Tashmë është paralajmëruar se në koncertin e 29 dhjetorit të rok grupit “Gjurmët”, që do të mbahet në Tiranë, do ti bashkëngjiten dhe shumë këngëtarë të mirënjohur nga Kosova dhe Shqipëria por edhe të ndërkombëtarë. Sipas këtij paralajmërimi, lë të kuptohet se ky do të jetë koncerti më i madh mbajtur së fundi në trojet shqiptare, duke pas parasysh përzgjedhjen e artistëve në këtë koncert.
Në Pallatin e Kongreseve do të ngjitet në skenë edhe Linda Lee Hopkins, Dritëro Nikci, Elina Duni, Bujar Berisha, Mc Kresha, Taste 2, Kastro Zizo, Zlatko Origjanski, Genc Salihu, Bojken Lako, Juliana Pasha, Vjoleta Zefi, Kamela Islamaj, Armaldo Kllogjeri, Alban Nimani, Xuxi, Dren Abazi, Andos, Oborri & Edona Vatoci, Donjeta Krasniqi, Rina Bilirdagu, Kori “Jordan Misja” dhe Grupi Plofonik. Koncerti do të përcillet nga orekstar simfonike e RTSH-së.