Është çmimi i 10-të i filmit “Heshtje”, që tashmë ka fituar nëpër festivale të ndryshme vendore dhe ndërkombëtare. Bekim Guri, regjisori i filmit ka thënë se filmi i tij tashmë ka prekur nëpër të gjithë kontinentet e botës dhe pikërisht kjo shtrirje e qetëson atë si regjisor
Filmi i metrazhit të shkurtë “Heshtje”, me regji të Bekim Gurit tash së fundi është shpërblyer edhe me një çmim. Në edicionin e dytë të Festivalit të Filmit “Dea Film Festival”, që është mbajtur në Sarandë dhe Gjirokatsër, filmi “Heshtje”, është shpërblyer me çmimin Best Idea.
Regjisori Bekim Guri ka thënë për KultPlus se mer këtë çmim, filmi “Heshtje”, tashmë ka 10 çmime duke i përfshirë edhe ato të nivelit ndërkombëtar.
“Është një punë që po e bëj me shumë pasion dhe jo për karrierë, dhe pikërisht ku përkushtim po shpërblehet”, ka thënë Guri.
““Heshtje”, ka prek nëpër gjithë kontinentet e botës dhe kjo më qetëson, sepse ka arritur që të komunikoj me gjithkënd”, ka thënë Guri, i cili ka shtuar se tani është në kontakt për shitjen e filmit nëpër televizione, si vendore ashtu edhe të huaja.
“Besoj që e ka kryer misionin ky film që e e ka pasur”, ka thënë Guri për KultPlus.