As sot, policia kufitare e Serbisë nuk po i pranon ekstraktet e Lindjes. Kjo ka ndikuar që kolonat e mëdha në pikat kufitare me Serbinë të vazhdojnë edhe ditën e sotme. Ndërkaq, pika kufitare më problematike mbetet ajo e Merdarës, thotë për Kosovapress, Drejtori i Policisë Kufitare, Shaban Gudaj.
Ai arsyeton pritjet, duke thënë se qytetarët mund të marrin edhe vikendeve Certifikatat e Lindjes, dhe se, sipas tij, ata janë të njoftuar se nuk do t’ju pranohet ekstrakti, sikundër që ka ndodhur edhe vjetëve të mëparshme,transemton rtk
Ministri i Punëve të Brendshme, Bajram Rexhepi, të premten, ka thënë për Kosovapress se ky problem pritet zgjidhet shpejt. Sipas Ministrit Rexhepi, Zyrtari Ndërlidhës, Dejan Paviçeviq, është duke biseduar me autoritetet në Serbi për të gjetur një zgjidhje rreth këtij problemi.