Trajneri i Juventusit, Massimiliano Allegri dëshiron të përforcohet me dy ose tre futbollistë për edicionin e ri, shkruan Tuttosport.
Njëri prej tyre është edhe qendërmbrojtësi shqiptar i Valencias, Shkodran Mustafi, i cili po tregon paraqitje shumë të mira në dy edicionet e fundit.
Lojtari ka thënë se është i lumtur në Valencia, mirëpo nuk e ka përjashtuar mundësinë e largimit.
“Jam shumë mirë në Valencia dhe kam kontratë deri në vitin 2019. Por, gjatë afatit kalimtar gjithçka mund të ndodhë dhe ju kurrë nuk e dini. Kjo varet edhe nga oferta e cila vjen”, tha Mustafi.
Kujtojmë se përveç Juventusit, për Mustafin ka shprehur interesim edhe Borussia Dortmund, e cila e sheh atë si zëvendësues ideal të Mats Hummels.