Kryeministri i Kosovës, Hashim Thaçi, siguroi banorët e fshatrave të Hasit, se do të jetë i pakthyeshëm vendimi i Qeverisë së Kosovës, për themelimin e komunave në Rogovë dhe Gjonaj. Ai tha se themelimi i dy komunave në Has, është bërë pas kërkesave të vetë banorëve dhe premtimit që ka dhënë PDK-ja. “Unë e kam mbajtur premtimin tim që e kam dhënë për Hasin. Kam respektuar vullnetin e juaj, dhe sot kam ardhur të t’ua uroj komunat e reja”, tha Thaçi.

Kryeministri Thaçi të shtunën ka vizituar dy komunat, Rogovë dhe Gjonaj. Ai gjatë vizitës ka bashkëbiseduar edhe me banorët e fshatrave të Hasit. Kryeministri Thaçi ka kërkuar nga banorët e fshatrave të Hasit, që t’ju bëjnë presion të zgjedhurve të tyre në Parlamentin e Kosovës, që të votojnë ligjin për themelimin e komunave në Has. “Ju duhet të qëndroni unik ashtu siç keni qenë deri më tash dhe t’ ju bëni presion deputetëve që të votojnë për komunën e Rogovës dhe Gjonajt”, tha Thaçi.

Sipas tij, po të ishte votuar ligji në Kuvendnin e Kosovës, qytetarët e Hasit në zgjedhjet e këtij viti, do të kishin votuar për përfaqësuesit e komunave të tyre. “Mirëpo ju e dini se çfarë ndodhi të enjten në Kuvend. Bëni presion ndaj atyre që ua keni dhanë votën që të votojnë vendimin e Qevreisë për themelimin e komunave”, kërkoi Thaçi.

Ai tha se ata që nuk e votuan ligjin pwr komunat nw Has, nuk duhet të shpërblehen. “Nesër do të vijnë t’ju kërkojnë edhe votën, por sigurisht që nuk do t’i shpërbleni ata që ishin kundër komunave”, tha Thaçi. Ai tha se me këtë vendim, Qeveria e Kosovës ka respektuar vullnetin e të gjithë banorëve të Hasit, pavarësisht bindjeve politike. “Vendimi është marrë pas takimit që kam pasur me përfaqësuesit e të gjitha fshatrave të Hasit dhe përfaqësuesit e partive politike. Vullneti i tyre ka qenë që Hasi t’i ketë dy komuna dhe unë e kam respektuar këtë vullnet”, tha Thaçi.

Kryeministri Thaçi tha se formimi i komunave do të ndikojë në përmasimin e jetës të secilës familje në Has. “Hasi do të përfitojë projekte nga Qeveria e Kosovës”, tha ai. Ai tregoi se Qeveria e Kosovës ka hartuar projekte të veçanta për dy komunat në Has. “Qeveria e Kosovës i ka projektet për këto dy komuna. Mbetet vetëm votimi në Kuvendin e Kosovës dhe menjëherë ato projekte do të fillojnë të implementohen”, tregoi Thaçi.

Kryetari i Prizrenit Ramadan Muja, ndërkaq tha se në Has janë realizuar shumë projekte kapitale. Ai i sigurojë banorët e Hasit, se çdo herë do të kenë përkrahjen e Komunës së Prizrenit. “ Unë ju siguroj se edhe pas funksionimit të Komunës në Gjonaj, ne do t’ju përkrahim në realizimin e projekteve. Nuk do t’ju harrojmë“, tha Muja. /PrizrenPress.com/

Tetë deputetë të Kuvendit të Serbisë kanë vizituar sot pasdite komunën e Shtërpces, ndërsa nesër pritet të vazhdojnë tutje vizitën në manastire ortodokse, lajmëroi shefi i zyrës për Kosovën në Graçanicë, Branimir Stojanoviq.

Sipas Stojanoviq, deputetët do të vizitojnë gjatë ditës së sotme edhe ski qendrën në Brezovicë dhe malet e Sharrit.

Ai tha për mediet serbe, siç transmeton REL, se ligjvënësit serb do të udhëtojnë të dielën për në Zoçishte, dhe Hoçë të Madhe.

Hungaria do t’i deportojë afro 1000 kosovarë që janë duke qëndruar ilegalisht në këtë shtet. Më shumë se 250 prej tyre ndodhen në burgje, kurse të tjerët në kampe dhe kanë mundësi të kufizuara lëvizjeje, transmeton KTV.

Edhe përkundër paralajmërimeve sërish ka vazhduar shkuarja e kosovarëve në këtë vend, por ky numër ka rënë ditëve të fundit.

Që prej 1 korrikut, policia i dërgon kosovarët direkt në burgje në bazë të ndryshimit të legjislacionit, i cili nuk ua lejon më ikjen në shtetet e tjera të BE-së. Në Zyrën për Emigracion, pjesë e Ministrisë së Brendshme të Hungarisë, kanë shpjeguar për KTV-në fatin e kosovarëve, që po vijnë në këtë shtet.

Zyrtarët e Qeverisë hungareze kanë thënë se gjasat janë minimale që ndonjëri prej tyre të mbetet në këtë shtet.

Më shumë se 5000 persona nga Kosova kanë hyrë ilegalisht në Hungari në 6 muajt e parë të vitit 2013. Në muajt e parë ktheheshin çdo natë më shumë se 100 veta, por ky numër ka rënë kohëve të fundit në 20.

Ministri i Punëve të Jashtme i Republikës së Kosovës, Enver Hoxhaj i ka derguar një telegram urimi ministrit të Punëve të Jashtme të Malit të Zi, Igor Lukshiç, me rastin e ditës së shtetësisë së Malit të Zi.

“Kam nderin qënë emër të popullit dhe Qeverisë së Kosovës, të përgëzoj popullin dhe Qeverinë e Malit të Zi për ditën e shtetsisë në këtë 13 korrik. Ne kemi gëzuar marrëdhënie të ngrohta të bashkëpunimit dhe mbështetje në fusha të ndryshme. Ne jemi mirënjohës për mbështetjen aktive të shtetit tuaj, duke përfshirë pjesëmarrjën në nismat rajonale”, thuhet në telegramin e urimit.

Në telegram thuhet se marrëdhëniet ndërmjet Republikës së Kosovës dhe Malit të Zi, vazhdojnë të forcohet, derisa jemi duke lëvizur drejt procesit të integriumeve euroatlantike.

“Në këtë frymë të bashkëpunimit, unë jam i bindur se lidhjet miqësore dhe marrëdhëniet ndërmjet dy shteteve dhe popujve do të thellohen edhe më shumë”, thuhet të telegramin e urimit të ministrit Hoxhaj derguar ministrit të Jashtëm të Malit të Zi, Igor Lukshiç.

Instituti Demokratik i Kosovës (KDI), ka organizuar një debat me përfaqësues të qytetarëve në fshatra dhe qytet. Driton Selmanaj (KDI) foli për nevojën e intensifikimit të debateve me grupe të ndryshme të interesit dhe përfaqësues të komunitetit. ” Organizimi i debateve është mënyra më e mirë për ushtrim të ndikimit demokratik tek organet vendimmarrëse”, tha Selmanaj.

Në këtë debat të pranishmit ngritën shqetësimin për spërkatjen e zonave endemike ku rriqrat janë më aktiv. Përfaqësuesit e fshatrave deklaruan se masat që janë ndërmarrë deri më tani nuk kanë qenë adekuate, sepse ka pasur vonesa në reagim.

Drejtoresha për Shëndetësi dhe Mirëqenie Sociale, Florije Boshnjaku tha se me mjetet e buxhetit komunal janë spërkatur disa zona më të rrezikuara. “ Mirëpo kërkojmë bashkëpunim me përfaqësuesit e fshatrave dhe lagjeve të qytetit”, tha Boshnjaku.

Muharrem Tahiraga nga OJQ “Natyra, shpresë e jetës”, tha se masat e duhura evitojnë më të keqen, mirëpo kërkohet një mobilizim më i gjerë i strukturave lokale dhe atyre qendrore.Ndër shqetësimet e të pranishmëve në këtë debat ishte e dhe degradimi i shtratit të Drinit të Bardhë dhe eksploatimit pa kriter të inerteve.

Shani Hoti nga OJQ “Buzdrini”, tha se është ndërmarrë fushatë vetëdijesimi për rrezikun që vjen nga degradimi dhe në njëfarë mase ka pasur efekt pozitiv. Tashmë vendimi i MMPH për ndalimin e eksploatimit të inerteve në shtretërit e lumenjve ka ndikuar që të zvogëlohet eksploatimi, mirëpo ende mbetet shqetësim. I këtij mendimi ishte edhe Lutfi Mrasori nga Mrasori, i cili tha se në këtë rajon janë shkatërruar sipërfaqe të mëdha të tokës bujqësore. Ndërsa Shaqir Berisha përfaqësues i fshatit Nashpallë dhe inspektor në drejtorinë e Inspektoratit tha se përgjegjësia për mbrojtjen e lumenjve është e MMPH-së dhe KPMM-së, ndërsa komunat nuk kanë shumë përgjegjësi.

Naim Cahani koordinator i KDI-së në Prizren tha se dhënia e subvencioneve për bujqësi është e përkufizuar me disa kritere që në shumë raste bujqit nuk po arrijnë t’i plotësojnë. “Mbase do të ishte mirë që kjo çështje të adresohet dhe si shoqëri civile të reagojmë tek instancat përkatëse”, tha Cahani

Selajdin Haxhimurati, gjeodet tha se fragmentimi i tokave bujqësore është shqetësim për të gjithë. “ Ndarja e vazhdueshme e sipërfaqeve të tokës bujqësore pamundëson përfitimin nga subvencionet. Ndërsa do të ishte mirë që në nivel lokal të ketë kritere të tjera dhe të përfshihen edhe bujqit që kanë sipërfaqe më të vogla. Këtë e ka arritur shoqata e vreshtarëve në 0.50 ha”, tha ai.

Kapllan Gashi nga Xerxa tha se bujqit e vegjël asnjëherë nuk po arrijnë të përfitojnë nga ndihmat qeveritare. Do të ishte mirë që kriteret të përshtateshin me nevojat e bujqve.

Ndër të tjera u ngrit edhe shqetësimi i regjistrimit të mjeteve motorike bujqësore. U kërkua që regjistrimi të bëhet një herë dhe mos të jenë të detyruar të regjistrojnë traktorët vit pas viti. Kjo do të ishte lehtësi e madhe për bujqit. Ekipi lider do të përfaqësojë interesat e qytetarëve në takimet me organet lokale dhe qendrore, do të parashtrohen kërkesat dhe nevojat e qytetarëve, respektivisht banorëve të lokaliteteve rurale e urbane./ PrizrenPress.com/

Vëmendja i është ndalur tek një shkrim për kryeministrin e Kosovës. S’ka pasur si të jetë ndryshe, ngase ai shërbeu vetë si ambasadorë i SHBA-vë në Kosovë.
Ish-ambasadori amerikan në Kosovë, Christopher Dell, duke ju referuar shkrimit të sotëm që ka botuar e përditshmja amerikane “The Neë York Times” për rolin që ka luajtur, Hashim Thaçi në skenën politike të Kosovës, nuk ka hezituar që bëjë edhe ai një vlerësim për kryeministrin kosovarë.
Dell, thotë se Thaçi e ka mundur Serbinë dhe ua ka zmbrapsur përpjekjet për Kosovën, kurse në Serbi, sipas tij, nuk po shihet progres.

“Nga të gjitha gjërat që mund të thuash për Hashimin, fakti që ai është “fyer” në Serbi është më së paku befasuese dhe karremi më i çuditshëm që të tërheq vëmendjen e lexuesit për një storje si kjo. Natyrisht se ai është ofenduar keq në Serbi: ai i ka mundur ata dhe që nga atëherë i ka zmbrapsur përpjekjet e tyre që të përmbysin suksesin e Kosovës. Ata s’mund ta durojnë këtë”, është shprehur ish ambasadori Dell në facebook, nga ku e ka postuar edhe shkrim e NYT.
Dell përmend edhe shembuj se si Thaçi ka promovuar pajtimin me serbët, disa duke i pranuar brenda Qeverisë, e më disa duke mos hezituar të cikërrojë gotat me raki.

“Ai gjithashtu ka promovuar ripajtimin me Serbët brenda Kosovës, nga pika ku e ka emëruar një zëvendëskryeministër serb e deri te të ulurit bashkë me fermerët serb në shtëpitë e tyre dhe duke pirë raki. Nuk shoh asgjë kaq progresive që po ndodhë askund në Serbi”, përfundon Dell.

Ndryshe, The Neë York Times, e cilësojnë Kryeministrin e Kosovës, Hashim Thaçi, si një Gerry Adams ballkanik. Madje, gazetari, Dan Bilefksy – dhe jo vetëm ai – mendojnë se kryeministri kosovar është një kandidat serioz për Çmimin Nobel për Paqe. Veç kësaj, falë marrëveshjes së arritur në muajin maj me Serbinë, nga Europa dhe SHBA’ja Thaçi përshkruhet si personifikim i triumfit të paqes dhe pajtimit, ndaj luftërave të viteve të 90’a në Ballkan.

Fëmijë të shumtë e njerëz të moshuar shihen rrugëve të kryeqytetit të vendit duke kërkuar lëmoshë. Zyrtarë të Ministrisë së Punës dhe Mirëqenies Sociale thonë se duhet të krijohet një strategji bashkëpunuese përmes të gjitha institucioneve të Kosovës në mënyrë që të luftohet ky fenomen. Sipas statistikave të Policisë së Kosovës, vetëm gjatë vitit të kaluar janë identifikuar 455 persona që kërkojnë lëmoshë.

Këshilltari politik në MPMS, Bexhet Gaxhiqi tha për Radio Kosovën se kjo formë e punës dëmton aspektin fizik dhe psikik, sidomos të fëmijëve. Ai tha se duhet të krijohet strategji bashkëpunuese e nivelit qendror dhe lokal, për të evituar këtë dukuri.

Prejardhja e tyre është nga Shqipëria, por ka edhe nga Kosova, të cilët kryesisht i takojnë komuniteti RAE, thonë zyrtarë të Policisë së Kosovës. Zëdhënësi Brahim Sadriu tha se vetëm vitin e kaluar janë identifikuar 455 raste të personave që kërkojnë lëmoshë.

Sadriu tha se kanë inkuadruar tashmë edhe Njësinë për hetim dhe trafikim me qenie njerëzore, me qëllim të identifikimit të personave dhe të konstatimit nëse këta fëmijë punojnë me detyrim nga persona të caktuar.