Erërat e fuqishme të mbrëmjes së kaluar i kanë shkaktuar dëme të konsiderueshme banorëve të fshatit Lugizhdë të Komunës së Prizrenit.
Sipas përfaqësuesit të këtij fshati, Bekim Neriovaj, aty janë dëmtuar rreth 80 përqind të shtëpive dhe mësimi në shkollën fillorë Pjetër Budi nuk është mbajtur, për shkak të thyerjes se xhamave të dritareve dhe dëmtimit të kulmit të objektit të shkollës, njofton Klan Kosova.
Në vendin e ngjarjes kanë dalë edhe përfaqësuesit e Komunës së Prizrenit, të cilët kanë kërkuar nga banorët që të bëjnë mbledhjen dhe përllogaritjen e dëmeve të shkaktuara,dhe më pas raportin t’ua dorëzojnë Komunës, në mënyrë që kjo e fundit t’i del në ndihmë.
