Të paktën 18 persona, janë plagosur lehtë në turmë gjatë lutjeve në natën më të rëndësishme në kalendarin islamik, Natën e Lejlet-ul-Kadrit, në afërsi të Qabesë në Mekë.
Zëdhënësi i qendrës mjekësore në Mekë, Hamid al-Maliki, ka deklaruar se në afërsi të Qabesë në mbrëmjen e Lejlet-ul-Kadri, t ishte mbledhur turmë e madhe.
“Turma ka ndodhur në afërsi të hotelit Dar Teuhid në rrethinën e Qabesë, ku me këtë rast u plagosën 18 persona. Personat e lënduar dhe ata të cilët u ngulfatën morën ndihmën adekuate mjekësore. Pas ndihmës së ofruar të gjithë ndihen mirë. Pas turmës si masë paraprake, në afërsi të Qabesë u dërguan edhe tetë ekipe mjekësore shtesë”, ka deklaruar ai, raporton Anadolu Agency (AA).