24.8 C
Prizren
E shtunë, 25 Maj, 2024

Nis takimi i Kurtit me zyrtarët evropianë

Kryeministri i Kosovës, Albin Kurti, u prit në Bruksel nga shefi i politikës së jashtme të Bashkimit Evropian, Josep Borrell, dhe i dërguari i BE-së për dialogun Kosovë-Serbi, Mirosllav Lajçak.

 

Takimi, i cili nisi pak pas orës 15:00, po zhvillohet në kuadër të procesit për normalizimin e marrëdhënieve Kosovë-Serbi.

Dy diplomatët perëndimorë do të presin më pas presidentin e Serbisë, Aleksandar Vuçiq, ndërsa pas takimeve dypalëshe, do të zhvillojnë një takim të përbashkët me Kurtin e Vuçiqin.

Në Bruksel ndodhet edhe i dërguari i posaçëm i SHBA-së për Ballkanin Perëndimor, Gabriel Escobar, i cili do të duhej t’i takonte palët veç e veç, përpara takimit të përbashkët.

Blloku evropian e konsideron takimin e sotëm mes Kurtit dhe Vuçiqit – të gjashtin me radhë – si më të rëndësishmin, sepse kësaj here, sipas burimeve në Bruksel, nuk do të ketë diskutime për menaxhimin e krizave, por për një dinamikë të re të raporteve.

Të dyja palët pritet të arrijnë pajtueshmëri për propozimin e BE-së si një “marrëveshje bazë” për normalizimin e raporteve.

Këtë propozim e përkrahin edhe Shtetet e Bashkuara.

 

Më Shumë

Thaçit i shkojnë për vizitë në Hagë prindërit e tij

Prindërit e ish-presidentit Hashim Thaçi kanë shkuar sot për një vizitë në Hagë. Haxhi dhe Hyrë Thaçi kanë vizituar djalin e tyre, i cili po...

Ylli e barazon sërish serinë – Kampioni merret vesh në Minatori

Ylli ka arritur të korri fitore ndaj Trepçës në ndeshjen e katërt finale që po zhvillohet në palestrën “13 Qershori”. Kjo fitore i barazon ata...

Lajmet e Fundit