Njëri nga themeluesit e LDK-së, Berim Ramosaj, vlerëson se e vetmja mundësi që të shpëtojë LDK-ja është që Isa Mustafa me garniturën e tij të largohet nga kjo parti.
Sipas tij, me këtë udhëheqje LDK e ka të vështirë ta rrisë turpin e saj elektoral.
“Isa Mustafa dhe servilët e tij, është dashur që mos të konkurrojnë më, sepse i kanë hup zgjedhjet dhe është dashur që të largohet vet nga LDK-ja. Unë mendoj se shansi i vetme e LDK-së që të ecë përpara në mënyrë që ta rris trupin elektoral për të qenë garuese që t’i fitojë zgjedhjet e ardhshme është që të fillojnë ndryshimet, pjese e të cilave nuk do të ishin njerëzit e Isa Mustafës”, ka thënë Ramosaj për ORAinfo.
Megjithatë ai ka thënë se nga informatat që i ka, gjatë zgjedhjeve nëpër degë, njerëzit e Isa Mustafës e kanë shantazhuar antarësin duke iu ofruar pozita në Qeveri për ta përkrahur Isa Mutafën.
“Njerëzit e Isa Mustafës janë munduar që t’i shantazhojnë delegatët duke iu afruar poste. Megjithatë unë pres ndryshime sepse ia dua të mirën LDK-së, ngase jam njëri ndër themeluesit e saj dhe e shoh se e vetmja shans e LDK-së është që të implementohen ndryshimet, prej kujdo qofshin ato, por vetëm që grupi i Isa Mustafës mos me qenë aty”, ka thënë Ramosaj.
Ai nuk ka dashur të flas nëse mbështet kandidaturën e Fatmir Sejdiut apo Vjosa Osmanit, duke theksuar se përkrah të gjitha ato ndryshimet pjesë e së cilave nuk është Isa Mustafa.
Kuvendi i tetë zgjedhor do të mbahet këtë të diele. Deri me tani zyrtarisht kandidaturën për kryetar të LDK-së e kanë shpallur kryetari aktual Isa Mustafa dhe deputetja e kësaj partie Vjosa Osmani. Garës për kryetar të LDK-së kanë paralajmëruar se do t’i hyjnë edhe ish-kryetari i nderit Fatmir Sejdiu dhe kryetari i Gjilanit Lutfi Haziri. /ORAinfo/