Nëntë persona kanë mbetur të lënduar nga dy aksidente që kanë ndodhur dje në Prizren dhe në fshatin Sallagrazhd të Suharekës.
“Në Prizren e dyshuara femër duke lëvizur me veturën Opel Kadet nga pakujdesia dhe mospërshtatja e shpejtësisë së lëvizjes me kushtet e rrugës ka goditur veturën VW, të cilën e drejtonte viktima mashkull. Si pasojë e aksidentit lëndime trupore kanë pësuar pesë pasagjerë, tri femra dhe dy meshkuj, të cilët kanë pranuar tretman mjekësor”, njofton Policia e Kosovës, raporton PrizrenPress.
Ndërkaq, në fshatin Sallagrazhd të Suharekë raportohet se i dyshuari mashkull duke lëvizur me veturën BMW nga pakujdesia dhe mospërshtatja e shpejtësisë së lëvizjes me kushtet e rrugës ka goditur veturën Fiat, të cilën e drejtonte viktima femër.
Sipas Policisë, si pasojë e aksidentit lëndime trupore kanë pësuar katër pasagjerë, tri femra dhe një mashkull K-Shqiptar, të cilët kanë pranuar tretman mjekësor. /PrizrenPress.com/