Bashkimi Demokratik me rastin e përmbylljes së aktiviteteve për vitin 2015, mbajti një takim me strukturat e saj.
Kryetari i Bashkimit Demokratik, Zafir Berisha, falënderoi strukturat e partisë për aktivitetet e tyre gjatë këtij viti, duke veçuar se viti 2015 ka qenë vit me sfida të mëdha për Kosovën, ku partitë opozitare dhe qytetarët janë përballur me koalicionin qeveritarë, i cili ka dështuar në të gjitha poret e jetës në Kosovë, koalicion i cili po shihet që ka pasur si mision rikthimin e Serbisë përmes Zajednicës dhe faljen e tokave tona Malit Zi.
Mirëpo, ai tha se, opozita e Bashkuar me mbështetjen e qytetarëve, tash se fundmi edhe me vendimin e Gjykatës Kushtetuese ka treguar që Sovran i këtij vendi është qytetari i saj, e jo politikanët ditorë.
Berisha duke iu dëshiruar momente të mira në festat e fundvitit, kërkoi nga strukturat e BD-së dhe nga qytetarët që të jenë më të vendosur në mbrojtjen e sovranitetit të vendit si dhe në luftën e pa kompromis kundër krimit të organizuar dhe korrupsionit i cili ka përfshi të gjitha nivelet qeverisëse deri tek ajo që quhet fatkeqësi për qytetin e Prizrenit ku një njeri i dënuar për krim dhe korrupsion vazhdon të jetë në krye të qytetit. /PrizrenPress.com