Nënkryetari i PDK-së, Enver Hoxhaj është i bindur se vitin e ardhshëm,lideri i partisë së tij, Hashim Thaçi, do të bëhet president i Kosovës. Ai thotë se nëse Thaçi nuk bëhet president, Kosova do të shkojë në zgjedhje të jashtëzakonshme.
“Kemi një marrëveshje mes PDK-së dhe LDK-së, që Hashim Thaçi, të bëhet president i vendit. Nëse me këtë rast dikush nga deputetët e LDK-së siç ishte deklarata e Arben Gashit, apo dikujt tjetër nga LDK-ja, bëhet realitet, atëherë edhe sipas Kushtetutës së Kosovës, duhet të shkojmë në zgjedhje të reja”, ka thënë Hoxhaj për TV Besa në Prizren.
“Ne si PDK nuk jemi aspak për zgjedhje të jashtëzakonshme,prandaj besoj se këtë nuk e duan as vetë qytetarët”.
Hoxhaj, shprehet i bindur se Thaçi do të jetë president i Kosovës.
“Hashim Thaçi,do të bëhet president”. /PrizrenPress.com/