17.8 C
Prizren
E martë, 3 Tetor, 2023

Ekzekutivi i Rahovecit, shqyrton ecurinë e projekteve

Rahoveci5-22Ekzekutivi i Rahovecit ka shqyrtuar ecurinë e projekteve të infrastrukturës me përfaqësuesit e kompanisë mbikëqyrës. Ata kanë shkëmbyer idetë e tyre për mundësinë e shtimit të mbikëqyrjes sa më të mirë të punëve në terren.

Shef i Zyrës së Prokurimit, Jetulla Kabashi, tha se ecuria e shpalljes së tenderëve është relativisht e mirë, edhe pse pranoi se ka pasur ngecje në disa raste. “Po punohet që edhe projektet e mbetura të publikohen, ndërsa nga drejtorët është kërkuar që të jenë më të shpejtë në përgatitjen e materialit të nevojshëm”, tha Kabashi.

Drejtori i Drejtorisë për Financa dhe Buxhet, Afrim Limani tha ndërkaq se po bëhen përpjekje që edhe me pagesa të ketë ecuri sa më të mirë.” Po bëjmë përpjekje që të mos mbetemi prapa me pagesa”, tha Limani.

Kryetari Smajl Latifi, në këtë takim ka kërkuar që të raportohet rreth disa projekteve më të mëdha.

Ai tha se që krahas punimeve dhe realizimit të projekteve duhet të bëhen edhe pagesat, aq sa ka mundësi buxhetore. Sipas tij, punimet janë duke u ekzekutuar në rrugët e fshatrave Dejnë, Drenoc-Bërtatin, Çifllak, Krushë e Madhe, Nagac, Pataqan i Epërm, Nashpallë, Drenoc, Hoqë e Vogël, Celinë, Apterushë-Reti, Pataqan i Ulët, Fortesë, Brestoc, Malësi e Vogël, Ratkoc, rrugët “Shkëlzen Zllanoga” e “Sakip Bellaqa” , “28 Nëntori” në Rahovec, ndërrimi i kulmit të ndërtesës së administratës komunale, ndërtimi i kanalizimit të ujërave të zeza në Dobidol, kanalizimi në Krushë të Madhe, Guri të Kuq, Nashpallë, Zatriq, Reti, Sapniq, Vrajakë, si dhe investimet në rregullimin e mirëmbajtjen e rrugëve fushore. Kryetari Latifi kërkoi që rrugët fushore të trajtohen sa më mirë të jetë e mundur.“Rrugët fushore janë jetike për bujqit tanë”, tha Latifi./PrizrenPress.com/

Kujtimet e oficerit britanik: Ndaj kundërshtarëve, Enver Hoxha ishte i pashpirt

– Dëshmia e vitit 2003 e ish-komandant ushtarak të kampit stërvitor të diversantëve shqiptarë në Maltë, David Smiley – Nga: Sokol Gruda Gjatë Luftës së Dytë...

Zelensky thotë se trupat ukrainase po “përparojnë” në Donjeck

Presidenti ukrainas, Volodymyr Zelensky, tha se forcat ukrainase po bëjnë përparim kundër forcave ruse në rajonin lindor të Donjeckut, përderisa Moska ka kryer sulme...

Lajmet e Fundit