Piqerasi është një vendbanim i bukur bregdetar në rrethinën e Sarandës. Fshati ndodhet buzë rrugës së bukur bregdetare Sarandë-Vlorë. Por, e keqja e këtij fshati, si dhe e shumë vendbanimeve të tjera të kësaj ane, është se njerëzit kanë migruar, duke marrë udhën për në Greqi.
Të moshuarit, e që kanë mbetur në këto troje, do të donin t’i kishin fëmijët pranë, por i kanë këshilluar të mos kthehen. Dyert e mbyllura me dry janë panorama e fshatit Piqeras, ku sot kanë mbetur vetëm 20 shtëpi.
Sidoqoftë, emigrimi mbetët një nga problemet më të mëdha në fshatrat e jugut, ku shumë nga të moshuarit e kalojnë pensionin të vetëm, me fëmijët e tyre që jetojnë
shumë larg tyre.
E, duke mos pasur të rinj në këto vise, natyrisht, mungojnë edhe martesat, mungojnë edhe lindjet.Është fenomen i rrallë në këto zona kur dëgjohet për lindje, është një gjë e rrallë për gjithë zonën.
Por, si kjo ndodhi në fshatin Piqeras, dëgjon në çdo cep të Shqipërisë, nga veriu në jug. Madje, në shumë raste djemtë e rinj detyrohen të marrin nuse nga zona dhe
krahina shumë larg zonës së tyre.
