Prokuroria Themelore në Prizren, Departamenti i Krimeve të Rënda, ka ngritur sot aktakuzë kundër dy personave me inicialet, L.V dhe B.K që të dy nga komuna e Prizrenit.
“Të akuzuarin e parë me inicialet L.V., aktakuza e ngarkon për dy vepra penale, si bashkëkryerës nëblerjen, posedimin me qëllim të shitjes apo shpërndarjes sësubstancave apo preparateve, substancave psikotrope ose analoge nga neni 273 paragrafi 2 lidhur me nenin 31 të KP-së, nga se të njëjtit i janë gjetur në posedim 12.63 gramë heroinë”, thuhet në njoftimin e Prokurorisë Themelore në Prizren.
“Po ashtu, L.V., është i akuzuar edhe për veprën penale, posedimi me qëllim të shitjes apo shpërndarjes të substancave apo preparateve, substancave psikotrope ose analoge nga neni 273 paragrafi 2 të KP-së. Përndryshe,ky i akuzuarështë i njohur si kryerës i veprave penale të kësaj natyre”.
“Ndërkaq, personi i dytë me inicialet, B. K., akuzohet për veprën penale lehtësimi i sigurimit apo përdorimit të narkotikëve, substancave psikotrope apo analoge nga neni 277 paragrafi 1 të KP-së, i cili kishte siguruar mjete për marrjen e narkotikëve nga i akuzuari i parë L. V.” /PrizrenPress.com