“Qeveria ishte humbëse e madhe në 2015-ën”, ka thënë në një intervistë për Klan Kosovën, analisit politi Dukagjin Gorani.
Sipas tij “ajo e hapi vitin me kredibilitet të dëmtuar nga një vendim i Gjykatës Kushtetuese dhe e përfundoi me legjitimitet të humbur nga një vendim tjetër i Gjykatës Kushtetuese”.
Gorani nuk gjenë asnjë segment për ta lavduar Qeverinë, derisa thotë se krizat e problemet e ekzektuvit të udhëhequr nga Kryeminstir i Kosvoës Isa Mustafa dhe zëvendësi itij Hashim Thaçi, ishtin të njëpasnjëshme qysh kur e filluan mandatin Partia Demokratike e Kosovës dhe Lidhja Demokratike e Kosovës.
“Ç’prej fillimit të vitit, koalicioni u përball me sulme dhe kritika të parreshtura të cilat kohëpaskohe ia lëshonin vendin vetëm debakleve diplomatike, çfarë ishte dështimi i anëtarësimit në UNESCO”.
“Në aspektin zhvillimor ishte qeveri e status-quosë – e mirëmbajtjes së gjendjes së rëndë dhe e mungesës së kreativitetit. Në atë të jashtëm radhiti vetëm dështime dhe huqje që kulmuan me mungesë të rekomandimit për liberalizim të regjimit të vizave edhe për periudhën që vjen. Në kontekstin e brendshëm ishte dhe mbeti një ‘martesë interesi’ mes dy partive tradicionalisht rivale dhe, shpeshherë, armiqësore – të fiksuara pas mbijetesës dhe pushtetit”.
Gorani thotë se nuk pret që viti 2016 të sjellë edhe ndonjë ndryshim dhe largim krize në këtë koalicion qeverisës, njofton Klan Kosova.