Një helikopter i ushtrisë u rrëzua në një pjesë malore të Pakistanit Verior, duke vrarë shtatë persona, përfshirë dy ambasadorë, njëri nga Filipinet dhe tjetri nga Norvegjia.
Helikopteri u rrëzua në kohën kur po kryente një ulje emergjente në territorin Gilgit-Baltistan. Gratë e të dërguarve të Indonezisë dhe Malajzisë, dy pilotë dhe një anëtar i ekuipazhit vdiqën. Ata ishin duke ndjekur hapjen e një projekti për turizmin.
Talebanët pakistanezë thanë se ishin ata që qëndronin pas sulmit, por qeveria hodhi poshtë çdo sugjerim të tillë. Në një mesazh të shkurtër, zëdhënësi i grupit taleban, Muhammad Khurassani, zbuloi se një forcë speciale e tyre, kishte realizuar një “plan për të goditur kryeministrin Nawaz Sharif, që shpëtoi, sepse udhëtonte në një tjetër helikopter”.
“E goditëm helikopterin me një raketë, dhe pilotët dhe diplomatët e huaj u vranë”.
Por ministri i Mbrojtjes i Pakistanit, Asif Khawaja, tha se raportet e para sugjerojnë se ai ishte një aksident.
Në foto, ambasadori i Norvegjisë në Pakistan, Leif Larsen