Kolonia tradicionale e artistëve filloi sot me nxënës dhe me persona me nevoja të veçanta në shoqatën “Handikos”. Selami Haxhijaha, udhëheqës i Kolonisë, tha se ky edicion ju kushtohet personave ne nevoja të veçanta, ndërsa të gjithë artistët e angazhuar punimet e tyre do ti ofrojnë për shitje. Mjetet e mbledhura nga shitjet eventuale do të dedikohen për perosnat me nevoja të veçanta dhe atyre me gjendje të rëndë sociale.
Haxhijaha shtoi se në këtë Koloni pjesëmarrjen e kanë konfirmuar rreth 60 artistë nga të gjitha vendet e rajonit, por presim që të kemi edhe artistë nga vendet e BE-së. Kolonia e artistëve ndërlidhet me trashëgiminë kulturore të komunës së Rahovecit, duke përfshirë shtëpitë e vjetra, kullat, kishat, xhamitë, mullinjtë e ujit, krojet, rrugët e vjetra dhe gjtihçka që lidhet me traditën autktone të komunës së tonë.
Veprat e tyre artistët figurativ do t’i krijojnë në ambiente të ndryshme, duke nisur me muzeun komunal, hapësirat publike, pastaj do të zhvendoset edhe në mjediset ku mbahet festivali tradicional i folklorit “Anadrinia jehon” në Dejnë.
Kolonia e artistëve do të përmbyllet me një ekspozitë shitëse më 28 maj, respektivisht në Ditën e Qendrës së Kulturës “Mensur Zyberaj” në Rahovec.
Artistët apelojnë që njerëz të vullnetit të mirë të blejnë disa nga punimet e kësaj “Kolonie”, në mënyrë që fondi për personat me nevoja të veçanta të jetë sa më i madh.