22.7 C
Prizren
E premte, 11 Korrik, 2025

Malisheva nderon me mirënjohje shkencëtarin Arsim Bytyqi

Kryetari i Komunës së Malishevës, Ragip Begaj, ka pritur sot, Dr. Arsim Bytyqin, shkencëtar i ri, i cili është prej tre fituesve të garës ndërkombëtare “Helium Innovation Contest”, e mbajtur në New York të SHBA-ve.

Qëllimi i kësaj pritje ishte, dhënia e një mirënjohjeje për vlerat e prezantuara nga Bytyqi, në këtë garë dhe pjesëmarrja e një malishevasi në një ngjarje të tillë shkencore.

“Unë ju përgëzoj juve për paraqitjen dhe suksesin e treguar në këtë garë, por edhe fushën studimore në përgjithësi, si një shkencëtar i ri dhe një doktor shkence, në fushën biokimisë dhe nanoteknoligjisë”, i tha kryetari Begaj.

“Çdo malishevas që merr pjesë një këso ngjarje shkencore dhe prezantohet me të arriturat në shkencë, është krenari për neve të gjithë”, ka thënë kryetari Begaj, në pritjen për Bytyqin.

Nga ana tjetër, Dr. Arsim Bytyqi, e ka falënderuar kryetarin Begaj dhe Komunën e Malishevës, për këtë pritje dhe për vlerësimin që në vazhdimësi ju ka bërë të gjithë malishevasve, të cilët kanë treguar rezultate të ndryshme në fushat e caktuara.

“Ky vlerësim më bën të punoj edhe më shumë”, tha Bytyqi.

Dr. Arsim Bytyqi është nga Kërvasaria e Komunës së Malishevës, dhe është prej shkencëtarëve të rinj, që po arrin rezultate të mira në fushën biokimisë dhe nanoteknoligjisë. /PrizrenPress.com/

Më Shumë

Driton Selmanaj kandidat i LDK-së për kryetar të Prizrenit

Driton Selmanaj do të jetë kandidat i Lidhjes Demokratike të Kosovës për kryetar të Komunës së Prizrenit në zgjedhjet lokale që priten të mbahen...

Postoi fotografi me pistoletë, arrestohet i mituri në Malishevë

Në fshatin Carallukë të Malishevës është arrestuar një i mitur, pasi që në rrjete sociale kishte postuar foto me pistoletë. https://prizrenpress.com/418464-2ht/ Siç thuhet në raportin 24-orësh...

Lajmet e Fundit