Autoritetet në shtetin brazilian të Sao Paulos thonë se të paktën 36 persona kanë vdekur nga përmbytjet e mëdha dhe rrëshqitjet e dheut.
Në videon më poshtë shihet se një lagje e tërë është nën ujë, autostradat e përmbytura dhe mbeturina të mbetura, raporton BBC.
“Ekipet e kërkimit dhe shpëtimit nuk po arrijnë të shkojnë në disa vende; është një situatë kaotike,” tha Felipe Augusto, kryebashkiaku i qytetit të Sao Sebastião.
“Ne nuk e kemi vlerësuar ende shkallën e dëmit. Ne po përpiqemi të shpëtojmë viktimat”, ka thënë ai.