Western, me ngjyra të muzgut dhe personazhe që nuk njihen me njëri – tjetrin, por që bashkë i lidh një vdekje misterioze. Këta janë përbëresit e trailerit të parë zyrtar të filmit më të ri të Quentin Tarantino. Premiera e “The Hateful Eight” do të jetë në disa kinema të përzgjedhura në Shtetet e Bashkuara për Festën e Krishtlindjes. Nga Janari i 2016 ai do të bëjë xhiron e botës.
“The Hateful Eight” bën bashke yje të Hollivudit, nën kolonën zanore të kuruar nga Ennio Moricone, me të cilin regjisori kontravers bashkëpunoi edhe në filmin “Django”.
I vendosur “gjashtë, tetë apo dymbedhjetë vite” pas Luftes Civile në Amerikë, personazhi kryesor është Ruth, interpretuar nga Kurt Russel. Ai është një gjahtar koka njerëzish, në ndjekje të të arratisurës Daisy Domerge, që luhet nga Jennifer Leigh.
Karvani me të cilën udhëton bllokohet në fushat me dëborë të Wyoming. Aty ndeshet me një ish – ushtarë i Unionit, rol i cili i është besuar Samuel Jackson dhe një dezertori, i bindur se është sherifi i ri i qytetit. Të mbërthyer nga një stuhi dëbore, personazhet strehoen në një mal, ku takohen me të tjerë persona. Njëri prej tetë personazheve nuk është ai që thotë.
“The Hateful Eight” rrezikonte të mos realizohej kurrë, pasi njeri prej bashkëpunëtorëve të Tarantinos publikoi pa leje në Janar të vitit 2014 skenarin e filmit. Regjisori deklaroi asokohe se do ta braktiste projektin, por pak më vonë krijoi një skenar të ri.
https://youtu.be/gnRbXn4-Yis