Dje pasdite, në rrugën “Remzi Ademi” në Prizren, një qytetar është rrahur nga dy të dyshuar. Viktima fillimisht është sulmuar me grushte e më pas edhe me një shkop druri.
Pas trajtimit mjekësor në emergjencën e spitalit rajonal, mjeku konstaton se viktima ka pësuar lëndime të rënda trupore.
Policia e Prizrenit ka qenë e pranishme në vendin e ngjarjes dhe ka filluar hetimet. Njëri nga të dyshuarit është arrestuar dhe tanimë po mbahet nën masën e arrestit policor, ndërsa janë intensifikuar përpjekjet edhe për arrestime tjera lidhur me këtë rast.