Një person është vrarë me armë zjarri në fshatin Gurbardhë të Malishevës. Vrasja ka ndodhur mbrëm rreth orës 21:45 minuta.
Zëdhënësi i PK-së në Prizren, Hazir Berisha tha se sipas hetimeve fillestare dyshohet se E. K. kishte shkuar te shtëpia e viktimës dhe kishte shtënë mbi të me kallashnikovë e më pas ishte larguar për t’u vetë dorëzuar në Policinë e Malishevës së bashku me armën AK-47 me 15 fishekë.
“ I plagosuri ka ndërruar jetë në QKUK në Prishtinë”, tha Berisha. Sipas tij , policia ka nisur me hetimet e rastit, ndërsa prokurori i shtetit ka nënshkruar vendimin për ndalimin e të dyshuarit. Trupi i pa jetë i viktimës është dërguar për autopsi në Institutin e Mjekësisë Ligjore./PrizrenPress.com/