Në një përballje të zjarrtë në “Estadio de la Cartuja” të Sevillas, Barcelona mposhti Real Madridin me rezultat 3-2 pas vazhdimeve, dhe u shpall fituese e Kupës së Mbretit.
Pedri shënoi golin e parë për Barcelonën në pjesën e parë, ndërsa Real Madridi përmbysi rezultatin me golat e Kylian Mbappe dhe Aurelien Tchouameni.
Ferran Torres barazoi shifrat në minutat e fundit të kohës së rregullt, duke e çuar ndeshjen në vazhdime.
Në minutat e fundit të vazhdimeve, Jules Kounde realizoi golin vendimtar që i dha Barcelonës trofeun.
Kjo ishte finalja e dytë këtë edicion që Barcelona e mposht Real Madridin, pas triumfit në Superkupën e Spanjës me rezultat 5-2.
