Pas gjashtë ditësh trajnimesh intensive dhe aktivitetesh të shumta, ka përfunduar me sukses Kampi Nacional 2025, i organizuar nga Federata e Basketbollit të Kosovës (FBK) në qytetin e Prizrenit.
Në këtë kamp morën pjesë mbi 50 fëmijë, djem dhe vajza nga e gjithë Kosova, të cilët zhvilluan stërvitje të përbashkëta nën drejtimin e trajnerëve të përzgjedhur dhe stafit teknik të përfaqësueseve të reja të Kosovës, raporton PrizrenPress.
“Kampi kishte për qëllim identifikimin dhe zhvillimin e talenteve të rinj, që do të përfaqësojnë Kosovën në garat ndërkombëtare në kuadër të projektit Youth Development Fund (YDF) të FIBA-s”, thuhet në njoftimin e FBK-së
Gjatë këtyre ditëve, pjesëmarrësit patën mundësi të zhvillojnë jo vetëm stërvitje teknike dhe taktike, por edhe të ndjekin ligjërata edukative dhe aktivitete që forcojnë disiplinën, bashkëpunimin dhe frymën ekipore.
“Ky kamp dëshmon edhe një herë përkushtimin e FBK-së për zhvillimin e gjeneratave të reja dhe avancimin e basketbollit në vendin tonë, duke krijuar mundësi reale për rritje profesionale dhe përfaqësim dinjitoz në arenën ndërkombëtare”, theksohet në njoftim./PrizrenPress.com
Marketing
Banesat më të kërkuara në Prizren – Bëhu pronar në Foleja Residence!
Freski e përditshme me çmim të zbritur – zgjidh aparatet e ujit Bruno!
Bruno & Brentoni Home me super oferta që nuk duhen humbur në Prizren!
Kompleksi ‘Newco Elan’ ofron banesa të ëndrrave tuaja në zemër të Prizrenit
‘Toni Residence’ – Mos e humb rastin për të blerë banesën tënde në Prizren
Hapësira me qira në objektet e reja te ‘RENELUAL TAHIRI’ në Prizren
