Bashkimi po vazhdon me formë të jashtëzakonshme në Superliga Femrat.
Skuadra prizrenase në derbin e javës së 17-të shënoi fitore në udhëtim ndaj Peja 03 me rezultat 78:89 (23:23, 11:25, 25:17, 19:24)
Çereku i parë ishte i barabartë, duke përfunduar 23:23, derisa në periudhën e dytë, shkëlqyen kampionet e Kosovës, ku ishin bindshëm më të mira 11:25. Vendaset nuk u dorëzuan dhe u rikthyen në periodën e tretë, që e fituan 25:17, por në dhjetë minutat e fundit, Bashkimi, që së fundi fitoi edhe Kupën e Kosovës, tregoi fuqinë për të fituar në Pejë me rezultat 78:89.
Më e mira te Peja 03 ishte Calveion Landrum me 25 pikë e shtatë asistime, derisa te Bashkimi, më e mira ishte Arbnore Përquku me 20 pikë, 12 kërcime dhe dhjetë asistime.
Peja 03 ka dhjetë fitore e shtatë humbje, kurse Bashkimi 16 fitore e një humbje./PrizrenPress.com/
