Lulëzim Kabashi do të emërohet nesër(e hënë) kandidat i AAK-së dhe LDD-së për kryetar të Prizrenit. Tubimi do të mbahet në Shtëpinë e Kulturës “Xhemajli Berisha” në Prizren nga ora 12:00.
Emërimi i Kabashit për kryetar të Prizrenit, do të bëhet nga lideri i AAK-së, Ramush Haradinaj dhe ai i LDD-së, Nexhat Daci.
Kryetari i AAK-së në Prizren, Fatmir Kastrati, tha se Haradinaj në ora 10: 45 minuta do të takohet me struktuarat e Degës së AAK-së , ndërsa në ora 11:15 minuta do të vizitojë Kompleksin e Lidhjes Shqiptare të Prizrenit.
“ Ndërsa në ora 11:45, Haradinaj do të vendosë lule të freskëta pranë lapidarit të dëshmorëve dhe përmendores së Remzi Ademajt”, tha Kastrati.
Lulëzim Kabashi, në zgjedhjet e 3 nëntorit të këtij viti, do të jetë kandidat i përbashkët i koalicionit LDD-AAK për kryetar të komunës së Prizrenit./PrizrenPress.com/