Lidhja Demokratike në Prizren, kërkon nga kryetari i Komunës ramadan Muja, që t’i kërkojë falje qytetarëve për gjendjen e krijuar në sistemin e arsimit në ëtë qytet.
Reagimi i plotë i LDK-së në Prizren
Pas reagimeve dhe denoncimeve të shumta nga Lidhja Demokratike e Kosovës në Prizren, të faktuara me fakte dhe prova të shumta kundrejt pushtetit kriminal të instaluar tash e disa vite në Prizren, më në fund po shihet një fije shprese se krimi dhe korrupsioni sa do të fuqishëm politikisht të jenë, një ditë i vije momenti që përballë fuqisë së sovranit ai të dorëzohet.
Dega e Lidhjes Demokratike të Kosovës në Prizren si forcë politike institucionale çdo herë ka besuar dhe vazhdon të besoj në punën dhe angazhimin e institucioneve relevante të rendit dhe ligjit.
Prandaj, arrestimi i drejtorit të arsimit dhe vartësve të tij, duhet të jetë vetëm fillimi i jetësimit të premtimit publik të organeve të shtetit për zero tolerancë ndaj krimit dhe korrupsionit, pasi dihet mirëfilli që nga Ramadan Muja e poshtë të gjithë aty janë të zhytur në krim të organizuar dhe korrupsion.
Nga rasti i fundit, i arrestimit të Nexhat Çoçajt dhe zyrtarëve tjerë, Dega e Lidhjes Demokratike të Kosovës në Prizren, duke vlerësuar lartë reagimin e organeve të shtetit, i falënderon publikisht për guximin qytetarët denoncues të krimit dhe korrupsionit, të cilët përkundër që paguan një çmim të lartë përsonal, ata dhanë shembullin më të mirë se si sakrifikohet për interesin e përgjithshëm.
Gjendja e mjerë në sistemin e arsimit prizrenas, pas arrestimit të drejtorit, Nexhat Çoçaj, dhe vartësve të tij, atë drejtori tani më e ka lënë në një shkretëtirë institucionale, aty më nuk ka mbetur kush, përveç disa administratorëve që si ky sistem i dështuar i ka vendos aty.
Për këtë situatë kërkojmë ndërhyrje nga niveli MASHT-i, që në Prizren të dërgoj një ekip profesional për ta menaxhuar situatën emergjente. Gjendjës së mjerë të ekzekutivit prizrenas i është shtuar edhe mosfunksionaliteti i drejtorive të drejtuar nga minoritetet, si pasojë e bojkotit nga përfaqesuesit e tyre, nga përplasjet me partnerin e tyre, PDK-në.