Kryetari i Komunës së Rahovecit, Smajl Latifi, ka pritur sot djemtë e Kombëtares Shqiptare në futsall, bashkë me trajnerët dhe stafin e ekipit, duke shprehur mbështetje dhe përkrahje për ndeshjen historike që do të zhvillohet në Rahovec.
Të shtunën, për herë të parë, Rahoveci bëhet vendi ku shkruhet historia: Palestra ‘Mizahir Isma’ do të presë ndeshjen zyrtare Shqipëri–Danimarkë, në kuadër të kualifikimeve për Futsal Euro 2026.
Komuna e Rahovecit fton çdo qytetar që të jetë të shtunën aty, në orën 19:00, për të përkrahur Kombëtaren Shqiptare dhe për të bërë pjesë të këtij momenti historik.
Suksese ekipit të Kombëtares në Futsall!/PrizrenPress.com
