh, por problemi sot është se po vidhet buxheti. Ne do të kemi para të mjaftueshme, sepse para ka gjithmonë , nëse nuk  vjedhet”, tha Kryeziu.

Sipas tij,  LDK-ja në shtat vitet që ka qeverisur është dëshmuar  për punë të mira që ka bërë. “Populli tashmë  ka vendosur në fitoren e së drejtës, në fitoren  LDK-së”.

Kryeziu votësbesimin e ka kërkuar edhe në lagjen e “Jeta e Re”.Banorët  në këtë lagje kanë kërkuar që me 3 nëntor të ndodh ndryshimi në Prizren. “Shpresën për këtë ndryshim po e shohim në Lidhjen Demokratike të Kosovës”.

Kandidati i LDK-së ,Eqrem Kryeziu, tha ndërkaq  se me fitoren e Lidhjes Demokratike të Kosovës në Prizren hapet rruga për fitoren e madhe të LDK-së në krejt Kosovën. “Ndryshimi po vjen, LDK-ja ia ofron rastin secilit qytetar të bëhet pjesë e ndryshimit” , tha  Kryeziu./PrizrenPress.com/

Kandidatët për Kuvendin e Prizrenit nga fshatrat e Hasit, Shukri Çuni, Halil Cikaj, Gëzim Duraj, dhe Sherife Balaj, kanë organizuar një tubim elektoral me banorët e fshatit Mazrrek.

Në këtë tubim banorët e Mazrrekut  janë deklaruar se ardhmëria e tyre është e sigurt vetëm me PDK-në.
Kadri e Halil Karavidaj, Sadri e Tahir Duraj kanë bërë thirrje që të mos hamenden për ta votuar numrin 99, sepse vetëm me këtë partia do të shpresojnë për rregullimin e infrastrukturës në fshatin Mazrrek.

“Ne e kemi kuptuar që Hasi e ka të të sigurt ardhmërinë vetëm me PDK-në , andaj edhe në zgjedhjet e 3 nëntorit siç u shprehën ata kemi vendosur që të votojmë për PDK-në që na ka mundësuar të bëhemi komunë dhe me investimet e bëra ta shijojmë lirinë si të gjithë qytetarët”.

Kandidati  për Asamblenë Komunale, dr.Halil Cikaj  tha se hasjanët kanë shumë arsye që në zgjedhjet e nëntorit të votojnë PDK-në. Sipas tij, PDK-ja është i vetmi subjekt politik që ka mbajtur dhe realizuar premtimet që ka dhënë në fushatat zgjedhore. “ PDK-ja është subjekti i vetëm politik që ka premtuar se Hasi do të jetë komunë më vete. Ky premtim tashmë është bërë realitet falë kryeministrit të Kosovës, Hashim Thaçit”.

Ndërsa  kandidati tjetër, Shukri  Çuni, pasi i ka falënderuar qytetarët e Mazrrekut për besimin që ia kanë dhënë gjatë dy mandateve të shkuara, ka theksuar se PDK-ja nuk jep premtime se do të bëjmë mrekullia,” por premtojmë për ato projekte që na ndihmojnë të rregullojmë jetën tonë. Në këtë tubim, ka folur edhe kandidatët tjerë”.

Në këtë tubim kandidatët për kuvend të Prizrenit kanë shpalosur edhe programin zgjedhor të PDK-së për fshatrat e Hasit, program ky që do të bëhet realitet vetëm nëse votohet numri 99 dhe kandidatët e PDK-së. /PrizrenPress.com/

Me kërkesën e Ministrisë së Mjedisit dhe Planifikimit Hapësinor sot nisin rrënimet pa leje të ndërtuara deri më tash në Prevallë.

MMPH-ja, kohë më parë ka paralajmëruar të gjithë ndërtuesit atje, që të nisin e t’i rrënojnë këto objekte pa leje. Në të kundërtën ka sqaruar se rrënimin do ta bëjnë edhe vet.

Sipas një komunikate për media, MMPH ka urdhëruar pronarët, që t’i largojnë objektet ilegale në zonën e kampingut veror në Prevallë.

Vendimi i Ministrisë së Mjedisit dhe Planifikimit Hapësinor urdhëron që në afat prej 15 ditësh të bëhet largimi i të gjitha objekteve montazhë, të rrënohen të gjitha ndërtimet përcjellëse në kamp, të bëhet pastrimi i zonës së kampingut nga mbeturinat ndërtimore dhe të rehabilitohet sipërfaqja e degraduar natyrore konform peizazhit ekzistues në ngastrat 182, 2371, 2354, 2355, etj. të Zonës Kadastrale Gornjasellë.

Në rast se nuk i largon objektet brenda afatit të caktuar, MMPH do t’i rrënoj të gjitha objektet dhe shpenzimet do t’i bartin pronarët e objekteve. Pas vendimit për ndërprerjen e të gjitha aktiviteteve në zonën e Prevallës, ministri i MMPH-së Dardan Gashi ka formuar dhe një task forcë e cila po merret veçmas me këtë çështje.

Kandidati i koalicionit AAK-LDD për kryetar të Prizrenit, Lulëzim Kabashi me bashkëpunëtorë të tij ka shpalosur programin qeverisës para qytetarëve të fshatit Lubinjë e Epërme.Fokusi kryesor i tij në këtë takim ishte zhvillimi i  blegtorisë dhe bimëve industriale mjekësore.

Kabashi, shprehu gatishmërinë e tij, se  gjatë mandatit të ardhshëm katërvjeçar, do të bashkëpunojë ngushtë me banorët e Lubinjes së Epërme në realizimin e kërkesave të tyre.

Një ndër priorietet kryesore ku banorët e fshatit Lubinjë e Epërme do të jenë përfitues të drejtëpërdrejtë, është ndërtimi i autostradës Prizren – Tetovë, projekt ky i porpozuar nga  Kabashi para katër vitesh. “Ky projekt tani është në tavolinat e Qeverisë së Kosovës, Shqipërisë, dhe të Maqedonisë. Ky project do të fillojë të ndërtohet pasi të përfundojë autostrada Prishtinë – Han i Elezit”, tha Kabashi.

Edhe eksperti i bujqësisë, Asim Thaçi, i cili njëherit është edhe kandidat për Asamble Komunale, elaboroi në detaje programin për blegtori që qeveria e ardhshme komunale e udhëhehqur nga  Kabashi dhe ekipi i tij qeverisës, do ta realizojë në këto treva.

Kabashi në fund të takimit u bëri apel qytetarëve të Lubinjes së Epërme të mos bien pre e premtimeve të rrejshme. Ai kërkoi që të votojnë numrin 62 .
Kryetari i Degës së AAK-së në Prizren, Fatmir Kastarti tha ndërkaq se koalicioni është I sigurtë në fitoren e 3 nëntorit.Koalicioni AAK-LDD platforëm zegjore e ka prezantuar edhe në lagjen “Jeta e Re”. Edhe në këtë takim, kandidati i koalicionit, Lulëzim Kabashi kërkoi nga banorët që të votojnë numrin 62. /PrizrenPress.com/

Dënimi i Qëndrim Xhemajl Rexhaj nga Papazi I Therandës ka bërë që Shoqatat e dala nga Lufta e UÇK-së të reagojnë ndaj këtij vendimi. Ata kanë paralajmëruar për ditën e sotme edhe një protestë për të kundërshtuar vendimin e gjykatës së EULEX-it, e cila ka dënuar Rexhajn me 5.6 vjet burg.

Në një njoftim për media thuhet se Shoqata Veteranëve të Luftës së UÇK-së, shoqatës së Familjeve të dëshmorëve të Luftës së UÇK-së, ajo e Invalidëve të Luftës së UÇK-s dhe Shoqata e të burgosurve Politikë të Kosovës, degët në Therandë reagojnë ashpër ndaj vendimit të gjykatës së EULEX-it, e instaluar për dënime të shqiptarëve në Kosovë.

“Reagojmë ashpër dhe me indinjatë si dhe ndihemi shpirtërisht të lënduar e të shqetësuar për arrestimin, burgosjen si dhe dënimin me 5.6 vjet burg të veprimtarit Qendrim Xhemajl Rexha nga Papazi, fëmijën e veprimtarit të çështjes kombëtare, përkatësisht Dëshmorit të UÇK-së –Xhemajl Rexha nga Papazi”, thuhet në reagim. Atë për ditën e sotme kanë paralajmëruar edhe një protestë.