Orhan Pamuk i rikthehet romanit. Quhet “Çudia që kam në kokë” dhe është historia e jetës së ëndrrave të një bozaxhiu.
“Kjo është historia e jetës së ëndrrave të bozaxhiut Mevlut Karatas, shitës boze dhe kosi”, një ekzistencë e përshkuar nga fati i paparashikueshëm, siç do t’ia zbulojë lexuesve të vet Orhan Pamuk, tek libri “Çudia që kam në kokë”.
Romani i ri i shkrimtarit turk, fitues të Çmimit Nobel, rrëfen pikërisht jetën e Mevlutit, i cili ka në kokë një çudi, të cilën ai vetë nuk arrin ta shpjegojë dhe nga e cila do të përpiqet gjithmonë që të çlirohet.