Në Kosovë, 18 deri 35 foshnje në vit lindin me Sindromin Down, ata mund të japin kontributin e tyre në shoqëri si të gjithë të tjerët dhe të gjithë kanë për obligim t’ju ofrojnë atyre këtë mundësi.
Kështu tha Presidentja e Kosovës Atifete Jahjaga, që sipas saj, nuk duhet t’ju imponohen kufizime e limite të cilat ata nuk i kanë.
Këto fjalë i tha në mbrëmjen e bamirësisë të Shoqatës “Down Syndrome Kosova”.
Aty aktorët shqiptarë ishin vullnetarisht për të pranuar telefonata nga të gjithë njerëzit që dëshironin të dhuronin për të prekurit me këtë sindrom, ndërsa të pranishëm ishin rreth 300 persona, që të gjithë këta minimumi i kontributit që kanë dhënë ishte nga 50 euro.
Në këtë mbrëmje pati edhe veshja nga kreatorët e vendit e që ishin në ankand për të pranishmit aty.
“Jam e bindur se të gjithë ne së bashku, siç jemi sonte, duke shprehur përkushtimin dhe obligimin qytetar dhe atë institucional, do të arrijmë si shoqëri të ndërmarrim të gjitha masat e hapat e nevojshëm, ashtu siç parashihet edhe me ligjet dhe kushtetutën e vendit tonë, për t’ju përgjigjur nevojave të personave të prekur me sindromin Down, për t’ju garantuar atyre kujdesin e nevojshëm dhe të domosdoshëm”, tha Jahjaga para të pranishmëve.
Në këtë mbrëmje u bë thirrje edhe për ndihmë që të ndërtohet Qendra që do të ofrojë shërbime për komunitetin e personave të prekur me sindromin Down, duke ofruar kontributin tuaj. Në mesin e telefonatave mësohet se përveç parave kanë dhuruar edhe punë siç janë arkitektët, apo materiale ndërtimore shumë kompani.
Shumë e sakta dhe gjithçka pritet të mësohen në ditët në vijim