Në një konferencë të jashtëzakonshme partnerët e koalicionit PDK-LDK, kanë njoftuar për ndryshimet në qeveri.
Hajredin Kuçi do të jetë ministër i drejtësisë edhe për një kohë por është emëruar edhe në pozitën e zëvendëskryeministri.
Ndërkohë Enver Hoxhaj do të kthehet në postin e ministrit të jashtëm.
Mustafa dhe Veseli ka folur edhe për planin e tyre të përbashkët qeverisës.
Kryetari i Kuvendit, Kadri Veseli ka thënë se janë të interesuar në rritjen e dialogut të brendshëm. Në kuadër të kësaj, Veseli ka thënë se opozita duhet të marrë përgjegjësitë që i takojnë.