Sipas Zharkut, me skenar për filma te metrazhit të gjatë kanë aplikuar 29 sosh, 19 për filma të metrazhit të shkurtë 12 dokumentarë dhe 3 animacione.
59 projekte filmike është numri total që ka arritur në adresë të Qendrës Kinematografike të Kosovës, për mbështetje të filmave në kategoritë, film i metrazhit të gjatë, atij të shkurtë, film dokumentarë dhe animacion.
Sipas Zharkut, me skenar për filma te metrazhit të gjatë kanë aplikuar 29 sosh, 19 për filma të metrazhit të shkurtë 12 dokumentarë dhe 3 animacione
Mirëpo, sipas Arben Zharkut, kjo shifër mund të lëvizë, pasi që këto shifra nuk tregojnë finalizimin e konkursit. “Me procedurë, ne jemi të obliguar që të presim edhe tri ditë punë pas mbylljes së konkursit, në mënyrë që të presim edhe postën, gjë që deri në përmbyllje të këtij afati nuk mund të themi se kjo shifër është zyrtare”, ka thënë Zharku për KultPlus. Në anën tjetër, më 11 të këtij muaji është mbyll konkursi, dhe sipas Zharkut, kjo pritje e postës vlen deri të premten.
Nuk është bërë e ditur se kush kanë aplikuar në këtë konkurs, sikurse që nuk dihet akoma se kush do të jenë në përbërjen e komisionit vlerësues të këtyre skenarëve.
Mirëpo, ajo çfarë dihet saktë është buxheti i këtij institucioni, që në këtë vit nga Ministria për Kulturë, Rini dhe Sporte i janë ndarë 700 mijë euro, shumë kjo që synohet nga 59 projekte filmike.