Kryetari i komunës së Prizrenit, Ramadan Muja, ka ftuar në takim zyrtar përfaqësuesit e komunitetit boshnjak për t’i njoftuar me vendimin e komisionit të pronës, për ndarjen e lokacionit për ndërtimin e Qendrës Kulturore Boshnjake dhe Turke, në qytetin e Prizrenit.
“Kryetari i komunës, Ramadan Muja, më këtë vendim ka përmbushur edhe një premtim publik për qytetaret e komunës sonë dhe kjo vendimmarrje i bashkohet edhe vendimmarrjeve tjera të shumta të cilat cilësisht po e ngrisin nivelin e jetës në komunën tonë”, bën të ditur zëdhënësi i komunës, Ymer Berisha.
“Vendimi për ndarjen e lokacionit është marrë, bazuar në ekspertizën profesionale të Drejtorisë së Urbanizmit dhe Planifikimit Hapësinor dhe pritet që shumë shpejtë të fillojnë edhe punimet për realizimin e këtij projekti”, thotë ai. /PrizrenPress.com