29.8 C
Prizren
E mërkurë, 26 Qershor, 2024

Basha: Zgjedhjet e parakohshme, opsion për daljen nga kriza

Basha-pd-shqiperiKryetari i Partisë Demokratike Lulzim Basha ka treguar në emisionin “Opinion” të gazetarit Blendi Fevziu në Tv Klan, se kishte dëgjuar pak muaj më parë mbi ekzistencën e një plani për të destabilizuar vendin nëpërmjet vrasjes së deputetit Mhill Fufi.

Ai tha se për 6 muaj, Meta, Rama dhe Tahiri e fshehën ngjarjen e rëndë ndërsa tani po përpiqen ta manipulojnë atë duke u bërë presion dëshmitarëve.

Sipas kreut të opozitës, pa dorëheqjen e Kryetarit të Kuvendit, Ilir Meta dhe largimit të Ministrit Tahiri nuk mund të ketë një hetim të plotë, të pavarur dhe të besueshëm.

Ai tha se në kushtet e një situate të rëndë ekonomike, politike, të rendit dhe sigurisë në vend, opsioni kryesor i opozitës është mbajtja e zgjedhjeve të parakohshme.

Basha u është përgjigjur edhe akuzave përse nuk dha dorëheqje në rastin e çështjes së rrugës Durrës – Kukës.

Ai tha se ai nuk ishte Ministër i Transporteve, por Ministër i Jashtëm kur nisën hetimet e Prokurorisë dhe në këtë mënyrë nuk kishte mundësi të ndikonte te hetimet.

Sipas tij, hetimet zgjatën më shumë se afati i përcaktuar në ligj, jo për shkak të tij.

Basha tha se shumë shpejt do të bëjë publik vendimin nëse do të rikandidojë në Tiranë për një mandat të dytë si kryebashkiak.

Më Shumë

Policia gjen armë e municion gjatë kontrollit në një shtëpi banimi dhe një objekt afarist në Prizren

Policia e Kosovës (PK) njofton se gjatë kontrollit në një shtëpi banimi dhe një objekt afarist në Prizren, janë gjetur dhe konfiskuar armë dhe...

Sot temperatura deri në 33 gradë Celsius, mund të ketë edhe shi

Instituti Hidrometeorologjik i Kosovës ka bërë të ditur se sot parashihet të mbajë mot me diell dhe vranësira të pjesëshme,të cilat siç thuhet në...

Lajmet e Fundit