16.8 C
Prizren
E enjte, 29 Shtator, 2022

10 muaj burgim zyrtarit të Komunës së Prizrenit

Gjykata Themelore në Prizren ka dënuar me 10 muaj burgim zyrtarin e Komunës së Prizrenit, N.M., për keqpërdorim të pozitës zyrtare.

N.M., në cilësinë e inspektorit komunal të ndërtimit, nuk ka marrë vendim për rrënimin e katit të tetë të një objekti në lagjen “Jeta e Re”, ku ky kat ishte pa leje.

“Gjithashtu i akuzuari N.M., ka mundësuar që në objektin e banimit kolektiv në Prizren ndërtimin edhe të tre (3) kateve shtesë pa leje, ku leja e ndërtimit ka qenë B+P+2 ndërsa është ndërtuar B+P+5, me ç’ rast investitorëve iu mundësohet dobi një (1) kat në rastin e I-rë, dhe tre kate në etazhitet të objektit në rastin e II-të”, thuhet në njoftim.

Për këtë vepër, N.M., pos dënimit me burg, është obliguar që Komunës së Prizrenit t’ia kompensojë dëmin në vlerë prej 21.551 mijë euro dhe i është ndaluar ushtrimi i funksionit në administratën publike brenda dy vjetësh.

“Pas shpalljes së aktgjykimit, kryetari i trupit gjykues ka njoftuar palët që brenda afatit ligjor të gjithë palët në procedurë do të pranojnë aktgjykimin e plotë në formë të shkruar dhe të arsyetuar”,/PrizrenPress.com/

Më Shumë

Totaj takon kryetarin e Parlamentit të Landit të Austrisë së Ulët — flasin për zgjerimin e bashkëpunimit kulturor e ekonomik

Kryetari i Komunës së Prizrenit, Shaqir Totaj, priti sot në takim miqësor delegacionin austriak parlamentar të Landit të Austrisë së Ulët (Niederösterreich/Lower Austria), të...

Një person në Suharekë gjersa punonte lëndoi fizikisht një fëmijë

Një person është arrestuar nën dyshimin se përderisa ishte duke punuar ka lënduar një fëmijë, të cilit fillimisht i është ofruar tretman mjekësor në...

Lajmet e Fundit